എന്നാൽ, രണ്ടാം വിക്കറ്റിൽ സൂര്യകുമാർ യാദവും (53 പന്തിൽ 78) രോഹിത് ശർമയും (25 പന്തിൽ 36) ചേർന്ന് 81 റൺസ് കൂട്ടുകെട്ടുണ്ടാക്കി. മൂന്ന് സിക്സും ഏഴ് ഫോറും അടങ്ങുന്നതായിരുന്നു സൂര്യകുമാറിന്റെ ഇന്നിംഗ്സ്.
നാലാം നന്പറായെത്തിയ തിലക് വർമ 18 പന്തിൽ 34 റൺസുമായി പുറത്താകാതെനിന്നു. ഹാർദിക് പാണ്ഡ്യ (ആറ് പന്തിൽ 10), ടിം ഡേവിഡ് (ഏഴ് പന്തിൽ 14), റൊമാരിയൊ ഷെപ്പേഡ് (രണ്ട് പന്തിൽ ഒന്ന്) എന്നിവർ വേഗത്തിൽ മടങ്ങി. പഞ്ചാബ് കിംഗ്സിനായി ഹർഷൽ പട്ടേൽ മൂന്നും സാം കറൻ രണ്ടും വിക്കറ്റ് വീതം വീഴ്ത്തി.