കോ​ഴി​ക്കോ​ട്: എ​ല്‍​ഡി​എ​ഫി​നെ​യും പൊ​തു​മ​രാ​മ​ത്ത് വ​കു​പ്പ് മ​ന്ത്രി മു​ഹ​മ്മ​ദ് റി​യാ​സി​നെ​യും വി​മ​ര്‍​ശി​ച്ച് കൊ​ടു​വ​ള്ളി മു​ന്‍ എം​എ​ല്‍​എ കാ​രാ​ട്ട് റ​സാ​ഖ്. ത​ന്‍റെ പ​ല വ​ലി​യ പ​ദ്ധ​തി​ക​ളും ലീ​ഗി​നൊ​പ്പം ചേ​ര്‍​ന്ന് മു​ഹ​മ്മ​ദ് റി​യാ​സ് അ​ട്ടി​മ​റി​ച്ച​താ​യി അ​ദ്ദേ​ഹം ആ​രോ​പി​ച്ചു.

മ​ന്ത്രി എ​ന്ന നി​ല​യി​ലെ റി​യാ​സി​ന്‍റെ നി​ല​പാ​ടു​ക​ളോ​ട് യോ​ജി​ക്കാ​ന്‍ ക​ഴി​യി​ല്ല. വി​ഷ​യ​ത്തി​ല്‍ പാ​ര്‍​ട്ടി​ക്ക് നി​ര​വ​ധി പ​രാ​തി​ക​ള്‍ ന​ല്‍​കി. എ​ന്നാ​ല്‍ ഒ​ന്നി​നും മ​റു​പ​ടി ല​ഭി​ച്ചി​ല്ല. തീ​രു​മാ​നം എ​ടു​ക്കാ​ന്‍ പാ​ര്‍​ട്ടി​ക്ക് ക​ഴി​യാ​ത്ത​ത് റി​യാ​സ് പാ​ര്‍​ട്ടി​യെ ഹൈ​ജാ​ക്ക് ചെ​യ്യു​ന്ന​തു കൊ​ണ്ടാ​വാ​മെ​ന്നും റ​സാ​ഖ് പ​റ​ഞ്ഞു.

പാ​ര്‍​ട്ടി വി​ട്ടാ​ല്‍ താൻ എ​ങ്ങോ​ട്ട് പോ​കു​മെ​ന്ന ചോ​ദ്യ​ത്തി​ല്‍ സ​മ​യ​മാ​കു​മ്പോ​ള്‍ എ​ല്ലാം പ​റ​യാ​മെ​ന്ന് അ​ദ്ദേ​ഹം പ്ര​തി​ക​രി​ച്ചു. പി.​വി. അ​ന്‍​വ​ര്‍ ത​ന്നെ ഡി​എം​കെ​യി​ലേ​ക്ക് സ്വാ​ഗ​തം ചെ​യ്തി​ട്ടു​ണ്ട്. അ​പ്പോ​ള്‍ കാ​ത്തി​രി​ക്കാ​നാ​ണ് താ​ന്‍ മറുപടി പ​റ​ഞ്ഞ​ത്. ചി​ല​പ്പോ​ള്‍ പു​തി​യ രാ​ഷ്ട്രീ​യ പാ​ര്‍​ട്ടി ഉ​ണ്ടാ​ക്കാം. മ​റ്റേ​തെ​ങ്കി​ലും പാ​ര്‍​ട്ടി​യി​ല്‍ ചേ​രാം. അ​ല്ലെ​ങ്കി​ല്‍ അ​ന്‍​വ​റി​നൊ​പ്പം ത​ന്നെ ചേ​രാം. എ​ന്നാ​ല്‍ ലീ​ഗി​ലേ​ക്ക് ഇ​നി​യൊ​രു മ​ട​ങ്ങി​പ്പോ​ക്കി​ല്ലെ​ന്നും കാ​രാ​ട്ട് റ​സാ​ഖ് വ്യക്തമാക്കി.

നേ​ര​ത്തെ, കാ​രാ​ട്ട് റ​സാ​ഖി​നെ മ​ദ്ര​സ അ​ധ്യാ​പ​ക ക്ഷേ​മ​നി​ധി ബോ​ര്‍​ഡ് ചെ​യ​ര്‍​മാ​ന്‍ സ്ഥാ​ന​ത്ത് നി​ന്ന് നീ​ക്കി​യേ​ക്കു​മെ​ന്ന് സൂ​ച​ന എ​ല്‍​ഡി​എ​ഫ് ന​ല്‍​കി​യി​രു​ന്നു. റ​സാ​ഖ് വീ​ണ്ടും അ​ന്‍​വ​റു​മാ​യി കൂ​ടി​ക്കാ​ഴ്ച ന​ട​ത്തി​യ പ​ശ്ചാ​ത്ത​ല​ത്തി​ലാ​ണ് നീ​ക്ക​മെ​ന്നാ​ണ് വി​വ​രം. എ​ന്നാ​ല്‍ ത​ന്നോ​ട് രാ​ജി​വ​യ്ക്കാ​ന്‍ പ​റ​ഞ്ഞി​ട്ടി​ല്ലെ​ന്നും ആ​വ​ശ്യ​മെ​ങ്കി​ല്‍ അ​വ​ര്‍​ക്ക് ത​ന്നെ സ്ഥാ​ന​ത്ത് നി​ന്നും നീ​ക്കം ചെ​യ്യാ​മെ​ന്നും കാ​രാ​ട്ട് റ​സാ​ഖ് പ​റ​ഞ്ഞു.