കോ​ഴി​ക്കോ​ട്: 72 ദി​വ​സ​ത്തെ കാ​ത്തി​രി​പ്പി​നൊ​ടു​വി​ൽ ചേ​ത​ന​യ​റ്റ് അ​ർ​ജു​ൻ ത​ന്‍റെ പ്രി​യ​പ്പെ​ട്ട ക​ണ്ണാ​ടി​ക്ക​ലി​ലെ വീ​ടാ​യ അ​മ​ര​വ​തി​യി​ലെ​ത്തി. രാ​വി​ലെ 9.10ടെ​യാ​ണ് അ​ർ​ജു​ന്‍റെ മൃ​ത​ദേ​ഹ​വും വ​ഹി​ച്ചു​കൊ​ണ്ടു​ള്ള മൃ​ത​ദേ​ഹം വീ​ട്ടി​ലെ​ത്തി​ച്ച​ത്. മ​ന്ത്രി​മാ​രും എം​എ​ല്‍​എ​മാ​രും പൗ​ര​പ്ര​മു​ഖ​രും മൃ​ത​ദേ​ഹ​ത്തെ അ​നു​ഗ​മി​ച്ചി​രു​ന്നു.

വീ​ട്ടി​ല്‍ അ​ല്‍​പ​സ​മ​യം മാ​ത്രം പൊ​തു​ദ​ര്‍​ശ​നം ഉ​ണ്ടാ​കു​മെ​ന്നാ​ണ് വി​വ​രം. തു​ട​ര്‍​ന്ന് പ​ക​ല്‍ 11ന് ​വീ​ട്ടു​വ​ള​പ്പി​ല്‍ മൃ​ത​ദേ​ഹം സം​സ്‌​ക​രി​ക്കും.

ആം​ബു​ല​ന്‍​സ് സ​ഞ്ച​രി​ച്ച ഇ​ട​ങ്ങ​ളി​ലും ക​ണ്ണാ​ടി​ക്ക​ല്‍ ഗ്രാ​മ​ത്തി​ലും ആ​യി​ര​ങ്ങ​ളാ​ണ് നോ​വു​ന്ന ഹൃ​ദ​യ​വു​മാ​യി അ​ദ്ദേ​ഹ​ത്തെ കാ​ത്തു​നി​ന്ന​ത്. ക​ണ്ണീ​രും മു​ദ്രാ​വാ​ക്യ​വും ഇ​ട​ക​ല​ര്‍​ന്ന അ​ന്ത​രീ​ക്ഷം കേ​ര​ളം ആ ​മ​നു​ഷ്യ​നെ എ​ങ്ങ​നെ​യെ​ക്കൊ ക​ണ്ടി​രു​ന്നു, സ്‌​നേ​ഹി​ച്ചി​രു​ന്നു എ​ന്ന കാ​ര്യം വ്യ​ക്ത​മാ​ക്കു​ന്നു...

പു​ല​ർ​ച്ചെ അ​ഞ്ച​ര​യോ​ടെ​യാ​ണ് മൃ​ത​ദേ​ഹം വ​ഹി​ച്ചു​ള്ള വാ​ഹ​ന​വ്യൂ​ഹം ക​ണ്ണൂ​ര്‍ ന​ഗ​രം പി​ന്നി​ട്ട​ത്. ആ​റോ​ടെ അ​ഴി​യൂ​ര്‍ പി​ന്നി​ട്ട് കോ​ഴി​ക്കോ​ട് ജി​ല്ല​യി​ല്‍ പ്ര​വേ​ശി​ച്ചു. ഇ​വി​ടെ വ​ച്ച് മ​ന്ത്രി എ.​കെ. ശ​ശീ​ന്ദ്ര​നും കോ​ഴി​ക്കോ​ട് ജി​ല്ലാ ക​ള​ക്ട​റും അ​ട​ക്ക​മു​ള്ള​വ​ര്‍ സം​സ്ഥാ​ന സ​ര്‍​ക്കാ​രി​ന് വേ​ണ്ടി മൃ​ത​ദേ​ഹം ഏ​റ്റു​വാ​ങ്ങി.

