ബംഗാളിലെ അവസ്ഥ മറക്കരുത് ; അൻവറിന് പിന്തുണയുമായി പോരാളി ഷാജി
Thursday, September 26, 2024 11:27 PM IST
കണ്ണൂർ: പി.വി.അൻവർ എംഎൽഎയ്ക്ക് പിന്തുണയുമായി സിപിഎം സൈബർ ഗ്രൂപ്പ് പോരാളി ഷാജി രംഗത്ത്. ബംഗാളിലെ പാർട്ടിയുടെ ഇന്നത്തെ അവസ്ഥ ചൂണ്ടിക്കാട്ടിയാണ് വിമർശനം. 220 എംഎൽഎമാരും 32 എംപിമാരും സിപിഎമ്മിന് ഉണ്ടായിരുന്നു.
എന്നാൽ ബംഗാളിൽ ഇന്നത്തെ അവസ്ഥക്ക് കാരണം നേതാക്കളാണെന്നും അത് കേരളത്തിലെ നേതാക്കളും തിരിച്ചറിയണമെന്നുമാണ് പോരാളി ഷാജിയുടെ ആവശ്യം. നേതാക്കളിൽ ഏതാണ്ട് എല്ലാവരും ഇപ്പോഴും സിപിഎമ്മിൽ തന്നെ ഉള്ളപ്പോൾ അണികളാണ് ബംഗാളിലും ത്രിപുരയിലും നഷ്ടമായതെന്നും ഫേസ്ബുക്ക് കുറിപ്പ് ഓർമ്മപ്പെടുത്തുന്നു.
നേതാക്കൾ അല്ല പാർട്ടിയെന്നും അണികൾ എതിരായാൽ പിന്നെ നേതാക്കൾക്ക് പുല്ലുവിലയാണെന്നും തെറ്റുകൾ തിരുത്താനുള്ളതാണെന്നും മസിൽ പിടിച്ചു നിന്നതുകൊണ്ടായില്ലെന്നും പോരാളി ഷാജി പറയുന്നു.