ബെ​യ്റൂ​ട്ട്: യാ​ക്കോ​ബാ​യ സു​റി​യാ​നി സ​ഭ​യു​ടെ ശ്രേ​ഷ്ഠ കാ​തോ​ലി​ക്കാ ബാ​വ​യാ​യി ജോ​സ​ഫ് മാ​ർ ഗ്രി​ഗോ​റി​യോ​സ് മെ​ത്രാ​പ്പോ​ലീ​ത്ത ചു​മ​ത​ല​യേ​റ്റു. ബെ​യ്റൂ​ട്ട് അ​റ്റ്ചാ​നെ സെ​ന്‍റ് മേ​രീ​സ് ക​ത്തീ​ഡ്ര​ലി​ൽ ന​ട​ത്തി​യ ച​ട​ങ്ങി​ൽ ഇ​ഗ്നാ​ത്തി​യോ​സ് അ​പ്രേം ദ്വി​തീ​യ​ന്‍ പാ​ത്രി​യാ​ര്‍​ക്കീ​സ് ബാ​വാ മു​ഖ്യ കാ​ര്‍​മി​ക​ത്വം വ​ഹി​ച്ചു.

ബ​സേ​ലി​യോ​സ് ജോ​സ​ഫ് കാ​തോ​ലി​ക്കാ ബാ​വ എ​ന്ന സ്ഥാ​ന​പ്പേ​രാ​ണ് ജോ​സ​ഫ് മാ​ർ ഗ്രി​ഗോ​റി​യോ​സ് മെ​ത്രാ​പ്പോ​ലീ​ത്ത സ്വീ​ക​രി​ച്ച​ത്. ഔ​ദ്യോ​ഗി​ക സം​ഘ​ത്തെ അ​യ​ച്ച​തി​ന് ഇ​ന്ത്യ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്ക് പാ​ത്രി​യാ​ര്‍​ക്കീ​സ് ബാ​വ ആ​മു​ഖ പ്ര​സം​ഗ​ത്തി​ൽ പ്ര​ത്യേ​കം ന​ന്ദി അ​റി​യി​ച്ചു. ഇ​ന്ത്യ​യു​ടെ മ​റ്റു​മ​ത​ങ്ങ​ളോ​ടു​ള്ള സ​ഹി​ഷ്ണു​ത​യേ​യും സ്നേ​ഹ​ത്തേ​യും ബാ​വ പ്ര​ത്യേ​കം പ​രാ​മ​ർ​ശി​ച്ചു.

കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​നും ബാ​വ ന​ന്ദി അ​റി​യി​ച്ചു. മു​ഖ്യ​മ​ന്ത്രി​യു​മാ​യി പ​ല​വ​ട്ടം കൂ​ടി​ക്കാ​ഴ്ച ന​ട​ത്തി​യി​ട്ടു​ണ്ടെ​ന്നും സ​ഭ​യോ​ട് കാ​ണി​ക്കു​ന്ന സ്നേ​ഹ​ത്തി​നും സ​ർ​ക്കാ​ർ പ്ര​തി​നി​ധി സം​ഘ​ത്തെ അ​യ​ച്ച​തി​ലും ന​ന്ദി അ​റി​യി​ക്കു​ന്ന​താ​യും ബാ​വ പ​റ​ഞ്ഞു.

യാ​ക്കോ​ബാ​യ സ​ഭ​യു​ടേ​ത​ട​ക്കം സി​റി​യ​ന്‍ ഓ​ര്‍​ത്ത​ഡോ​ക്സ് സ​ഭ​യി​ലെ മ​റ്റു മെ​ത്രാ​പ്പോ​ലീ​ത്ത​മാ​ര്‍ ച​ട​ങ്ങി​ൽ സ​ഹ​കാ​ര്‍​മി​ക​രാ​യി.​യാ​ക്കോ​ബാ​യ സ​ഭാം​ഗ​ങ്ങ​ളു​ടെ പ്ര​തി​നി​ധി സം​ഘ​വും മാ​ര്‍​ത്തോ​മ്മാ സ​ഭ​യു​ടെ ജോ​സ​ഫ് മാ​ര്‍ ബ​ര്‍​ണ​ബാ​സ് സ​ഫ്ര​ഗ​ന്‍ മെ​ത്രാ​പ്പോ​ലീ​ത്ത​യും ച​ട​ങ്ങി​ന്‍റെ ഭാ​ഗ​മാ​യി.

മ​ന്ത്രി പി.​രാ​ജീ​വി​ന്‍റെ നേ​തൃ​ത്വ​ത്തി​ലു​ള്ള സം​സ്ഥാ​ന സ​ര്‍​ക്കാ​രി​ന്‍റെ പ്ര​തി​നി​ധി സം​ഘ​വും ച​ട​ങ്ങി​ല്‍ സ​ന്നി​ഹി​ത​രാ​യി. കേ​ന്ദ്ര സ​ർ​ക്കാ​രി​ന്‍റെ നേ​തൃ​ത്വ​ത്തി​ലു​ള്ള സം​ഘ​വും ച​ട​ങ്ങി​ൽ പ​ങ്കെ​ടു​ത്തു. സ​ഭാ ഭാ​ര​വാ​ഹി​ക​ളും വി​ശ്വാ​സി​ക​ളും ഉ​ള്‍​പ്പെ​ടെ കേ​ര​ള​ത്തി​ല്‍ നി​ന്ന് നാ​നൂ​റോ​ളം പേ​ര്‍ ച​ട​ങ്ങി​ല്‍ പ​ങ്കെ​ടു​ത്തു.