തലയോലപ്പറമ്പ് സെന്‍റ് ജോർജ് പള്ളിയിൽ ഗീവർഗീസ് സഹദായുടെ തിരുനാൾ
തലയോലപ്പറമ്പ്: സെന്‍റ് ജോർജ് പള്ളിയിൽ ഇടവകമധ്യസ്ഥനായ ഗീവർഗീസ് സഹദായുടെ തിരുനാൾ 26, 27, 28 തീയതികളിൽ ആഘോഷിക്കും. 26ന് രാവിലെ 6.15ന് വിശുദ്ധ കുർബാന, വൈകുന്നേരം അഞ്ചിന് വികാരി റവ. ഡോ. ബെന്നി ജോൺ മാരാംപറമ്പിൽ തിരുനാളിനു കൊടിയേറ്റും. തുടർന്ന് വിശുദ്ധ കുർബാന-സഹവികാരി ഫാ. ഫ്രെഡ്ഡി കോട്ടൂർ. 27ന് രാവിലെ 6.15നും, ഒന്പതിനും വിശുദ്ധ കുർബാന, വൈകുന്നേരം 5.30ന് വിശുദ്ധ കുർബാന ഫാ. ജോസഫ്പള്ളാട്ടിൽ.
തിരുനാൾദിനമായ 28ന് രാവിലെ ആറിനും, ഒന്പതിനും വിശുദ്ധകുർബാന. വൈകുന്നേരം അഞ്ചിന് തിരുനാൾ കുർബാന-ഫാ. ടോണി മാളിയേക്കൽ, പ്രസംഗം-ഫാ. ജോഫി തോട്ടങ്കര. തുടർന്ന് ടൗൺചുറ്റി പ്രദക്ഷിണം. അന്നേദിവസം തലപ്പാറപള്ളിയിൽ വിശുദ്ധ കുർബാന ഉണ്ടായിരിക്കില്ല.
തിരുനാൾ ഒരുക്കങ്ങൾ പൂർത്തിയായതായി വികാരി റവ. ഡോ. ബെന്നി ജോൺ മാരാംപറമ്പിൽ, സഹ വികാരി ഫാ. ഫ്രെഡ്ഡി കോട്ടൂർ, കൈക്കാരൻമാരായ കുര്യാക്കോസ് മഠത്തിക്കുന്നേൽ, ബേബി ജോസഫ് പുത്തൻപറമ്പിൽ, ജനറൽ കൺവീനർ ടോമി ജോസഫ് വലിയവീട്ടിൽ എന്നിവർ അറിയിച്ചു.
കുറവിലങ്ങാട് പള്ളിയിൽ വിശുദ്ധ ഗീവർഗീസിന്‍റെ തിരുനാൾ 28ന്
കുറവിലങ്ങാട്: മേജർ ആർക്കി എപ്പിസ്‌കോപ്പൽ മർത്ത്മറിയം അർക്കദിയാക്കോൻ തീർഥാടന ദേവാലയത്തിൽ വിശുദ്ധ ഗീവർഗീ സ് സഹദായുടെ തിരുനാൾ 28ന് ആഘോഷിക്കും. ഇടവകയിലെ സെന്‍റ് ജോസഫ് സോണിന്‍റെ നേതൃത്വത്തിലാണ് തിരുനാൾ നടത്തിപ്പ്.
രാവിലെ അഞ്ചിന് വിശുദ്ധന്‍റെ തിരുസ്വരൂപം ചെറിയ പള്ളിയുടെ മോണ്ടളത്തിൽ പ്രതിഷ്ഠിക്കും. 5.30, 7.00, 8.45, 11.00 എന്നീ സമയങ്ങളിൽ വിശുദ്ധ കുർബാന. വൈകുന്നേരം നാലിന് പ്രസുദേന്തി വാഴ്ച. 6.30ന് അസിസ്റ്റന്‍റ് വികാരി ഫാ. ഓസ്റ്റിൻ മേച്ചേരിൽ തിരുനാൾ കുർബാനയർപ്പിക്കും.
ആറിന് പ്രദക്ഷിണം. ആർച്ച്പ്രീസ്റ്റ് റവ. ഡോ. അഗസ്റ്റിൻ കൂട്ടിയാനിയിൽ സമാപന ആശീർവാദം നൽകും. ഏഴിന് സ്നേഹവിരുന്ന്. 7.20ന് സോണിന്‍റെ നേതൃത്വത്തിലുള്ള കലാസന്ധ്യ- ജോർജിയൻ ഈവ്.
അസിസ്റ്റന്‍റ് വികാരി സോൺ ഡയറക്ടർ ഫാ. ഓസ്റ്റിൻ മേച്ചേരിൽ, ജോസ് വട്ടംകുഴി, ജെസി മാണിക്യംകുഴി എന്നിവരുടെ നേതൃത്വത്തിലുള്ള കമ്മിറ്റിയാണ് തിരുനാൾ ഒരുക്കങ്ങൾക്ക് നേതൃത്വം നൽകുന്നത്.