ടൈറ്റാനിക്, അവതാർ തുടങ്ങി ലോകത്തിലെ ഏറ്റവും വലിയ പണംവാരിപ്പടങ്ങളുടെ നിർമാതാവായ ജോൺ ലാൻഡൗ (63) അന്തരിച്ചു. സംവിധായകൻ ജയിംസ് കാമറൂണിന്‍റെ ദീർഘകാല നിർമാണപങ്കാളിയായിരുന്നു. ഒരു വർഷത്തെ കാൻസർ ചികിത്സയ്ക്കുശേഷമാണ് മരണമെന്ന് അദ്ദേഹത്തിന്‍റെ കുടുംബാംഗങ്ങൾ അറിയിച്ചു.
ഹോളിവുഡ് നിർമാതാക്കളായ എലി- എഡി ലാൻഡൗ ദന്പതികളുടെ മകനായ ജോൺ ലൗൻഡൗ 1997ൽ ജയിംസ് കാമറോണിനൊപ്പം നിർമിച്ച ‘ടൈറ്റാനിക്’ ഔദ്യോഗികമായി ആഗോള ബോക്സ് ഓഫീസിൽ നൂറു കോടി ഡോളർ കളക്ഷൻ നേടുന്ന ചിത്രമായിരുന്നു.
2009ലും 2022ലും നിർമിച്ച ‘അവതാർ, അവതാർ ദ വേ ഓഫ് വാട്ടർ’ എന്നീ ചിത്രങ്ങൾ പിന്നീട് ടൈറ്റാനിക്കിന്‍റെ റിക്കാർഡ് തിരുത്തി. ടൈറ്റാനിക്കിലൂടെ നിർമാതാവിനുള്ള ഓസ്കർ അവാർഡും ലാൻഡൗ നേടിയിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.