പ്രമേഹബാധിതരിൽ ഹാർട്ട് അറ്റാക്ക് ലക്ഷണങ്ങൾ അനുഭവപ്പെടണമെന്നില്ല
പ്ര​മേ​ഹ​രോ​ഗി​ക​ൾ മൃ​ത്യു​വി​നി​ര​യാ​കു​ന്ന പ്ര​ധാ​ന കാ​ര​ണ​ങ്ങ​ൾ ഹൃ​ദ്രോ​ഗം, വൃ​ക്ക​ക​ളു​ടെ പ​രാ​ജ​യം, അ​മി​ത​ര​ക്ത​സ​മ്മ​ർ​ദം, ധ​മ​നി​ക​ളു​ടെ പൊ​തു​വാ​യ ജ​രി​താ​വ​സ്ഥ എ​ന്നി​വ​യാ​ണ്. പ്ര​മേ​ഹ​മി​ല്ലാ​ത്ത​വ​രു​മാ​യി താ​ര​ത​മ്യ​പ്പെ​ടു​ത്തു​ന്പോ​ൾ ഇ​ൻ​സു​ലി​ൻ ആ​ശ്രി​ത പ്ര​മേ​ഹ​രോ​ഗി​ക​ളി​ലെ ഹൃ​ദ്രോ​ഗാ​ന​ന്ത​ര മ​ര​ണം പ​ത്തി​ര​ട്ടി​യും ഇ​ൻ​സു​ലി​ൻ അ​നാ​ശ്രി​ത പ്ര​മേ​ഹ​രോ​ഗി​ക​ളി​ലെ മ​ര​ണ​സം​ഖ്യ നാ​ലി​ര​ട്ടി​യു​മാ​ണ്.

പ്രമേഹം വരുതിയിലായില്ലെങ്കിൽ...

നി​യ​ന്ത്ര​ണ​വി​ധേ​യ​മാ​കാ​ത്ത പ്ര​മേ​ഹ​ത്തി​ന്‍റെ അ​ന​ന്ത​ര​ഫ​ല​മാ​യി ര​ക്ത​ത്തി​ൽ കു​മി​ഞ്ഞു​കൂ​ടു​ന്ന കൊ​ള​സ്ട്രോ​ളും മ​റ്റ് ഉ​പ​ഘ​ട​ക​ങ്ങ​ളും ഹൃ​ദ​യം, ക​ണ്ണ്, വൃ​ക്ക, നാ​ഡീ​ഞ​ര​ന്പു​ക​ൾ, ധ​മ​നി​ക​ൾ എ​ന്നീ അ​വ​യ​വ​ങ്ങ​ളി​ൽ വൈ​വി​ധ്യ​മാ​ർ​ന്ന ജ​രി​താ​വ​സ്ഥ​യു​ണ്ടാ​കു​ന്നു. കോ​ശ​ങ്ങ​ളു​ടെ ക്ര​മ​ര​ഹി​ത​മാ​യ വ​ള​ർ​ച്ച​യും ക​ട്ടി​കൂ​ട​ലും വ​ലു​തും ചെ​റു​തു​മാ​യ എ​ല്ലാ ധ​മ​നി​ക​ളെ​യും വി​ക​ല​മാ​ക്കു​ന്നു. ര​ക്ത​ക്കു​ഴ​ലു​ക​ളു​ടെ ആ​ന്ത​ര​പാ​ളി​ക​ളി​ൽ കൊ​ഴു​പ്പു​ക​ണി​ക​ക​ൾ പ​റ്റി​പ്പി​ടി​ച്ച് അ​വ​യു​ടെ ഉ​ൾ​ഭാ​ഗം ചെ​റു​താ​കു​ന്നു. ഹൃ​ദ​യ​ധ​മ​നി​ക​ളി​ലെ കൊ​ഴു​പ്പു നി​ക്ഷേ​പം വി​ണ്ടു​കീ​റി അ​വി​ടെ ര​ക്ത​ക്ക​ട്ട ഉ​ണ്ടാ​യി ധ​മ​നി​യി​ലൂ​ടെ​യു​ള്ള ര​ക്ത​പ​ര്യ​യ​നം ദു​ഷ്ക​ര​മാ​യാ​ൽ ഹാ​ർ​ട്ട​റ്റാ​ക്കാ​ണ് അ​ന​ന്ത​ര​ഫ​ലം.

