ഹാ​മി​ൽ​ട്ട​ൺ: ഇം​ഗ്ല​ണ്ടി​നെ​തി​രാ​യ മൂ​ന്നാം ക്രി​ക്ക​റ്റ് ടെ​സ്റ്റി​ൽ ന്യൂ​സീ​ല​ൻ​ഡി​ന് 423 റ​ൺ​സി​ന്‍റെ കൂ​റ്റ​ൻ ജ​യം. ഹാ​മി​ൽ​ട്ട​ണി​ലെ സെ​ഡ​ൻ പാ​ർ​ക്കി​ൽ കി​വീ​സ് ഉ​യ​ർ​ത്തി​യ 658 റ​ൺ​സി​ന്‍റെ കൂ​റ്റ​ൻ വി​ജ​യ​ല​ക്ഷ്യം പി​ന്തു​ട​ർ​ന്ന സ​ന്ദ​ർ​ശ​ക​ർ 47.2 ഓ​വ​റി​ൽ 234 റ​ൺ​സി​ന് പു​റ​ത്താ​യി. സ്കോ​ർ- ന്യൂ​സി​ല​ൻ​ഡ്: 347 & 453, ഇം​ഗ്ല​ണ്ട്: 143 & 234.

അ​ർ​ധ​സെ​ഞ്ചു​റി നേ​ടി​യ ജേ​ക്ക​ബ് ബേ​തെ​ൽ, ജോ ​റൂ​ട്ട് എ​ന്നി​വ​രാ​ണ് ഇം​ഗ്ല​ണ്ടി​ന്‍റെ മാ​നം കാ​ത്ത​ത്. 96 പ​ന്തി​ൽ 13 ഫോ​റും ഒ​രു സി​ക്സും സ​ഹി​തം 76 റ​ൺ​സെ​ടു​ത്ത ബേ​തെ​ലാ​ണ് ഇം​ഗ്ല​ണ്ടി​ന്‍റെ ടോ​പ് സ്കോ​റ​ർ. റൂ​ട്ട് 64 പ​ന്തി​ൽ 10 ഫോ​റു​ക​ളോ​ടെ 54 റ​ൺ​സെ​ടു​ത്തു. 41 പ​ന്തി​ൽ ഏ​ഴു ഫോ​റും ഒ​രു സി​ക്സും സ​ഹി​തം 43 റ​ൺ​സെ​ടു​ത്ത ഗ​സ് അ​റ്റ്കി​ൻ​സ​നും മി​ക​ച്ച പ്ര​ക​ട​നം കാ​ഴ്ച​വ​ച്ചു. ഇ​വ​രെ കൂ​ടാ​തെ 17 റ​ൺ​സെ​ടു​ത്ത ഒ​ല്ലി പോ​പ്പ്, 11 റ​ൺ​സെ​ടു​ത്ത ബ്രൈ​ഡ​ൺ ക​ഴ്സ് എ​ന്നി​വ​ർ​ക്കു മാ​ത്ര​മേ ര​ണ്ട​ക്കം ക​ട​ക്കാ​നാ​യു​ള്ളൂ.

കി​വീ​സി​നു വേ​ണ്ടി മി​ച്ച​ൽ സാ​ന്‍റ്ന​ർ 14.2 ഓ​വ​റി​ൽ 85 റ​ൺ​സ് വ​ഴ​ങ്ങി നാ​ലു വി​ക്ക​റ്റ് വീ​ഴ്ത്തി. മാ​റ്റ് ഹെ​ൻ​റിയും വിരമിക്കൽ ടെസ്റ്റ് കളിച്ച ടിം ​സൗ​ത്തിയും ര​ണ്ടു വി​ക്ക​റ്റ് വീ​ത​വും വി​ല്യം ഒ​റൂ​ർ​ക്കെ ഒ​രു വി​ക്ക​റ്റും വീ​ഴ്ത്തി. ഒ​ന്നാം ഇ​ന്നിം​ഗ്സി​ൽ 76 റ​ൺ​സും ര​ണ്ടാം ഇ​ന്നിം​ഗ്സി​ൽ 49 റ​ൺ​സും മ​ത്സ​ര​ത്തി​ലാ​കെ ഏ​ഴു​വി​ക്ക​റ്റും നേ​ടി​യ മി​ച്ച​ൽ സാ​ന്‍റ്ന​റാ​ണ് ക​ളി​യി​ലെ കേ​മ​ൻ. അ​തേ​സ​മ​യം, ഹാ​രി ബ്രൂ​ക്ക് പ​ര​മ്പ​ര​യു​ടെ താ​ര​മാ​യി. ആദ്യ രണ്ടു ടെസ്റ്റുകൾ വിജയിച്ച ഇംഗ്ലണ്ട് നേരത്തെതന്നെ ക്രോ- തോർപ്പ് ട്രോഫി സ്വന്തമാക്കിയിരുന്നു.

നേ​ര​ത്തെ, ര​ണ്ടാം ഇ​ന്നിം​ഗ്സി​ൽ കെ​യ്ൻ വി​ല്യം​സ​ണി​ന്‍റെ ത​ക​ർ​പ്പ​ൻ സെ​ഞ്ചു​റി​യു​ടെ ബ​ല​ത്തി​ലാ​ണ് ആ​തി​ഥേ​യ​ർ മി​ക​ച്ച സ്കോ​റി​ലെ​ത്തി​യ​ത്. 204 പ​ന്തി​ൽ 20 ബൗ​ണ്ട​റി​ക​ളും ഒ​രു സി​ക്സ​റു​മു​ൾ​പ്പെ​ടെ 156 റ​ൺ​സെ​ടു​ത്ത വി​ല്യം​സ​ണാ​ണ് കി​വീ​സ് നി​ര​യി​ലെ ടോ​പ് സ്കോ​റ​ർ. വി​ൽ യം​ഗ് (60), ഡാ​രി​ൽ മി​ച്ച​ൽ (60), ര​ചി​ൻ ര​വീ​ന്ദ്ര (44), മി​ച്ച​ൽ സാ​ന്‍റ്ന​ർ (49), ടോം ​ബ്ല​ണ്ട​ൽ (പു​റ​ത്താ​കാ​തെ 44) എ​ന്നി​വ​രും മി​ക​ച്ച സം​ഭാ​വ​ന​ക​ൾ ന​ല്കി.

ഇം​ഗ്ല​ണ്ടി​നു വേ​ണ്ടി ജേ​ക്ക​ബ് ബേ​തെ​ൽ മൂ​ന്നു​വി​ക്ക​റ്റും ബെ​ൻ സ്റ്റോ​ക്സ്, ഷോ​യി​ബ് ബ​ഷീ​ർ എ​ന്നി​വ​ർ ര​ണ്ടു​വി​ക്ക​റ്റ് വീ​ത​വും മാ​ത്യു പോ​ട്ട്സ്, ഗ​സ് അ​റ്റ്കി​ൻ​സ​ൺ, ജോ ​റൂ​ട്ട് എ​ന്നി​വ​ർ ഓ​രോ വി​ക്ക​റ്റ് വീ​ത​വും വീ​ഴ്ത്തി.