മോഹൻലാൽ ജീത്തു ജോസഫ് ചിത്രം റാമിന്‍റെ റിലീസ് നീണ്ടുപോകുമെന്ന് റിപ്പോർട്ടുകൾ. ചിത്രം ഡിസംബറിൽ തിയറ്ററിലെത്തുമെന്നായിരുന്നു ആദ്യം പ്രതീക്ഷിച്ചിരുന്നത്. ചിത്രീകരണം ഓഗസ്റ്റില്‍ പൂര്‍ത്തിയാക്കി ക്രിസ്മസിന് തിയറ്ററുകളില്‍ എത്തിക്കാനായിരുന്നു നേരത്തെ ആലോചനകള്‍ ഉണ്ടായിരുന്നത്.
എന്നാൽ ചിത്രത്തിന്‍റെ പോസ്റ്റ് പ്രൊഡക്ഷൻ ജോലികള്‍ വൈകുന്നതിനാൽ ചിത്രം ഓഗസ്റ്റിൽ പൂർത്തിയാക്കാനാകില്ലെന്നാണ് റിപ്പോർട്ടുകൾ. അതേസമയം തരുൺ മൂർത്തി- മോഹൻലാൽ ചിത്രം എല്‍ 360 ക്രിസ്മസിന് പ്രദർശനത്തിനെത്തുമെന്നാണ് സൂചന.
ഗാനരചന നിര്‍വഹിക്കുന്നത് വിനായക് ശശികുമാറാണ്. മോഹൻലാലിന്‍റെ റാമിന്‍റെ തീം സോംഗ് താൻ ഇംഗ്ലീഷിലാണ് എഴുതിയതെന്ന് ഒരു അഭിമുഖത്തില്‍ വിനായക് ശശികുമാര്‍ പറഞ്ഞിരുന്നു. സിനിമയുടെ ഒടിടി റൈറ്റ്‍സ് വിറ്റുപോയി എന്നും ചില മാധ്യമങ്ങള്‍ റിപ്പോര്‍ട്ട് ചെയ്യുന്നു.
ഇന്ദ്രജിത്ത്, അനൂപ് മേനോൻ എന്നിവര്‍ക്കൊപ്പം ചിത്രത്തില്‍ സംയുക്ത മേനോൻ, സുമൻ എന്നിവരും ചിത്രത്തിലെ പ്രധാന കഥാപാത്രങ്ങളാണ്. ഒരു റോ ഏജന്‍റ് കഥാപാത്രമായിട്ടാണ് ചിത്രത്തില്‍ താരമെത്തുന്നതെന്നാണ് സൂചന. ഛായാഗ്രാഹണം സതീഷ് കുറുപ്പ്. സംഗീതം വിഷ്‍ണു ശ്യാം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.