"നീതിയില്ലെങ്കിൽ നീ തീയാവുക'; വൈകുന്നേരം നാലിന് വാർത്താസമ്മേളനം നടത്തുമെന്ന് അൻവർ
Thursday, September 26, 2024 11:53 AM IST
കോഴിക്കോട്: പരസ്യപ്രതികരണം പാടില്ലെന്ന പാര്ട്ടി തീരുമാനം തള്ളി പി.വി.അന്വര് എംഎല്എ. ഇന്ന് വൈകിട്ട് നാലരയ്ക്ക് മാധ്യമങ്ങളെ കാണുമെന്ന് അൻവർ ഫേസ്ബുക്ക് പോസ്റ്റിൽ പറഞ്ഞു.
വിശ്വാസങ്ങൾക്കും വിധേയത്വത്തിനും താൽക്കാലികതയ്ക്കും അപ്പുറം ഓരോ മനുഷ്യനിലും ഉള്ള ഒന്നാണ് ആത്മാഭിമാനം. അതിത്തിരി കൂടുതലുണ്ട്."നീതിയില്ലെങ്കിൽ നീ തീയാവുക"എന്നാണല്ലോ. ഇന്ന് വൈകിട്ട് മാധ്യമങ്ങളെ കാണുന്നുണ്ടെന്നും അൻവർ ഫേസ്ബുക്കിൽ കുറിച്ചു.
അന്വറിനെതിരേ പാര്ട്ടി നടപടിയുണ്ടാകുമെന്ന സൂചനകള്ക്കിടെയാണ് അൻവർ വാർത്താസമ്മേളനം നടത്താനൊരുങ്ങുന്നത്. രാജി വയ്ക്കാനും മടിയില്ലെന്ന് അന്വര് അനുയായികളോട് പങ്കുവച്ചെന്നാണ് വിവരം. കൂടുതല് വെളിപ്പെടുത്തലുകള് നടത്തും. ചില തെളിവുകള് പുറത്തുവിടുമെന്നും സൂചനയുണ്ട്.