കോ​ട്ട​യം: പാ​ലാ​യി​ൽ ക്രി​സ്‌​ത്യ​ൻ ആ​ധി​പ​ത്യ​മാ​ണെ​ന്നും ത​ദ്ദേ​ശ സ്ഥാ​പ​ന​ങ്ങ​ളി​ൽ പോ​ലും ഈ​ഴ​വ പ്രാ​തി​നി​ധ്യം കു​റ​വാ​ണെ​ന്നും എ​സ്എ​ൻ​ഡി​പി യോ​ഗം ജ​ന​റ​ൽ സെ​ക്ര​ട്ട​റി വെ​ള്ളാ​പ്പ​ള്ളി ന​ടേ​ശ​ൻ. രാ​മ​പു​ര​ത്ത് മീ​ന​ച്ചി​ൽ-​ക​ടു​ത്തു​രു​ത്തി എ​സ്എ​ൻ​ഡി​പി ശാ​ഖാ​സം​ഗ​മ​ത്തി​ൽ സം​സാ​രി​ക്കു​ന്ന​തി​നി​ടെ​യാ​ണ് വെ​ള്ളാ​പ്പ​ള്ളി ഈ ​പ​രാ​മ​ർ​ശം ന​ട​ത്തി​യ​ത്.

എ​സ്എ​ൻ​ഡി​പി​യെ കെ.​എം.​ മാ​ണി സ​ഹാ​യി​ച്ചി​ട്ടു​ണ്ട്. മ​റ്റു​ള്ള​വ​ർ​ക്ക് കാ​ര്യ​മാ​യി കൊ​ടു​ക്കു​മ്പോ​ൾ പൊ​ട്ടും പൊ​ടി​യും എ​സ്എ​ൻ​ഡി​പി യോ​ഗ​ത്തി​ന് ന​ൽ​കു​മാ​യി​രു​ന്നു. എ​ന്നാ​ൽ മ​ക​ൻ ജോ​സ് കെ. ​മാ​ണി സൂ​ത്ര​ക്കാ​ര​നാ​ണെ​ന്നും വെ​ള്ളാ​പ്പ​ള്ളി ആ​രോ​പി​ച്ചു.

എ​സ്എ​ൻ​ഡി​പി യോ​ഗ​ത്തി​ന്‍റെ കാ​ര്യ​ങ്ങ​ൾ പ​റ​യു​മ്പോ​ൾ ത​ന്നെ വ​ർ​ഗീ​യ​വാ​ദി​യാ​യി ചി​ല​ർ ചി​ത്രീ​ക​രി​ക്കു​ക​യാ​ണ്. താ​ൻ വ​ർ​ഗീ​യ​വാ​ദി​യ​ല്ല. സ​മു​ദാ​യ പ്ര​ശ്ന​ങ്ങ​ൾ പ​റ​യു​ന്ന​ത് എ​ങ്ങ​നെ വ​ർ​ഗീ​യ​ത​യാ​കും.

ത​ന്‍റെ മ​ല​പ്പു​റം പ്ര​സം​ഗം മാ​ധ്യ​മ​ങ്ങ​ൾ വ​ള​ച്ചൊ​ടി​ച്ച് ന​ൽ​കു​ക​യാ​യി​രു​ന്നു. മു​സ്‌​ലിം ലീ​ഗി​നോ​ട് പ​റ​യേ​ണ്ട കാ​ര്യ​ങ്ങ​ൾ അ​വ​രോ​ട് പ​റ​യേ​ണ്ടേ. അ​ത് ത​ന്‍റെ ബാ​ധ്യ​ത​യാ​ണ്. ലീ​ഗി​ന് മു​സ്‌​ലിം വി​ഭാ​ഗ​ത്തി​ൽ നി​ന്ന​ല്ലാ​ത്ത ഒ​രു എം​എ​ൽ​എ​യു​ണ്ടോ എ​ന്നും എ​ന്നി​ട്ടും നാ​ഴി​ക​യ്ക്ക് നാ​ൽ​പ്പ​തു​വ​ട്ടം അ​വ​ർ മ​തേ​ത​ര​ത്വം പ​റ​യു​മെ​ന്നും വെ​ള്ളാ​പ്പ​ള്ളി ന​ടേ​ശ​ൻ പ​രി​ഹ​സി​ച്ചു.