ശ്രീകണ്ഠപുരം: തളിപ്പറമ്പ് -ശ്രീകണ്ഠപുരം സംസ്ഥാനപാതയിൽ പരിപ്പായിയിൽ അപകടങ്ങൾ പതിവാകുന്നു. അപകടവളവുകളും തെരുവു വിളക്കുകൾ മിഴിയടച്ചതും തുടരേയുള്ള അപകടങ്ങൾക്ക് വഴിവയ്ക്കുകയാണ്. നിടുവാലൂരിലും ചേരൻകുന്നിലും പരിപ്പായി മുതൽ ചെങ്ങളായി വരെയുമാണ് അപകടങ്ങൾ പതിയിരിക്കുന്നത്. അശാസ്ത്രീയമായി റോഡ് നിർമിച്ചതിനാൽ വാഹനങ്ങൾ അപകടത്തിൽ പെടുന്നത് പതിവാണ്. യാത്രക്കാർക്ക് ഉപകാരമാകുന്ന രീതിയിൽ തെരുവ് വിളക്കുകളും കൽനടയാത്രക്കാർക്കായി നടപ്പാതയും സ്ഥാപിച്ചാൽ ഒരു പരിധി വരെ അപകടം കുറയ്ക്കാൻ കഴിയുമെന്നാണ് നാട്ടുകാർ പറയുന്നത്.