പ്ര​ഗ്നാ​ന​ന്ദ​യു​ടെ പോരാട്ടം വിജയതുല്യം
Friday, August 25, 2023 12:24 AM IST
ചെ​സ്ബോ​ർ​ഡി​ലൊ​തു​ങ്ങാ​ത്ത ക​ഠി​നാ​ധ്വാ​ന​ത്തി​ന്‍റെ​യും ജീ​വി​ത​വി​ജ​യ​ത്തി​ന്‍റെ​യും സ​മാ​ന​ത​ക​ളി​ല്ലാ​ത്ത നേ​ർ​ക്കാ​ഴ്ച​കൂ​ടി​യാ​ണ് പ്ര​ഗ്നാ​ന​ന്ദ​യും അ​മ്മ നാ​ഗ​ല​ക്ഷ്മി​യും ലോ​ക​ത്തി​നു കൈ​മാ​റു​ന്ന​ത്

ലോ​ക​കപ്പി​ന്‍റെ അ​ങ്ക​ത്ത​ട്ടി​ലെ ക​രു​ക്ക​ളി​ൽ മ​സ്തി​ഷ്ക​ത്തെ ആ​വാ​ഹി​ച്ച് അ​തി​ശ​യി​പ്പി​ക്കു​ന്ന പോ​രാ​ട്ടം ന​ട​ത്തി​യ ആ​ർ. പ്ര​ഗ്നാ​ന​ന്ദ​യ്ക്ക് അ​ഭി​വാ​ദ്യ​ങ്ങ​ൾ! അ​സ​ർ​ബൈ​ജാ​നി​ലെ ബാ​ക്കു​വി​ൽ ന​ട​ന്ന 2023 ലോ​ക​ക​പ്പ് ചെ​സ് ഫൈ​ന​ലി​ൽ നോ​ർ​വെ​യു​ടെ മാ​ഗ്ന​സ് കാ​ൾ​സ​ണാണ് കി​രീ​ട​മ​ണി​ഞ്ഞ​ത്.

18ാം വ​യ​സി​ൽ ലോ​ക​ക​പ്പി​ൽ പ​ങ്കെ​ടു​ത്ത് അ​ഞ്ചു ത​വ​ണ ലോ​ക ചെ​സ് ചാ​ന്പ്യ​നും ഒ​ന്നാം ന​ന്പ​ർ താ​ര​വു​മാ​യ മാ​ഗ്ന​സ് കാ​ൾ​സ​ണെ വി​യ​ർ​പ്പി​ച്ച പ്ര​ഗ്നാ​ന​ന്ദ രാ​ജ്യ​ത്തി​നു സ​മ്മാ​നി​ച്ചി​രി​ക്കു​ന്ന​ത് വി​ജ​യസ​മാ​ന​മാ​യ പോ​രാ​ട്ട​വീ​ര്യ​മാ​ണ്.

ചെ​സ്ബോ​ർ​ഡി​ലൊ​തു​ങ്ങാ​ത്ത ക​ഠി​നാ​ധ്വാ​ന​ത്തി​ന്‍റെ​യും ജീ​വി​ത​വി​ജ​യ​ത്തി​ന്‍റെ​യും സ​മാ​ന​ത​ക​ളി​ല്ലാ​ത്ത നേ​ർ​ക്കാ​ഴ്ച​കൂ​ടി​യാ​ണ് പ്ര​ഗ്നാ​ന​ന്ദ​യും അ​മ്മ നാ​ഗ​ല​ക്ഷ്മി​യും ലോ​ക​ത്തി​നു കൈ​മാ​റു​ന്ന​ത്. മ​ക​ൻ ചെ​സി​ൽ ക​രു​ക്ക​ൾ നീ​ക്കു​ന്ന​തി​നു​മു​ന്പ് നാ​ഗ​ല​ക്ഷ്മി ചെ​ന്നൈ​യി​ലെ വീ​ട്ടി​ൽ ന​ട​ത്തി​യ ക​രു​നീ​ക്ക​ങ്ങ​ളാ​ണ് അ​വ​നെ അ​സ​ർ​ബൈ​ജാ​നി​ലെ പോ​രാ​ട്ട​ഭൂ​മി​യി​ലെ​ത്തി​ച്ച​ത്.

