എംജി സര്‍വകലാശാലയിലെ സ്‌കൂള്‍ ഓഫ് ഫുഡ് സയന്‍സ് ആന്‍ഡ് ടെക്‌നോളജിയില്‍ ടെക്‌നിക്കല്‍ അസിസ്റ്റന്റ് (പട്ടിക ജാതി വിഭാഗം), ലാബ് അസിസ്റ്റന്റ്(പൊതു വിഭാഗം) തസ്തികകളിലെ ഒന്നു വീതം ഒഴിവുകളില്‍ താത്കാലിക കരാര്‍ നിയമനത്തിന് അപേക്ഷ ക്ഷണിച്ചു.
ബിടെക് ഫുഡ് പ്രോസസിംഗ്, എംഎസ്്‌സി ഫുഡ് സയന്‍സ് ആന്‍ഡ്് ക്വാളിറ്റി കണ്‍ട്രോള്‍, എംഎസ്്‌സി ഫുഡ് ആന്‍ഡ്് ന്യുട്രീഷന്‍ ഇവയില്‍ ഏതെങ്കിലും യോഗ്യതയുള്ളവരെയാണ് ടെക്‌നിക്കല്‍ അസിസ്റ്റന്റ് തസ്തികയില്‍ പരിഗണിക്കുന്നത്. പ്രതിമാസ വേതനം 25000 രൂപ.
കെമിസ്ട്രി അല്ലെങ്കില്‍ ലൈഫ് സയന്‍സില്‍ ബിരുദമുള്ളവര്‍ക്ക് ലാബ് അസിസ്റ്റന്റ് തസ്തികയിലേക്ക് അപേക്ഷിക്കാം. പ്രതിമാസ വേതനം 15000 രൂപ. രണ്ടു തസ്തികകളിലും അപേക്ഷിക്കുന്നവര്‍ക്ക് പ്രായം 2025 ജനുവരി ഒന്നിന് 36 കവിയരുത്. സംവരണ വിഭാഗക്കാര്‍ക്ക് ഉയര്‍ന്ന പ്രായപരിധിയില്‍ ഇളവ് അനുവദിക്കും. താത്പര്യമുള്ളവര്‍ വിജ്ഞാപനത്തിനൊപ്പമുള്ള അപേക്ഷാ ഫോറം പൂരിപ്പിച്ച് യോഗ്യതാ രേഖകളുടെ സാക്ഷ്യപ്പെടുത്തിയ പകര്‍പ്പുകള്‍ സഹിതം
[email protected] എന്ന വിലാസത്തില്‍ അയയ്ക്കണം.
പരീക്ഷയ്ക്ക് അപേക്ഷിക്കാം ഒന്നാം സെമസ്റ്റര്‍ ബിഎല്‍ഐബിഐഎസ്്‌സി (2024 അഡ്മിഷന്‍ റെഗുലര്‍, ഒന്നാം സെമസ്റ്റര്‍ ബിഎല്‍ഐബിഎസ്്‌സി(2023 അഡ്മിഷന്‍ സപ്ലിമെന്ററി, 2020 മുതല്‍ 2022 വരെ അഡ്മിഷനുകള്‍ മേഴ്‌സി ചാന്‍സ്) പരീക്ഷകള്‍ക്ക് 14വരെ ഫീസ് അടച്ച് അപേക്ഷിക്കാം. ഫൈനോടെ 15നും സൂപ്പര്‍ ഫൈനോടെ 17വരെയും അപേക്ഷ സ്വീകരിക്കും.
പ്രാക്ടിക്കല്‍ അഞ്ചാം സെമസ്റ്റര്‍ സിബിസിഎസ് ബിസിഎ, ബിഎസ്്‌സി കംപ്യൂട്ടര്‍ ആപ്ലിക്കേഷന്‍ മോഡല്‍ മൂന്ന് ട്രിപ്പിള്‍ മെയിന്‍(പുതിയ സ്‌കീം, 2022 അഡ്മിഷനിലെ തോറ്റ വിദ്യാര്‍ഥികള്‍ക്കു മാത്രമുള്ള സ്‌പെഷല്‍ റീ അപ്പിയറന്‍സ് ഫെബ്രുവരി 2025) പരീക്ഷയുടെ പ്രാക്ടിക്കല്‍ പരീക്ഷ 14ന് നടത്തും. ടൈം ടേബിള്‍ വെബ്‌സൈറ്റില്‍.
അഞ്ചാം സെമസ്റ്റര്‍ ബിഎസ്്‌സി ഇന്‍ഫര്‍മേഷന്‍ ടെക്‌നോളജി (സിബിസിഎസ് 2022 അഡ്മിഷനിലെ തോറ്റ വിദ്യാര്‍ഥികള്‍ക്കു മാത്രമുള്ള സ്‌പെഷല്‍ റീ അപ്പിയറന്‍സ് ഫെബ്രുവരി 2025) പരീക്ഷയുടെ പ്രാക്ടിക്കല്‍ പരീക്ഷ 13ന് ഇടക്കൊച്ചി സിയന്ന കോളജ് ഓഫ് പ്രഫഷണല്‍ സ്റ്റഡീസില്‍ നടക്കും. ടൈം ടേബിള്‍ വെബ് സൈറ്റില്‍.