ഓണേഴ്സ് ബിരുദം: ഭാഷാ വിഷയങ്ങളില് ഓണ്ലൈന് കോഴ്സുകള്ക്ക് എംജി സിന്ഡിക്കറ്റിന്റെ അംഗീകാരം
കോട്ടയം: ഓണേഴ്സ് ബിരുദ പ്രോഗ്രാമുകളുടെ ഭാഗമായുള്ള ഭാഷാ വിഷയങ്ങള്ക്ക് എംജി സര്വകലാശാലയില് ഓണ്ലൈന് കോഴ്സുകള് ആരംഭിക്കുന്നതിനുള്ള നിര്ദേശം സിന്ഡിക്കറ്റ് യോഗം അംഗീകരിച്ചു.
ആദ്യ ഘട്ടത്തില് ഫ്രഞ്ച്, ജര്മന്, തമിഴ് ഭാഷാ കോഴ്സുകള് ആരംഭിക്കാവുന്നതാണെന്ന് വൈസ് ചാന്സലര് ഡോ. സി.ടി. അരവിന്ദകുമാറിന്റെ അധ്യക്ഷതയില് ചേര്ന്ന സിന്ഡിക്കേറ്റ് യോഗം ശുപാര്ശ ചെയ്തു.
ആദ്യ രണ്ടു സെമസ്റ്ററുകളിലാണ് ഭാഷാ വിഷയങ്ങള് പഠിക്കാന് കഴിയുക. സംസ്ഥാനത്തെ ഏതു സര്വകലാശാലയില്നിന്നും കോളജില്നിന്നുമുള്ള വിദ്യാര്ഥികള്ക്ക് ചേരാന് കഴിയുന്ന രീതിയിലായിരിക്കും ഈ കോഴ്സുകള് ചിട്ടപ്പെടുത്തുക.
സംസ്ഥാന സര്ക്കാര് ജീവനക്കാര്ക്ക് അനുമതിയോടെ ഉന്നത പഠനം നടത്തുന്നതിനുള്ള ദൂരപരിധി നിബന്ധനയില്നിന്ന് ഓണ്ലൈന് പ്രോഗ്രാമുകള്ക്ക് ഇളവ് നല്കുന്നതിന് സര്ക്കാരിനോട് അഭ്യര്ത്ഥിക്കുന്നതിനും സിന്ഡിക്കറ്റ് യോഗം ശിപാര്ശ ചെയ്തു.