ഫൈ​ന​ലി​ന്‍റെ ടൈ​ബ്രേ​ക്ക​റി​ലാ​ണ് ഇ​ന്ത്യ​യു​ടെ കൗ​മാ​ര വി​സ്മ​യം പ്ര​ഗ്നാ​ന​ന്ദ​യെ മു​പ്പ​ത്തി​ര​ണ്ടു​കാ​ര​നാ​യ കാ​ൾ​സ​ൺ തോ​ൽ​പ്പി​ച്ച​ത്. ഫൈ​ന​ലി​ലെ ആ​ദ്യ ര​ണ്ട് ഗെ​യി​മു​ക​ളും സ​മ​നി​ല​യി​ൽ ക​ലാ​ശി​ച്ച​തോ​ടെ മ​ത്സ​രം ടൈ​ബ്രേ​ക്ക​റി​ലേ​ക്ക് നീ​ളു​ക​യാ​യി​രു​ന്നു. സ​മ​യ​ത്തെ അ​ടി​സ്ഥാ​ന​മാ​ക്കി​യു​ള്ള അ​തി​വേ​ഗ ശൈ​ലി​യാ​യ റാ​പ്പി​ഡാ​ണ് ടൈ​ബ്രേ​ക്കി​ൽ ന​ട​ന്ന​ത്.

ക​റു​ത്ത ക​രു​ക്ക​ളു​മാ​യി തു​ട​ങ്ങി​യ കാ​ൾ​സ​ൺ മി​ക​ച്ച പ്ര​ക​ട​ന​ത്തോ​ടെ ആ​ദ്യ മ​ത്സ​രം ജ​യി​ച്ചു. സ​മ്മ​ർ​ദത്തി​ലാ​യ പ്ര​ഗ്നാ​ന​ന്ദ പ്ര​തി​രോ​ധ​ത്തി​ലൂ​ന്നി ക​ളി​ക്കേ​ണ്ടി​വ​ന്നു. ര​ണ്ടാ​മ​ത്തെ മ​ത്സ​രം 28 നീ​ക്ക​ങ്ങ​ൾ​ക്കൊ​ടു​വി​ൽ സ​മ​നി​ല​യി​ലായതോടെ ഒ​ന്ന​ര പോ​യി​ന്‍റ് നേ​ടി​യ കാ​ൾ​സ​ൻ കി​രീ​ട​മ​ണി​ഞ്ഞു. വി​ശ്വ​നാ​ഥ​ൻ ആ​ന​ന്ദി​നു​ശേ​ഷം ആ​ദ്യ​മാ​യി ചെ​സ് ലോ​ക​ക​പ്പ് ഫൈ​ന​ലി​ൽ ഇ​ന്ത്യ​യെ എ​ത്തി​ച്ച പ്ര​ഗ്നാ​ന​ന്ദ​യു​ടെ സ​ഹോ​ദ​രി വൈ​ശാ​ലി​യും ചെ​സി​ൽ ലോ​ക​താ​ര​മാ​ണ്.

