അവാർഡ് തിളക്കത്തിൽ തിയേറ്റർ: ദി മിത്ത് ഓഫ് റിയാലിറ്റി
Thursday, August 28, 2025 2:54 PM IST
ദേശീയ,അന്തർദേശീയഅവാർഡുകൾക്കൊപ്പം ഒട്ടേറെ അംഗീകാരങ്ങൾ കരസ്ഥമാക്കിയ ബിരിയാണി എന്ന ചിത്രത്തിന് ശേഷം സജിൻ ബാബു തിരക്കഥയെഴുതി സംവിധാനം ചെയ്ത തിയേറ്റർ: ദി മിത്ത് ഓഫ് റിയാലിറ്റി 2025-ലെ കേരള ഫിലിം ക്രിട്ടിക്സ് അവാർഡ് സ്വന്തമാക്കി.
കാൻസ് ഫിലിം ഫെസ്റ്റിവലിൽ ട്രെയിലർ പ്രകാശനം ചെയ്ത് ശ്രദ്ധ നേടിയ ഈ ചിത്രത്തിലെ ഹൃദയസ്പർശിയായ പ്രകടനത്തിന് റിമ കല്ലിങ്കലിന് മികച്ച നടിക്കുള്ള അവാർഡ് ലഭിച്ചപ്പോൾ പ്രമോദ് വെളിയനാട് സ്പെഷ്യൽ ജ്യൂറി അവാർഡും നേടി.
അഞ്ജന ടാക്കീസിന്റെ ബാനറിൽ അഞ്ജന ഫിലിപ്പും ഫിലിപ്പ് സക്കറിയയും ചേർന്നാണ് ഈ ചിത്രം നിർമിച്ചിരിക്കുന്നത്. സന്തോഷ് കോട്ടായിയാണ് ചിത്രത്തിന്റെ സഹനിർമാതാവ്.
റിമ കല്ലിങ്കൽ, സരസ ബാലുശേരി എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ ഡൈൻ ഡേവിസ്, പ്രമോദ് വെളിയനാട്, കൃഷ്ണൻ ബാലകൃഷ്ണൻ, മേഘ രാജൻ, ആൻ സലിം, ബാലാജി ശർമ, ഡി. രഘൂത്തമൻ, അഖിൽ കവലയൂർ, അപർണ സെൻ, ലക്ഷ്മി പത്മ, മീന രാജൻ, ആർ.ജെ. അഞ്ജലി, മീനാക്ഷി രവീന്ദ്രൻ, അശ്വതി, അരുൺ സോൾ, രതീഷ് രോഹിണി തുടങ്ങിവരും അഭിനയിക്കുന്നു. ശ്യാമപ്രകാശ് എം.എസ്. ഛായാഗ്രഹണം നിർവഹിക്കുന്നു. എഡിറ്റിംഗ് അപ്പു ഭട്ടത്തിരി.
സംഗീതം - സെയ്ദ് അബാസ്, വസ്ത്രാലങ്കാരം - ഗായത്രി കിഷോർ, പ്രൊസ്റ്റെറ്റിക് ആൻഡ് മേക്കപ്പ് - സേതു ശിവനന്ദൻ, അഷ്റഫ്, സിങ്ക് സൗണ്ട് - ഹരികുമാർ മാധവൻ നായർ, സൗണ്ട് മിക്സിംഗ് - ജോബിൻ രാജ്, സൗണ്ട് ഡിസൈൻ - സജിൻ ബാബു, ജുബിൻ രാജു, എക്സിക്യൂട്ടീവ് പ്രൊഡ്യൂസർ - അജിത് സാഗർ, ലൈൻ പ്രൊഡ്യൂസർ - സുഭാഷ് സണ്ണി മാർക്കറ്റിംഗ് ആന്റ് കമ്യൂണിക്കേഷൻ ഡോക്ടർ സംഗീത ജനചന്ദ്രൻ (സ്റ്റോറീസ് സോഷ്യൽ). പിആർഒ - എ.എസ്. ദിനേശ്.