ശ്വാസതടസം മുതൽ വയറുവേദന വരെ

പ്ര​മേ​ഹ​രോ​ഗി​ക​ളി​ലെ ഹൃ​ദ​യാ​ഘാ​തം മൂ​ർ​ധ​ന്യാ​വ​സ്ഥ​യി​ലെ​ത്തി​യാ​ലും അ​തി​ന്‍റെ ല​ക്ഷ​ണ​ങ്ങ​ൾ രോ​ഗി​ക​ൾ എ​പ്പോ​ഴും തി​രി​ച്ച​റി​യ​ണ​മെ​ന്നി​ല്ല. നെ​ഞ്ചു​വേ​ദ​ന പ​ല​പ്പോ​ഴും പൂ​ർ​ണ​മാ​യി അ​നു​ഭ​വ​പ്പെ​ടാ​ത്ത ഹാ​ർ​ട്ട​റ്റാ​ക്കും (സ​യ​ല​ന്‍റ് അ​റ്റാ​ക്ക്) പ്ര​മേ​ഹ​രോ​ഗ​ബാ​ധി​ത​ർ​ക്ക് സ്വ​ന്തം. ഹൃ​ദ​യ​ത്തെ ആ​വ​ര​മം ചെ​യ്തി​രി​ക്കു​ന്ന ഓ​ട്ടോ​ണ​മി​ക് നാ​ഡീ​വ്യൂ​ഹ​ത്തി​നു സം​ഭ​വി​ക്കു​ന്ന അ​പ​ച​യം​ത​ന്നെ ഇ​തി​നു കാ​ര​ണം. നാ​ഡീ​വ്യൂ​ഹ​ത്തി​ന്‍റെ മാ​ന്ദ്യം നി​മി​ത്തം ഹാ​ർ​ട്ട​റ്റാ​ക്കു​ണ്ടാ​കു​ന്പോ​ൾ നെ​ഞ്ചു​വേ​ദ​ന​യു​ടെ തീ​വ്ര​ത അ​നു​ഭ​വി​ച്ച​റി​യാ​ൻ രോ​ഗി​ക്ക് പ​റ്റാ​തെ​പോ​കു​ന്നു. ഏ​താ​ണ്ട് 35 ശ​ത​മാ​നം രോ​ഗി​ക​ൾ​ക്കും നെ​ഞ്ചു​വേ​ദ​ന കൃ​ത്യ​മാ​യി അ​നു​ഭ​വ​പ്പെ​ടാ​റി​ല്ല. അ​തി​നു പ​ക​രം ശ്വാ​സ​ത​ട​സം, ഓ​ക്കാ​നം, ത​ള​ർ​ച്ച, ത​ല​ക​റ​ക്കം, വ​യ​റു​വേ​ദ​ന തു​ട​ങ്ങി​യ ല​ക്ഷ​ണ​ങ്ങ​ളാ​ണു ക​ണ്ടു​വ​രു​ന്ന​ത്. അ​തു​പോ​ലെ ഹ​ർ​ട്ട​റ്റാ​ക്കി​നോ​ട​നു​ബ​ന്ധി​ച്ച മ​ര​ണ​സാ​ധ്യ​ത​യും പ്ര​മേ​ഹ​രോ​ഗി​ക​ളി​ൽ അ​ധി​ക​രി​ച്ചു​കാ​ണു​ന്നു.


