ഇൻസ്റ്റഗ്രാമിൽ പരസ്പരം ഫോളോ ചെയ്ത് ന‌ടി മഞ്ജു വാര്യരും മകൾ മീനാക്ഷിയും. ഇരുവരും ഇൻസ്റ്റഗ്രാമിൽ സജീവമായിരുന്നെങ്കിലും പരസ്പരം ഫോളോ ചെയ്തിരുന്നില്ല. ദിലീപിനെ മാത്രമായിരുന്നു മീനാക്ഷി ഫോളോ ചെയ്തിരുന്നത്.
പിന്നീട് കാവ്യ മാധവൻ ഇൻസ്റ്റഗ്രാമിൽ സജീവമായപ്പോൾ കാവ്യയെും മീനാക്ഷി ഫോളോ ചെയ്തു. എന്നാൽ മഞ്ജു വാര്യരും മീനാക്ഷിയും പരസ്പരം ഫോളോ ചെയ്യുന്നത് കണ്ടെത്തിയ ആരാധകർ ഇപ്പോൾ വളരെയധികം സന്തോഷത്തിലാണ്.
ഈയടുത്താണ് മീനാക്ഷി എംബിബിഎസ് ബിരുദം നേടിയത്. ചെന്നൈ ശ്രീരാമചന്ദ്ര മെഡിക്കൽ കോളജിൽ നിന്നാണ് മീനാക്ഷി ബിരുദം പൂർത്തിയാക്കിയത്. ഒരു സ്വപ്നമാണ് പൂർത്തിയാക്കിയതെന്ന് മകൾക്കൊപ്പമുള്ള ചിത്രം പങ്കുവച്ച് ദിലീപ് കുറിച്ചിരുന്നു.
സോഷ്യല്‍ മീഡിയയില്‍ നാലുലക്ഷത്തിലധികം ഫോളോവേഴുള്ള മീനാക്ഷിയുടെ ചില നൃത്ത വീഡിയോകള്‍ വൈറല്‍ ആയിട്ടുണ്ട്.
1998 ലാണ് ദിലീപും മഞ്ജുവും വിവാഹിതരാകുന്നത്. 1999ൽ മീനാക്ഷി ജനിച്ചു. 2014 ലാണ് ഇരുവരും ഔദ്യോഗികമായി വിവാഹമോചനം നേടിയത്. ശേഷം ദിലീപിനൊപ്പമായിരുന്നു മീനാക്ഷിയുണ്ടായിരുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.