കോട്ടയം: എല്‍ഡിഎഫ് വന്നാല്‍ എല്ലാം ശരിയാകുമെന്ന് പറഞ്ഞ് അധികാരത്തില്‍ വന്ന പിണറായി സര്‍ക്കാര്‍ ജനങ്ങള്‍ക്ക് മേല്‍ അധിക നികുതിഭാരം അടിച്ചേല്‍പ്പിക്കുകയാണെന്ന് തിരുവഞ്ചൂര്‍ രാധാകൃഷ്ണന്‍ എംഎല്‍എ.
ജനദ്രോഹ ബഡ്ജറ്റിലൂടെ വര്‍ധിപ്പിച്ച അധിക നികുതിയുടെ പേരില്‍ വില വര്‍ധനവ് പ്രാബല്യത്തില്‍ വന്ന ഇന്നലെ യുഡിഎഫ് ജില്ലാ കമ്മിറ്റിയുടെ നേതൃത്വത്തില്‍ കോട്ടയം ഗാന്ധി സ്‌ക്വയറിന് സമീപം കറുത്ത ബാഡ്ജ് അണിഞ്ഞ് പകല്‍ പന്തം കൊളുത്തി നടത്തിയ കരിദിനാചരണം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ജനങ്ങള്‍ക്ക് നല്‍കിയ കിറ്റില്‍ പോലും അഴിമതി കുത്തിനിറച്ച് ജനങ്ങളെ കബളിപ്പിച്ച് അധികാരത്തില്‍ വന്ന പിണറായി സര്‍ക്കാര്‍ ടാക്‌സ് വര്‍ധിപ്പിച്ച് നിത്യോപയോഗ സാധനങ്ങള്‍ക്ക് വില വര്‍ധനവ് സൃഷ്ടിച്ച് കേരളത്തിലെ പാവപ്പെട്ട ജനങ്ങളെ ദുരിതത്തിലാക്കിയിരിക്കുകയാണെന്നും തിരുവഞ്ചൂര്‍ രാധാകൃഷ്ണന്‍ ആരോപിച്ചു.യുഡിഎഫ് ജില്ലാ ചെയര്‍മാന്‍ സജി മഞ്ഞക്കടമ്പില്‍ അധ്യക്ഷത വഹിച്ചു. കേരള കോണ്‍ഗ്രസ് വര്‍ക്കിംഗ് ചെയര്‍മാന്‍ പി.സി.തോമസ്, ജോയി ഏബ്രഹാം, യുഡിഎഫ് ജില്ല കണ്‍വീനര്‍ ഫില്‍സണ്‍ മാത്യൂസ്, ജില്ലാ സെക്രട്ടറി അസീസ് ബഡായി, കേരള ഡെമോക്രാറ്റിക് പാര്‍ട്ടി സംസ്ഥാന പ്രസിഡന്‍റ് സലിം പി. മാത്യു, ഡിസിസി പ്രസിഡന്‍റ് നാട്ടകം സുരേഷ്, ടി.സി. അരുണ്‍, കെ.ടി. ജോസഫ്, ടോമി വേദഗിരി, എന്‍.ഐ. മത്തായി, റഫീഖ് മണിമല, വി.ജെ. ലാലി, പ്രിന്‍സ് ലൂക്കോസ്, ജി. ഗോപകുമാര്‍, ചെറിയാന്‍ ചാക്കോ, ചിന്തു കുര്യന്‍ ജോയി, യുജിന്‍ തോമസ്, ജയിസണ്‍ ജോസഫ്, റോണി കെ. ബേബി, പി.സി. മാത്യു, വി.കെ. അനില്‍കുമാര്‍, ജോയി ചെട്ടിശേരില്‍, കുര്യന്‍ പി. കുര്യന്‍, സിബി ജോണ്‍, ജേക്കബ് കുര്യാക്കോസ്, ബിനു ചെങ്ങളം, അനീഷ് വരമ്പിനകം, പി.എം. സലിം, എന്‍.ജെ. പ്രസാദ്, ടി.സി. റോയി , കെ.എം. ബെന്നി, ജയിംസ് പതാരംചിറ, കുഞ്ഞുമോന്‍ ഒഴുകയില്‍, ഫറൂക്ക് പാലയംപറമ്പില്‍, പി.എസ്. സൈമണ്‍, അന്‍സാരി, പ്രതീഷ് പട്ടിത്താനം തുടങ്ങിയവര്‍ പ്രസംഗിച്ചു.