തെരഞ്ഞെടുപ്പ് സാമഗ്രികളുടെ വിതരണം ഇന്നലെ മാഹി ഗവ. ഹൗസിൽ നടന്നു. അസി. റിട്ടേണിംഗ് ഓഫീസർ ഡി. മോഹൻകുമാറിൽനിന്ന് സാമഗ്രികൾ ഏറ്റുവാങ്ങിയ ജീവനക്കാർ ഇന്നലെ വൈകുന്നേരത്തോടെ ബൂത്തുകളിലെത്തി ഇന്നത്തേക്കാവശ്യമായ സജ്ജീകരങ്ങൾ ഒരുക്കി.
പുതുച്ചേരി, മാഹി, യാനം, കാരക്കൽ പ്രദേശങ്ങളുൾപ്പെടുന്ന പുതുച്ചേരി സംസ്ഥാനത്ത് ലോക്സഭയിലേക്ക് ഒരു മണ്ഡലം മാത്രമാണുള്ളത്. ആകെ 26 സ്ഥാനാർഥികളുണ്ടെങ്കിലും ഇന്ത്യ മുന്നണിയിലെ വി. വൈദ്യലിംഗവും എൻഡിഎയിലെ എ. നമശിവായവും തമ്മിലാണ് പ്രധാന മത്സരം.
പുതുച്ചേരിയിൽ സിപിഎം ഇന്ത്യാ മുന്നണിയിലാണെങ്കിലും കേരളത്തിന്റെ രാഷ്ട്രീയ സാഹചര്യത്തിൽ മാഹിയിൽ മാത്രം സിപിഎം റിപ്പബ്ലിക്കൻ പാർട്ടിക്കാണ് പിന്തുണ നൽകുന്നത്. അതേ സമയം സിപിഐ ഇന്ത്യാ മുന്നണിക്കൊപ്പവുമാണ്.