ബാർ ലൈസൻസ് പുതുക്കാനുള്ള നീക്കത്തിനെതിരേ സുധീരൻ സുപ്രീം കോടതിയിൽ
Monday, March 20, 2017 7:10 PM IST
ന്യൂഡൽഹി: ദേശീയ- സംസ്ഥാന പാതയോരങ്ങളിൽ മദ്യശാലകൾക്ക് നിരോധനം ഏർപ്പെടുത്തിയ സുപ്രീം കോടതി ഉത്തരവ് മറികടന്ന് ബാറുകൾക്ക് ലൈസൻസ് പുതുക്കി നൽകാനുള്ള സംസ്ഥാന സർക്കാരിന്‍റെ തീരുമാനത്തിനെതിരേ കെപിസിസി മുൻ പ്രസിഡന്‍റ് വി.എം. സുധീരൻ സുപ്രീം കോടതിയെ സമീപിച്ചു. സർക്കാരിന്‍റെ നടപടി കോടതിയലക്ഷ്യമാണെന്നും സുപ്രീം കോടതി ഉത്തരവ് അതേപടി നടപ്പിലാക്കണമെന്നും സുധീരൻ നൽകിയ അപേക്ഷയിൽ ആവശ്യപ്പെട്ടു.

ബാറുകൾക്കും ബീവറേജസ് കോർപ്പറേഷന്‍റെ ഒൗട്ട്ലെറ്റുകൾക്കും സുപ്രീം കോടതി ഉത്തരവ് ബാധകമല്ലെന്ന് അറ്റോർണി ജനറൽ മുകുൾ റോഹ്തഗി സംസ്ഥാന സർക്കാരിന് നിയമോപദേശം നൽകിയിരുന്നു. ഇതിന്‍റെ അടിസ്ഥാനത്തിലാണ് ലൈസൻസ് പുതുക്കി നൽകാൻ സർക്കാർ നീക്കം നടത്തുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.