മൂവാറ്റുപുഴ: എൽഡിഎഫ് സ്ഥാനാർഥി ജോയ്സ് ജോർജ് മൂവാറ്റുപുഴ മണ്ഡലത്തിൽ രണ്ടാംഘട്ട പര്യടനം നടത്തി. ഞാറക്കാടുനിന്നാരംഭിച്ച പര്യടനം സിപിഎം സംസ്ഥാന കമ്മിറ്റി അംഗം എസ്. സതീഷ് ഉദ്ഘാടനം ചെയ്തു. കെ.എം. കുര്യാക്കോസ് അധ്യക്ഷത വഹിച്ചു.
പി.ആർ. മുരളീധരൻ, ബാബു പോൾ, ഷാജി മുഹമ്മദ്, കെ.പി. രാമചന്ദ്രൻ, എൽദോ ഏബ്രഹാം, എ.വി.സുരേഷ്, ജോളി പൊട്ടയ്ക്കൽ, ഷൈൻ ജേക്കബ്, ശശി കുഞ്ഞൻ, റാജി വിജയൻ, ലിജി ഷിജു, വിൽസൻ നെടുങ്കല്ലേൽ, സണ്ണി മാത്യു എന്നിവർ പ്രസംഗിച്ചു.
മഞ്ചരിപ്പീടിക, ചാത്തമറ്റം സ്കൂൾ, പൈങ്ങോട്ടൂർ ടൗണ്‍ എന്നിവിടങ്ങളിൽ പര്യടനം നടത്തി കുളപ്പുറത്ത് സമാപിച്ചു. തുടർന്ന് ആയവന, മാറാടി, വാളകം, പായിപ്ര എന്നി പഞ്ചായത്തുകളിൽ പര്യടനം നടത്തി പള്ളിച്ചിറങ്ങരയിൽ പര്യടനം സമാപിച്ചു.
ജോയ്സ് ജോർജ് ഇന്ന് ദേവികുളം മണ്ഡലത്തിൽ പര്യടനം നടത്തും. രാവിലെ കാന്തല്ലൂരിൽനിന്നാരംഭിച്ച് കീഴാന്തൂർ, പയസ് നഗർ, കോവിൽക്കടവ്, ദിണ്ടുകൊന്പ്, മിഷൻവയൽ, നാച്ചിവയൽ, മറയൂർ പട്ടിക്കാട്, മറയൂർ ടൗണ്‍, പള്ളനാട്, പാന്പൻമല, ചട്ടമൂന്നാർ, ലക്കം, ലക്കം ഫാക്ടറി, വാഗവര, തലയാർ കടുകുമുടി, ഗുണ്ടുമല അപ്പർ,
തെൻമല ലോവർ, നയമക്കാട് ഈസ്റ്റ്, കടലാർ ഈസ്റ്റ്, കന്നിമല ലോവർ, പെരിയവര ഫാക്ടറി, മൂന്നാർ ടൗണ്‍, മൂന്നാർ കോളനി, നല്ലതണ്ണി ഈസ്റ്റ്, കല്ലാർ ഫാക്ടറി, കുറുമല, നടയാർ സൗത്ത്, നാഗർമുടി, ലക്ഷ്മി വെസ്റ്റ്, ചൊക്കനാട് സൗത്ത് എന്നിവിടങ്ങളിൽ പര്യടനം നടത്തി പള്ളിവാസൽ പവർഹൗസ് കേന്ദ്രത്തിൽ സമാപിക്കും.