ഇ​വി​ടെ നി​ന്നാ​ണ് വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ വി​ലാ​പ​യാ​ത്ര തു​ട​ങ്ങു​ന്ന​ത്. ലോ​റി ഓ​ണേ​ര്‍​സ് അ​സോ​സി​യേ​ഷ​ന്‍റെ​യും ആ​ക്ഷ​ന്‍ ക​മ്മി​റ്റി​യു​ടെ​യും നേ​തൃ​ത്വ​ത്തി​ലാ​യി​രു​ന്നു വി​ലാ​പ​യാ​ത്ര. കാ​ര്‍​വാ​ര്‍ എം​എ​ല്‍​എ സ​തീ​ഷ് കൃ​ഷ്ണ സെ​യ്ലും മ​ഞ്ചേ​ശ്വ​രം എം​എ​ല്‍​എ എ.​കെ.​എം അ​ഷ്റ​ഫും ഷി​രൂ​രി​ലെ മു​ങ്ങ​ല്‍ വി​ദ​ഗ്ധ​ന്‍ ഈ​ശ്വ​ര്‍ മാ​ല്‍​പേ​യും വി​ലാ​പ​യാ​ത്ര​യ്ക്ക് ഒ​പ്പ​മു​ണ്ട്. കേ​ര​ള, ക​ര്‍​ണാ​ട​ക പോ​ലീ​സും വി​ലാ​പ​യാ​ത്ര​യെ അ​നു​ഗ​മി​ക്കു​ന്നു​ണ്ട്.

ക​ണ്ണാ​ടി​ക്ക​ല്‍ പ്രേ​മ​ന്‍റെ​യും ഷീ​ല​യു​ടെ​യും മ​ക​ന്‍ അ​ര്‍​ജു​ന്‍ നാ​ട്ടു​കാ​ര്‍​ക്ക് ഏ​റെ പ്രി​യ​ങ്ക​ര​നാ​യി​രു​ന്നു. ചെ​റു​പ്രാ​യ​ത്തി​ലെ പ​ല ജോ​ലി​ക​ള്‍ ചെ​യ്ത് കൂ​ലി​പ്പ​ണി​ക്കാ​ര​നാ​യ അ​ച്ഛ​ന്‍, അ​മ്മ ര​ണ്ടു സ​ഹോ​ദ​രി​മാ​ര്‍ ഒ​രു അ​നി​യ​ന്‍ എ​ന്നി​വ​രെ​യെ​ല്ലാം പോ​റ്റി... പ്ല​സ്ടു വി​ന് ശേ​ഷം ഒ​രു തു​ണി​ഷോ​പ്പി​ല്‍ ജോ​ലി നോ​ക്കി. ഇ​ട​യ്ക്കി​ടെ പെ​യി​ന്‍റിം​ഗ് അ​ട​ക്ക​മു​ള്ള മ​റ്റ് ജോ​ലി​ക​ള്‍ ചെ​യ്തു. പൊ​തു​രം​ഗ​ത്തും സ​ജീ​വ​മാ​യി​രു​ന്നു.

അ​വ​രു​ടെ എ​ല്ലാം പ്രി​യ​പ്പെ​ട്ട അ​ര്‍​ജു​ന്‍ കേ​ര​ള​ത്തി​ന്‍റെ പ്രി​യ​പ്പെ​ട്ട​വ​നാ​യി മാ​റി ക​ണ്ണാ​ടി​ക്ക​ലെ വീ​ട്ടി​ലേ​ക്ക് മ​ട​ങ്ങി​യെ​ത്തു​ക​യാ​ണ്. ലോ​ക​ത്തി​ന്‍റെ മു​ഴു​വ​ന്‍ പ്രാ​ര്‍​ഥ​ന​യും സ്‌​നേ​ഹ​വും ദുഃ​ഖം ക​ല​ര്‍​ന്ന് ആ ​യാ​ത്ര​യെ അ​നു​ഗ​മി​ക്കു​ന്നു...