സാങ്കേതിക സർവകലാശാല: അഡ്ജംഗ്ട്, ആഡ്ഹോക്ക് ഫാക്കൽറ്റി തസ്തികകളിൽ അവസരം
തിരുവനന്തപുരത്ത്: എ.പി.ജെ. അബ്ദുൾ കലാം സാങ്കേതിക സർവകലാശാലയുടെ വിവിധ സ്കൂളുകളിൽ അഡ്ജംഗ്ട്്, ആഡ്ഹോക്ക് ഫാക്കൽറ്റി അംഗങ്ങളായി എംപാനൽ ചെയ്യുന്നതിനായി ഉദ്യോഗാർഥികളിൽ നിന്ന് അപേക്ഷകൾ ക്ഷണിച്ചു.
സർക്കാർ, എയ്ഡഡ് സ്ഥാപനങ്ങൾ, ആർ ആൻഡ് ഡി ലാബുകൾ എന്നിവയിൽ സേവനമനുഷ്ഠിക്കുന്നവർക്കും വിരമിച്ചവർക്കും അപേക്ഷിക്കാം. സിവിൽ എൻജിനീയറിംഗ്, മെക്കാനിക്കൽ എൻജിനിയറിംഗ്, ഇലക്ട്രിക്കൽ എൻജിനീയറിംഗ്, ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനിയറിംഗ്, അല്ലെങ്കിൽ കന്പ്യൂട്ടർ സയൻസ് ആൻഡ് എൻജിനിയറിംഗിൽ പിഎച്ച്ഡി ബിരുദമുള്ള ഉദ്യോഗാർഥികൾ അവരുടെ യോഗ്യത തെളിയിക്കുന്ന രേഖകളുമായി 22ന് രാവിലെ 10 ന് സർവകലാശാലാ കാന്പസിൽ നടക്കുന്ന വാക്ക്ഇൻ ഇന്റർവ്യൂവിന് പങ്കെടുക്കാം.