ര​ണ്ടു​ പേ​രെ​യും താ​ര​ങ്ങ​ളാ​ക്കി​യ അ​മ്മ​യു​ടെ അ​ധ്വാ​നം​കൂ​ടി ചേ​ർ​ത്തു​വ​ച്ചാ​ൽ ല​ഭി​ക്കു​ന്ന​ത് സ​മ​കാ​ലി​ക ഇ​ന്ത്യ​യി​ലെ അ​ത്യു​ജ്വ​ല​മാ​യൊ​രു പ്ര​ചോ​ദ​ന ക​ഥ​യാ​ണ്. ആ​ത്മ​വി​ശ്വാ​സ​ത്താ​ലും അ​ച്ച​ട​ക്ക​ത്താ​ലും ആ​ർ​ക്കും പ്രാ​പ്യ​മാ​ക്കാ​വു​ന്ന വി​ജ​യ​ത്തി​ന്‍റെ ക​ളി​ക്ക​ള​ങ്ങ​ളെ​യാ​ണ് ഈ ​കു​ടും​ബം ഓ​ർ​മി​പ്പി​ക്കു​ന്ന​ത്.

13 വ​യ​സ് തി​ക​യു​ന്ന​തി​നു മു​ന്പ് ഗ്രാ​ൻ​ഡ് മാ​സ്റ്റ​ർ പ​ദ​വി സ്വ​ന്ത​മാ​ക്കി​യ പ്ര​ഗ്നാ​ന​ന്ദ​യു​ടെ​യും വ​നി​ത ഗ്രാ​ൻ​ഡ് മാ​സ്റ്റ​റും ഇ​ന്‍റ​ർ​നാ​ഷ​ണ​ൽ മാ​സ്റ്റ​റു​മാ​യ സ​ഹോ​ദ​രി ആ​ർ. വൈ​ശാ​ലി​യു​ടെ​യും മാ​താ​പി​താ​ക്ക​ളു​ടെ​യും ജീ​വി​തം അ​ടു​ത്ത​റി​യേ​ണ്ട​താ​ണ്. നേ​ര​ന്പോ​ക്കു​ക​ളെ നി​ല​യ്ക്കു നി​ർ​ത്തി​യാ​ൽ ന​മു​ക്കു കീ​ഴ​ട​ക്കാ​നാ​കു​ന്ന ഗി​രി​ശൃം​ഗ​ങ്ങ​ളു​ടെ സ​മീ​പ​ദൃ​ശ്യം​കൂ​ടി​യാ​ണ​ത്. ഏ​തു​നേ​ര​വും ടെ​ലി​വി​ഷ​നു മു​ന്നി​ൽ ച​ട​ഞ്ഞു​കൂ​ടി​യി​രു​ന്ന മ​ക്ക​ളെ അ​തി​ൽ​നി​ന്നു മാ​റ്റാ​നാ​ണ് മ​ക​ൾ വൈ​ശാ​ലി​യെ ചെ​സ് പ​ഠി​ക്കാ​ൻ വി​ടാ​മെ​ന്നു വ​ച്ച​ത്.

അ​നി​യ​ൻ പ്ര​ഗ്നാ​ന​ന്ദ ചേ​ച്ചി​ക്കു കൂ​ട്ടി​നു​പോ​യി​ത്തു​ട​ങ്ങി​യ​താ​ണ്. താ​മ​സി​യാ​തെ അ​വ​നും ക​ളി​യി​ൽ താ​ത്പ​ര്യ​മാ​യി. ടി​വി​യി​ൽ​നി​ന്നു ചെ​സ്ബോ​ർ​ഡി​ലേ​ക്കു​ള്ള ക​ളം​മാ​റ്റം ചെ​ന്നൈ കു​മ​ര​ൻ​ന​ഗ​റി​ലെ ചെ​റി​യ വീ​ട്ടി​ൽ അ​ത്ഭു​ത​ക​ര​മാ​യ മാ​റ്റ​ങ്ങ​ൾ​ക്കു വ​ഴിതെ​ളി​ക്കു​ക​യാ​യി​രു​ന്നു.