ഹൃദ്രോഗചികിത്സ ദുഷ്കരമാകും

മേ​ൽപ്പ​റ​ഞ്ഞ സ​ങ്കീ​ർ​ണ​മാ​യ പ്ര​ത്യാ​ഘാ​ത​ങ്ങ​ളു​ടെ വെ​ളി​ച്ച​ത്തി​ൽ പ്ര​മേ​ഹ​ബാ​ധി​ത​രി​ലെ ഹൃ​ദ്രോ​ഗ​ചി​കി​ത്സ അ​ന്ത്യ​ന്തം ദു​ഷ്ക​ര​മാ​ണ്. ഒ​രു ഹൃ​ദ്രോ​ഗ​വി​ദ​ഗ്ധ​ന്‍റെ അ​ടു​ത്തു വ​രു​ന്ന രോ​ഗി​ക​ളി​ൽ ഭൂ​രി​ഭാ​ഗ​വും പ്ര​മേ​ഹ​മു​ള്ള​വ​രാ​ണ്. 70 ശ​ത​മാ​നം പ്ര​മേ​ഹ​രോ​ഗി​ക​ളും മ​ര​ണ​പ്പെ​ടു​ന്ന​തും ഹൃ​ദ്രോ​ഗാ​ന​ന്ത​ര​മാ​ണെ​ന്നോ​ർ​ക്ക​ണം. അ​തു​കൊ​ണ്ട് ഹൃ​ദ്രോ​ഗ വി​ദ​ഗ്ധ​ൻ ഒ​രു പ്ര​മേ​ഹ ചി​കി​ത്സാ​വി​ദ​ഗ്ധ​ൻ​കൂ​ടി​യാ​കു​ന്നു. പ്ര​മേ​ഹ​രോ​ഗി​ക്ക് ഹാ​ർ​ട്ട​റ്റാ​ക്കു​ണ്ടാ​കു​ന്പോ​ഴാ​ണ് പ്ര​ശ്ന​ങ്ങ​ൾ വ​ഷ​ളാ​കു​ന്ന​ത്. നെ​ഞ്ചു​വേ​ദ​ന കാ​ര്യ​മാ​യി അ​നു​ഭ​വ​പ്പെ​ടാ​ത്ത​തു​മൂ​ലം പ​ല​രും വ​ള​രെ വൈ​കി​യാ​ണ് ആ​ശു​പ​ത്രി​യി​ലെ​ത്തു​ന്ന​ത്. അ​പ്പോ​ഴേ​ക്കും ഹൃ​ദ​യാ​ഘാ​ത​ത്തി​ന്‍റെ സ​ങ്കീ​ർ​ണ​ത​ക​ൾ മൂ​ർ​ച്ഛി​ച്ചി​രി​ക്കും. ക​ല​ശ​മാ​യ ശ്വാ​സ​ത​ട​സ​വും നെ​ഞ്ചി​ലെ അ​സ്വാ​സ്ഥ്യ​വും ത​ള​ർ​ച്ച​യും ക്ര​മ​ര​ഹി​ത​മാ​യ നെ​ഞ്ചി​ടി​പ്പും ത​ല​ക​റ​ക്ക​വും രോ​ഗി​യെ അ​ത്യാ​സ​ന്ന നി​ല​യി​ലെ​ത്തി​ക്കു​ന്നു. നി​യ​ന്ത്ര​ണ​ത്തി​ൽ അ​ശ്ര​ദ്ധ കാ​ണി​ക്കു​ന്ന രോ​ഗി​യു​ടെ ര​ക്ത​ത്തി​ലെ പ​ഞ്ച​സാ​ര എ​പ്പോ​ഴും കൂ​ടി​യി​രി​ക്കും, അ​തു​പോ​ലെ കൊ​ള​സ്ട്രോ​ളും. (തുടരും)

വിവരങ്ങൾ: ഡോ. ജോർജ് തയ്യിൽ MD, FACC, FRCP
സീനിയർ കൺസൾട്ടന്‍റ് കാർഡിയോളജിസ്റ്റ്,
ലൂർദ് ആശുപത്രി, എറണാകുളം