ല​ക്നോ: വി​വാ​ഹാ​ഘോ​ഷ​ത്തി​ൽ ആ​വ​ശ്യ​ത്തി​ന് പ​നീ​ർ ല​ഭി​ക്കാ​ത്ത​തി​നെ തു​ട​ർ​ന്ന് വി​വാ​ഹ​മ​ണ്ഡ​പ​ത്തി​ലേ​ക്ക് വാ​ഹ​നം ഇ​ടി​ച്ചു​ക​യ​റ്റി യു​വാ​വ്.

ഉ​ത്ത​ർ​പ്ര​ദേ​ശി​ലെ ച​ന്ദൗ​ലി ജി​ല്ല​യി​ലെ ഹ​മീ​ദ്പൂ​ർ ഗ്രാ​മ​ത്തി​ലാ​ണ് സം​ഭ​വം. ഭ​ക്ഷ​ണ​ത്തി​ൽ ആ​വ​ശ്യ​ത്തി​ന് പ​നീ​ർ വി​ള​മ്പാ​ത്ത​തി​ൽ ദേ​ഷ്യ​പ്പെ​ട്ട് മി​നി​ബ​സ് ഡ്രൈ​വ​ർ വി​വാ​ഹ മ​ണ്ഡ​പ​ത്തി​ലേ​ക്ക് വാ​ഹ​നം ഇ​ടി​ച്ചു​ക​യ​റ്റു​ക​യാ​യി​രു​ന്നു.

ആ​ക്ര​മ​ണ​ത്തി​ൽ ആ​റ് പേ​ർ​ക്ക് പ​രി​ക്കേ​റ്റു. പ്ര​തി​യെ പോ​ലീ​സ് അ​റ​സ്റ്റു ചെ​യ്തു. ധ​ർ​മേ​ന്ദ്ര യാ​ദ​വ് എ​ന്ന ഡ്രൈ​വ​റാ​ണ് പ്ര​തി. ഇ​യാ​ൾ നേ​ര​ത്തെ അ​തി​ഥി​ക​ളെ വി​വാ​ഹ​സ്ഥ​ല​ത്തേ​ക്ക് കൊ​ണ്ടു​പോ​യി​രു​ന്നു.

ഭ​ക്ഷ​ണം ക​ഴി​ക്കു​ന്ന​തി​നി​ടെ കൗ​ണ്ട​റി​ൽ നി​ന്ന് കൂ​ടു​ത​ൽ പ​നീ​ർ ആ​വ​ശ്യ​പ്പെ​ട്ടെ​ങ്കി​ലും അ​യാ​ൾ​ക്ക് അ​ത് ല​ഭി​ച്ചി​ല്ല. ആ​വ​ശ്യ​പ്പെ​ട്ട​ത്ര പ​നീ​ർ വി​ള​മ്പാ​ൻ ആ​തി​ഥേ​യ​ർ വി​സ​മ്മ​തി​ച്ച​തി​നെ തു​ട​ർ​ന്ന് യാ​ദ​വ് പ്ര​കോ​പി​ത​നാ​യി.

തു​ട​ർ​ന്ന് പ്ര​തി​കാ​രം ചെ​യ്തു​വെ​ന്നാ​ണ് ദൃ​ക്‌​സാ​ക്ഷി​ക​ൾ പ​റ​യു​ന്ന​ത്. പ്ര​തി​കാ​ര ന​ട​പ​ടി​യെ​ന്ന നി​ല​യി​ൽ യാ​ദ​വ് ത​ന്‍റെ മി​നി​ബ​സ് വി​വാ​ഹ വേ​ദി​യി​ലേ​ക്ക് ഇ​ടി​ച്ചു​ക​യ​റ്റി അ​തി​ഥി​ക​ളെ ഇ​ടി​ച്ചു വീ​ഴ്ത്തു​ക​യാ​യി​രു​ന്നു. തു​ട​ർ​ന്ന് വാ​ഹ​നം മ​ണ്ഡ​പ​ത്തി​ന്റെ ചു​മ​രി​ൽ ഇ​ടി​ച്ചു.

സം​ഭ​വ​ത്തി​ൽ വ​ര​ന്‍റെ പി​താ​വി​നും മ​റ്റ് അ​ഞ്ച് പേ​ർ​ക്കും ഗു​രു​ത​ര​മാ​യി പ​രി​ക്കേ​റ്റു. വ​ധു​വി​ന്‍റെ അ​മ്മാ​വ​നും പ​രി​ക്കു​ണ്ട്. ആ​റ് പേ​രെ​യും വൈ​ദ്യ​സ​ഹാ​യ​ത്തി​നാ​യി അ​ടു​ത്തു​ള്ള ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ര​ണ്ട് അ​ടു​ത്ത ബ​ന്ധു​ക്ക​ളെ​യും ബി​എ​ച്ച്‌​യു​വി​ലെ ട്രോ​മ സെ​ന്‍റ​റി​ൽ പ്ര​വേ​ശി​പ്പി​ച്ചു.

ഈ ​സം​ഭ​വ​ത്തോ​ടെ ആ​ഘോ​ഷം താ​ത്ക്കാ​ലി​ക​മാ​യി നി​ർ​ത്തി​വ​ച്ചു. ഇ​തി​നെ തു​ട​ർ​ന്ന് ശ​നി​യാ​ഴ്ച രാ​ത്രി​യി​ൽ ന​ട​ക്കാ​നി​രു​ന്ന വി​വാ​ഹം മു​തി​ർ​ന്ന​വ​രു​ടെ​യും പോ​ലീ​സി​ന്‍റെ​യും ഇ​ട​പെ​ട​ലി​ലൂ​ടെ ഞാ​യ​റാ​ഴ്ച പു​ല​ർ​ച്ചെ​യാ​ണ് ന​ട​ന്ന​ത്.

ലോ​ക്ക​ൽ പോ​ലീ​സ് അ​ന്വേ​ഷ​ണ​ത്തി​നാ‍​യി പ്ര​ത്യേ​ക സം​ഘ​ത്തെ രൂ​പീ​ക​രി​ച്ചി​ട്ടു​ണ്ട്. സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്.