ഇ​ടു​ക്കി ജ​ലാ​ശ​യ​ത്തി​ൽ ച​രി​ത്രനി​യോ​ഗ​വു​മാ​യി നേ​വി​യു​ടെ പ​രീ​ക്ഷ​ണ​ക്ക​പ്പ​ൽ
Sunday, April 21, 2024 3:26 AM IST
കു​ള​മാ​വ്: ഇ​ടു​ക്കി അ​ണ​ക്കെ​ട്ടി​ന്‍റെ ഭാ​ഗ​മാ​യ കു​ള​മാ​വ് ജ​ലാ​ശ​യ​ത്തി​ൽ നാ​വി​ക​സേ​ന​യു​ടെ പു​തി​യ പ​രീ​ക്ഷ​ണക്ക​പ്പ​ൽ. ഇ​ന്ത്യ​യി​ൽ ഇ​ത്ത​ര​ത്തി​ൽ ആ​ദ്യ​ത്തേ​താ​ണ് ഈ ​ക​പ്പ​ൽ. നാ​വി​ക സേ​ന​യു​ടെ ഗ​വേ​ഷ​ണ​ങ്ങ​ൾ​ക്കാ​യാ​ണ് ക​പ്പ​ലി​ന്‍റെ ഈ ​ചെ​റു​പ​തി​പ്പ് നാ​വി​ക സേ​ന നി​ർ​മി​ച്ച​ത്.

വെ​ള്ള​ത്തി​ന​ടി​യി​ലെ വ​സ്തു​ക്ക​ളു​ടെ ശ​ബ്ദ​ത​രം​ഗ​ങ്ങ​ൾ വി​ശ​ക​ല​നം ചെ​യ്യാ​നു​ള്ള അ​ത്യാ​ധു​നി​ക സം​വി​ധാ​ന​മാ​ണ് ഇ​വി​ടെ സ​ജ്ജ​മാ​ക്കി​യ​ത്. അ​ണ​ക്കെ​ട്ടി​ലി​റ​ക്കി ഗ​വേ​ഷ​ണം ന​ട​ത്താ​ൻ ക​ഴി​യു​ന്ന വ​ലി​യ പ​രീ​ക്ഷ​ണക്ക​പ്പ​ലി​ന്‍റെ ചെ​റി​യ പ​തി​പ്പാ​ണ് ഇ​വി​ടെ നി​ർ​മി​ച്ച​ത്.

കു​ള​മാ​വി​ലെ നേ​വ​ൽ ഫി​സി​ക്ക​ൽ ആ​ൻ​ഡ് ഓ​ഷ്യാ​നോ​ഗ്രാ​ഫി​ക് ല​ബോ​റ​ട്ട​റി​യി​ലാ​ണ് സ​ബ്മേ​ഴ്സി​ബി​ൾ പ്ലാ​റ്റ്ഫോം ഫോ​ർ അ​ക്ക്വ​സ്റ്റി​ക് കാ​ര​ക്‌ട‌​റൈ​സേ​ഷ​ൻ ആ​ൻ​ഡ് ഇ​വാ​ലു​വേ​ഷ​ൻ ഒ​രു​ക്കി​യി​രി​ക്കു​ന്ന​ത്.

60 മീ​റ്റ​ർ നീ​ള​വും 22 മീ​റ്റ​ർ വീ​തി​യു​മാ​ണ് ഇ​തി​നു​ള്ള​ത്. ജ​ലോ​പ​രി​ത​ല​ത്തി​ൽ പൊ​ങ്ങി​ക്കി​ട​ക്കു​ന്ന പ്ലാ​റ്റ്ഫോ​മും അ​ന്ത​ർ​വാ​ഹി​നി​പോ​ലെ വെ​ള്ള​ത്തി​ൽ താ​ഴ്ന്നു​കി​ട​ക്കു​ന്ന മ​റ്റൊ​ന്നു​മാ​ണ് ക​പ്പ​ലി​ലെ പ്ര​ധാ​ന സ​ജ്ജീ​ക​ര​ണ​ങ്ങ​ൾ. നൂ​റ് മീ​റ്റ​ർ ആ​ഴ​ത്തി​ൽ താ​ഴ്ന്നു​കി​ട​ക്കാ​ൻ ഈ ​അ​ന്ത​ർ​വാ​ഹി​നി പ്ലാ​റ്റ്ഫോ​മി​ന് ക​ഴി​യും.

കു​ള​മാ​വി​ലെ നേ​വ​ൽ പ​രീ​ക്ഷ​ണക്ക​പ്പ​ലി​ന്‍റെ പ്ര​വ​ർ​ത്ത​നോ​ദ്ഘാ​ട​നം ഡി​ആ​ർ​ഡി​ഒ ചെ​യ​ർ​മാ​ൻ ഡോ.​ സ​മീ​ർ വി.​ കാ​മ​ത്ത് നി​ർ​വ​ഹി​ച്ചു. നാ​വി​ക​സേ​ന​യു​ടെ ക​പ്പ​ലു​ക​ൾ, അ​ന്ത​ർ​വാ​ഹി​നി​ക​ൾ, ഹെ​ലി​കോ​പ്റ്റ​റു​ക​ൾ എ​ന്നി​വ​യി​ലെ പു​തി​യ സോ​ണാ​ർ സം​വി​ധാ​ന​ത്തി​ന്‍റെ ഗ​വേ​ഷ​ണ​ങ്ങ​ൾ​ക്കാ​യാ​ണി​ത്.

രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ർ​മി​ച്ച പ​രീ​ക്ഷ​ണക്ക​പ്പ​ലി​ന്‍റെ ഭാ​ഗ​ങ്ങ​ൾ കു​ള​മാ​വി​ൽ എ​ത്തി​ച്ച് സം​യോ​ജി​പ്പി​ക്കു​ക​യാ​യി​രു​ന്നു. സോ​ണാ​ർ സം​വി​ധാ​ന​ത്തി​ലെ സെ​ൻ​സ​റു​ക​ളു​ടെ ദ്രു​ത​വി​ന്യാ​സ​ത്തി​നും അ​വ എ​ളു​പ്പ​ത്തി​ൽ വീ​ണ്ടെ​ടു​ക്കു​ന്ന​തി​നും വേ​ണ്ടി​യു​ള്ള പ​രീ​ക്ഷ​ണ​ങ്ങ​ൾ​ക്കാ​ണ് ഈ ​പ്ലാ​റ്റ്ഫോം ഉ​പ​യോ​ഗി​ക്കു​ക​യെ​ന്ന് അ​ധി​കൃ​ത​ർ വ്യ​ക്ത​മാ​ക്കി.

Copyright @ 2022 , Rashtra Deepika Ltd.