ഐഇഎല്ടിഎസ്, ഒഇടി ഓഫ്ലൈന്/ഓണ്ലൈന് കോഴ്സുകളിലേക്ക് അപേക്ഷിക്കാം
തിരുവനന്തപുരം: സംസ്ഥാന സര്ക്കാര് സ്ഥാപനമായ നോര്ക്ക ഇന്സ്റ്റിറ്റ്യൂട്ട് ഓഫ് ഫോറിന് ലാംഗ്വേജസിന്റെ (എന്ഐഎഫ്എല്) തിരുവനന്തപുരം, കോഴിക്കോട് സെന്ററുകളില് ഐഇഎല്ടിഎസ്, ഒഇടി ഓഫ്ലൈന്/ഓണ്ലൈന് കോഴ്സുകളിലേക്ക് ഇപ്പോള് അപേക്ഷിക്കാം. ഐഇഎല്ടിഎസ്, ഒഇടി കോഴ്സില് ബിപിഎല്/എസ്സി/എസ്ടി വിഭാഗങ്ങളില് ഉള്പ്പെടുന്നവര്ക്ക് ഫീസ് സൗജന്യമാണ്.
മറ്റുള്ളവര്ക്ക് ജിഎസ്ടി ഉള്പ്പെടെ 4425 രൂപയാണ് ഫീസ് (ലിസണിംഗ്, റീഡിംഗ്, സ്പീക്കിംഗ്, റൈറ്റിംഗ് എന്നീ നാലു മോഡ്യൂളുകള്). ഓഫ്ലൈന് കോഴ്സില് മൂന്ന് ആഴ്ച നീളുന്ന അഡീഷണല് ഗ്രാമര് ക്ലാസിനും അവസരമുണ്ടാകും (ഫീസ് 2000 രൂപ). ഐഇഎല്ടിഎസ് ഓണ്ലൈന് എക്സാം ബാച്ചിന് 4425 രൂപയും റെഗുലര് ബാച്ചിന് 7080 രൂപയുമാണ് ഫീസ്. ഒഇടി 5900 രൂപയും, ഏതെങ്കിലും ഒരു മോഡ്യൂളിന് 8260 ഉം, ഏതെങ്കിലും രണ്ട് മോഡ്യൂളുകള്ക്ക് 7080 രൂപയുമാണ് ഫീസ്. മുന് പരീക്ഷാ പരിചയമുള്ള ഉദ്യോഗാര്ഥികള്ക്ക് മാത്രമാണ് ഒഇടി ഓണ്ലൈന് ബാച്ചില് പ്രവേശനം ലഭിക്കുക. ഓണ്ലൈന് കോഴ്സുകള്ക്ക് ഫീസിളവ് ബാധകമല്ല.
താത്പര്യമുള്ള ഉദ്യോഗാര്ഥികള്ക്ക് www.nifl.nork aroots.org എന്ന വെബ്സൈറ്റ് സന്ദര്ശിച്ച് അപേക്ഷ നല്കാം. കോഴ്സ് വിജയകരമായി പൂര്ത്തിയാക്കുന്ന ആരോഗ്യമേഖലയിലെ പ്രഫഷണലുകള്ക്ക് നോര്ക്ക റൂട്ട്സ് വഴി വിദേശത്ത് ജോലി കണ്ടെത്തുന്നതിനും അവസരമുണ്ടാകും. ഫീസ് സംബന്ധിക്കുന്ന വിവരങ്ങള്ക്ക് +917907323505 (തിരുവനന്തപുരം) +918714259444 (കോഴിക്കോട്) എന്നീ മൊബൈല് നമ്പറുകളിലോ (പ്രവൃത്തി ദിനങ്ങളില്, ഓഫീസ് സമയത്ത്) നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +918802 012 345 (വിദേശത്തുനിന്നും, മിസ്ഡ് കോള് സര്വീസ്) ബന്ധപ്പെടാം.