ടി ​ന​ഗ​റി​ലെ ര​ണ്ടു മു​റി വീ​ട്ടി​ലു​ള്ള ചെ​സ് ഗു​രു​കു​ല​മെ​ന്ന പ​രി​ശീ​ല​ന​കേ​ന്ദ്ര​ത്തി​ൽ അ​വ​രെ​ത്തി. കോ​ച്ച് ആ​ർ.​ബി. ര​മേ​ഷി​ന്‍റെ കീ​ഴി​ൽ പ​രി​ശീ​ല​നം. ചേ​ച്ചി​യു​ടെ വ​ന്പ​ൻ വി​ജ​യ​ങ്ങ​ൾ പ്ര​ഗ്നാ​ന​ന്ദ​യു​ടെ ഇ​ച്ഛാ​ശ​ക്തി​യെ ആ​ളി​ക്ക​ത്തി​ച്ചു. പ്ര​ഗ്നാ​ന​ന്ദ​യും ടൂ​ർ​ണ​മെ​ന്‍റു​ക​ളി​ൽ പ​ങ്കെ​ടു​ക്കാ​ൻ തു​ട​ങ്ങി. പി​ന്നെ വി​ജ​യ​ങ്ങ​ളു​ടെ തേ​രോ​ട്ട​മാ​യി​രു​ന്നു.

മൊ​ബൈ​ൽ ഫോ​ണു​ക​ളി​ലും കം​പ്യൂ​ട്ട​ർ ഗെ​യി​മു​ക​ളി​ലു​മൊ​ക്കെ ജീ​വി​ത​ത്തി​ന്‍റെ വി​ല​പ്പെ​ട്ട സ​മ​യ​മ​ത്ര​യും പാ​ഴാ​ക്കു​ന്ന മ​നു​ഷ്യ​ർ​ക്കു​ള്ള വി​ല​പ്പെ​ട്ട പാ​ഠം​കൂ​ടി​യാ​ണ് ഈ ​കു​ടും​ബ​ത്തി​ന്‍റേ​ത്. ലോ​കോ​ത്ത​ര ചെ​സ് ക​ളി​ക്കാ​രാ​യ സ​ഹോ​ദ​ര​ങ്ങ​ളു​ടെ പി​താ​വ് ര​മേ​ഷ് ബാ​ബു പ​റ​യു​ന്ന​ത് മ​ക്ക​ളു​ടെ വി​ജ​യ​ത്തി​നു പി​ന്നി​ൽ അ​മ്മ നാ​ഗ​ല​ക്ഷ്മി​യാ​ണെ​ന്നാ​ണ്.

കു​മ​ര​ൻ ന​ഗ​റി​ലെ അ​യ​ൽ​ക്കാ​ർ​ക്കു​പോ​ലും അ​ത്ര പ​രി​ചി​തര​ല്ലാ​തി​രു​ന്ന മ​ക്ക​ളെ ലോ​ക​പ്ര​ശ​സ്ത​രാ​ക്കി​യ​ത് അ​ക്ഷ​രാ​ർ​ഥ​ത്തി​ൽ നാ​ഗ​ല​ക്ഷ്മി​യാ​ണ്. മ​ക്ക​ൾ ചെ​സ് ക​ളി​ച്ചു​കൊ​ണ്ടി​രി​ക്കു​ന്പോ​ൾ വീ​ട്ടി​ലെ​ത്തു​ന്ന അ​തി​ഥി​ക​ളെ അ​വ​ർ കാ​ർ പോ​ർ​ച്ചി​ലോ വ​രാ​ന്ത​യി​ലോ വ​ച്ച് സ്വീ​ക​രി​ക്കു​ക​യും സ​ൽ​ക്ക​രി​ക്കു​ക​യും മ​ട​ക്കി അ​യയ്ക്കു​ക​യും ചെ​യ്യു​മാ​യി​രു​ന്നു.

