റായ് ലക്ഷ്മി, മുകേഷ് തിവാരി, രവി കാലെ എന്നിവരെ പ്രധാന കഥാപാത്രങ്ങളാക്കി ഗുരുപ്രസാദ് തിരക്കഥയെഴുതി സംവിധാനം ചെയ്യുന്ന "നാൻ താൻ ഝാൻസി" എന്ന തമിഴ് ആക്ഷൻ ത്രില്ലർ ചിത്രം ഓഗസ്റ്റ് ഒമ്പതിന് പ്രദർശനത്തിനെത്തുന്നു.
രാജേഷ് കുമാർ നിർമിക്കുന്ന ഈ ചിത്രത്തി‍റെ ഛായാഗ്രഹണം വീരേഷ് എൻ.ടി.എ നിർവഹിക്കുന്നു. രചന-പി.വി.എസ്. ഗുരുപ്രസാദ്, സംഗീതം-എം.എൻ. കൃപാകർ, എഡിറ്റർ -ബസവരാജ് യുആർഎസ് ശിവു, ആക്ഷൻ-ത്രില്ലർ മഞ്ജു.
കുറ്റകൃത്യങ്ങൾ ഇല്ലാതാക്കാൻ അർപ്പണബോധമുള്ള ഒരു നിർഭയ ഉദ്യോഗസ്ഥയായ ഇൻസ്‌പെക്ടർ ജാൻസി, തന്‍റെ ശ്രമങ്ങളെ തുരങ്കം വയ്ക്കാനും ഭയം പരത്താനും ശ്രമിക്കുന്ന ഒരു ദുഷ്ട ബിസിനസുകാരനെ നേരിടുമ്പോളുണ്ടാകുന്ന വെല്ലുവിളികളും ഏറ്റുമുട്ടലുകളുമാണ് പുത്തൻ സാങ്കേതിക മികവിൽ ദൃശ്യവൽക്കരിക്കുന്നത്.
രണ്ടു വില്ലന്മാർ ഉള്ളതിനാൽ ഈ ചിത്രത്തിലെ ആക്ഷൻ രംഗങ്ങൾക്ക് ഏറേ പ്രാധാന്യമുണ്ട്. റായ് ലക്ഷ്മിയുടെ ആദ്യത്തെ ആക്ഷൻ ചിത്രമാണിത്. അസോസിയേറ്റ്-നംജു എം.എൻ. ഹള്ളി, അസിസ്റ്റന്‍റ് ഡയറക്ടർ- ഹനിയുമർ എസ്., മഹേഷ് കുമാർ ജെ., റോജ, സ്റ്റിൽസ്-രമേഷ് പ്രൊഡക്ഷൻ മാനേജർ- തോമസ്, രാഹുൽ എൻ.എച്ച്., ഡിസൈൻ-ആർട്ട് കഫേ.
കേരളത്തിൽ റോഷിക എന്‍റർപ്രൈസസ്, സൻഹ സ്റ്റുഡിയോ റിലീസ് എന്നിവർ ചേർന്നാണ് ചിത്രം പ്രദർശനത്തിനെത്തിക്കുന്നത്. പിആർഒ-എ.എസ്. ദിനേശ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.