കോ​ട്ട​യം: ആ​ഗോ​ള അ​യ്യ​പ്പ സം​ഗ​മം സെ​പ്റ്റം​ബ​ർ 20ന് ​പ​മ്പാ​തീ​ര​ത്ത് ന​ട​ക്കു​മെ​ന്ന് ദേ​വ​സ്വം മ​ന്ത്രി വി.​എ​ന്‍. വാ​സ​വ​ന്‍. വി​വി​ധ രാ​ജ്യ​ങ്ങ​ളി​ല്‍ നി​ന്നാ​യി 3,000 പ്ര​തി​നി​ധി​ക​ള്‍ സം​ഗ​മ​ത്തി​ൽ പ​ങ്കെ​ടു​ക്കും. കേ​ന്ദ്ര മ​ന്ത്രി​മാ​രും മ​റ്റ് സം​സ്ഥാ​ന​ങ്ങ​ളി​ലെ മു​ഖ്യ​മ​ന്ത്രി​മാ​ര​ട​ക്കം നി​ര​വ​ധി പ്ര​മു​ഖ​ർ സം​ഗ​മ​ത്തി​ന് എ​ത്തും.

ശ​ബ​രി​മ​ല​യു​ടെ പ്ര​ശ​സ്തി വ്യാ​പി​പ്പി​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് സ​ർ​ക്കാ​രും ദേ​വ​സ്വം ബോ​ർ​ഡും സ​ഹ​ക​രി​ച്ച് ഇ​ത്ത​ര​മൊ​രു പ​രി​പാ​ടി സം​ഘ​ടി​പ്പി​ക്കു​ന്ന​ത്. ഇ​ത്ര​യും പ്ര​തി​നി​ധി​ക​ൾ പ​ങ്കെ​ടു​ക്കു​ന്ന അ​യ്യ​പ്പ സം​ഗ​മം മു​ൻ​പു​ണ്ടാ​യി​ട്ടി​ല്ലെ​ന്നും മ​ന്ത്രി പ​റ​ഞ്ഞു.

സം​ഗ​മ​ത്തി​ന്‍റെ ഭാ​ഗ​മാ​യി പ​ത്ത​നം​തി​ട്ട ന​ഗ​രം കേ​ന്ദ്രീ​ക​രി​ച്ച് ജി​ല്ലാ ഭ​ര​ണ​കൂ​ടം സ്വാ​ഗ​ത സം​ഘം ഓ​ഫീ​സ് ആ​രം​ഭി​ക്കും. പ​മ്പ, പെ​രു​നാ​ട്, സീ​ത​ത്തോ​ട് എ​ന്നി​വി​ട​ങ്ങ​ളി​ലും സ്വാ​ഗ​ത സം​ഘം ഓ​ഫീ​സു​ണ്ടാ​കും.

പ്ര​തി​നി​ധി​ക​ൾ​ക്കാ​യി കെ​എ​സ്ആ​ര്‍​ടി​സി ബ​സ് സൗ​ക​ര്യം ഏ​ര്‍​പ്പെ​ടു​ത്തും. ജി​ല്ല​യി​ല്‍ വി​വി​ധ സ്ഥ​ല​ങ്ങ​ളി​ലാ​കും പ്ര​തി​നി​ധി​ക​ൾ​ക്ക് താ​മ​സ​സൗ​ക​ര്യം ഒ​രു​ക്കു​ക. പ്ര​തി​നി​ധി​ക​ള്‍​ക്ക് ശ​ബ​രി​മ​ല ദ​ര്‍​ശ​ന​ത്തി​നു​ള്ള സൗ​ക​ര്യ​വും ഒ​രു​ക്കി​യി​ട്ടു​ണ്ടെ​ന്ന് മ​ന്ത്രി വ്യ​ക്ത​മാ​ക്കി.

1,300 കോ​ടി​യു​ടെ ശ​ബ​രി​മ​ല മാ​സ്റ്റ​ര്‍ പ്ലാ​ന്‍ ത​യാ​റാ​ക്കി​യെ​ന്നും ശ​ബ​രി​മ​ല വി​മാ​ന​ത്താ​വ​ളം, റെ​യി​ല്‍​പാ​ത​യ​ട​ക്ക​മു​ള്ള വി​ക​സ​ന പ്ര​വ​ർ​ത്ത​ന​ങ്ങ​ളു​ടെ പ്രാ​ഥ​മി​ക ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു.

ശ​ബ​രി​മ​ല​യെ ആ​ഗോ​ള തീ​ര്‍​ഥാ​ട​ന കേ​ന്ദ്ര​മാ​ക്കി ഉ​യ​ര്‍​ത്തു​ക​യാ​ണ് സ​ർ​ക്കാ​ർ ല​ക്ഷ്യം. പ​മ്പ​യി​ല​ട​ക്ക​മു​ള്ള ആ​ശു​പ​ത്രി​ക​ളി​ല്‍ ആ​ധു​നി​ക ചി​ക​ത്സ സൗ​ക​ര്യം ഉ​റ​പ്പാ​ക്കു​മെ​ന്നും വി.​എ​ൻ.​വാ​സ​വ​ൻ കൂ​ട്ടി​ച്ചേ​ർ​ത്തു.