അ​മ്മ ഈ​വി​ധം സ​മ്മാ​നി​ച്ച ഏ​കാ​ഗ്ര​ത​യി​ൽ അ​വ​ർ ക​ഠി​ന പ​രി​ശീ​ല​ന​ത്തി​ലേ​ർ​പ്പെ​ട്ടു. പി​ന്നീ​ട് ടൂ​ർ​ണ​മെ​ന്‍റു​ക​ളി​ൽ പ​ങ്കെ​ടു​ക്കാ​ൻ നാട് വി​ട്ടും രാ​ജ്യം വി​ട്ടും പോ​കു​ന്നി​ട​ത്തൊ​ക്കെ ഒ​രു ഇ​ൻ ഡക്്ഷന്‍ കു​ക്കു​റും അ​രി​യും പൊ​തി​ഞ്ഞു​കെ​ട്ടി അ​മ്മ പി​ന്തു​ട​ർ​ന്നു. മ​ക​ന് ഇ​ഷ്ട​പ്പെ​ട്ട ചോ​റും ര​സ​വും ഉ​റ​പ്പാ​ക്കി​യും മ​നോ​ബ​ലം ന​ൽ​കി​യും നാ​ഗ​ല​ക്ഷ്മി വി​ജ​യ​ശി​ൽ​പി​യാ​യി.

ലോ​ക​ക​പ്പി​ലെ ക്വാ​ർ​ട്ട​ർ ഫൈ​ന​ൽ ക​ഴി​ഞ്ഞു മാ​ധ്യ​മ​ങ്ങ​ൾ​ക്ക് അ​ഭി​മു​ഖം ന​ൽ​കി​യ പ്ര​ഗ്നാ​ന​ന്ദ​യി​ൽ​നി​ന്ന​് അക​ന്നു​നി​ന്ന് അ​വ​ന്‍റെ മു​ഖ​ത്തേ​ക്കു നോ​ക്കി ചാ​രി​താ​ർ​ഥ്യ​ത്തോ​ടെ ചി​രി​ക്കു​ന്ന അ​മ്മ​യു​ടെ ചി​ത്രം ലോ​കം ഏ​റ്റെ​ടു​ത്തു. മ​റ്റൊ​ന്ന്, മാ​റി​നി​ന്നു സാ​രി​ത്ത​ല​പ്പു​കൊ​ണ്ടു ക​ണ്ണു തു​ട​യ്ക്കു​ന്ന​താ​യി​രു​ന്നു.

ലോ​ക​ത്തെ കീ​ഴ​ട​ക്കി​യ ചി​ത്ര​മാ​യി അ​തു പ​രി​ണ​മി​ച്ചു. ഒ​പ്പ​ത്തി​നൊ​പ്പം നി​ന്നു മ​ക്ക​ളു​ടെ കു​തി​പ്പി​നു ഗ​തി​വേ​ഗം കൊ​ടു​ത്ത നാ​ഗ​ല​ക്ഷ്മി​യും പി​ന്തു​ണ​യു​മാ​യി പി​ന്നി​ൽ​നി​ന്ന ര​മേ​ഷ് ബാ​ബു​വും ല​ക്ഷ്യ​ബോ​ധ​ത്തോ​ടെ​യു​ള്ള മു​ന്നേ​റ്റ​ങ്ങ​ളെ വി​ല​ക്കു​ന്ന​തെ​ല്ലാം വ​ലി​ച്ചെ​റി​ഞ്ഞ മ​ക്ക​ളും ന​ൽ​കു​ന്ന മാ​തൃ​ക ഏ​തൊ​രു ലോ​ക​ക​പ്പി​നും മു​ക​ളി​ലാ​ണ്.

ന​മ്മു​ടെ അ​ല​സ​ത​യു​ടെ പെ​ട്ടി​ക​ളി​ൽ അ​ധ്വാ​ന​ത്തി​ന്‍റെ ക​ര​സ്പ​ർ​ശ​മേ​ൽ​ക്കാ​തെ കി​ട​ക്കു​ന്ന ക​രു​ക്ക​ളെ ക​ള​ത്തി​ലി​റ​ക്കാ​ൻ ഇ​താ​ണു സ​മ​യം.
Copyright @ 2022 , Rashtra Deepika Ltd.