ബം​ഗ​ളൂ​രു: മു​ഡ ഭൂ​മി അ​ഴി​മ​തി കേ​സ് കെ​ട്ടി​ച്ച​മ​ച്ച​താ​ണെ​ന്ന് ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ. കേ​സി​ലെ പ്രോ​സി​ക്യൂ​ഷ​ൻ ന​ട​പ​ടി​ക​ൾ​ക്ക് എ​തി​രേ സി​ദ്ധ​രാ​മ​യ്യ സ​മ​ർ​പ്പി​ച്ച ഹ​ർ​ജി ഹൈ​ക്കോ​ട​തി ത​ള്ളി​യ​തി​ന് പി​ന്നാ​ലെ​യാ​ണ് പ്ര​തി​ക​ര​ണം.

ഒ​രു അ​ന്വേ​ഷ​ണ​ത്തി​നും എ​തി​ര​ല്ല. പോ​രാ​ട്ട​ത്തി​ന് ക​ന്ന​ഡ ജ​ന​ത​യു​ടെ പൂ​ർ​ണ പി​ന്തു​ണ​യു​ണ്ട്. തു​ട​ര്‍ നി​യ​മ ന​ട​പ​ടി​ക​ള്‍ വി​ദ​ഗ്ധ​രു​മാ​യി ആ​ലോ​ചി​ച്ചെ​ടു​ക്കു​മെ​ന്നും അ​ദ്ദേ​ഹം അ​റി​യി​ച്ചു.

ബി​ജെ​പി​യും ജെ​ഡി​എ​സും രാ​ജ്ഭ​വ​നെ ദു​രു​പ​യോ​ഗം​ചെ​യ്തു. പോ​രാ​ട്ട​ത്തി​ൽ സ​ത്യം ജ​യി​ക്കു​മെ​ന്നും സി​ദ്ധ​രാ​മ​യ്യ വ്യ​ക്ത​മാ​ക്കി. വാ​ർ​ത്താ കു​റി​പ്പി​ലൂ​ടെ​യാ​ണ് അ​ദ്ദേ​ഹം ഇ​ക്കാ​ര്യം അ​റി​യി​ച്ച​ത്.

ഭൂ​മി അ​ഴി​മ​തി കേ​സി​ൽ ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ ഹ​ർ​ജി ക​ർ​ണാ​ട​ക ഹൈ​ക്കോ​ട​തി ത​ള്ളി​യി​രു​ന്നു. ജ​സ്റ്റീ​സ് നാ​ഗ​പ്ര​സ​ന്ന​യു​ടെ ബെ​ഞ്ചാ​ണ് ഹ​ർ​ജി ത​ള്ളി​യ​ത്.

കേ​സി​ൽ സി​ദ്ധ​രാ​മ​യ്യ​യെ പ്രോ​സി​ക്യൂ​ട്ട് ചെ​യ്യാ​ൻ ഗ​വ​ർ​ണ​ർ അ​നു​മ​തി. ന​ൽ​കി​യി​രു​ന്നു. ഇ​തി​നെ​തി​രേ സി​ദ്ധ​രാ​മ​യ്യ സ​മ​ർ​പ്പി​ച്ച ഹ​ർ​ജി​യാ​ണ് കോ​ട​തി ത​ള്ളി​യ​ത്.

സാ​ധാ​ര​ണ ഗ​വ​ർ​ണ​ർ മ​ന്ത്രി​സ​ഭ​യു​ടെ തീ​രു​മാ​നം അ​നു​സ​രി​ച്ചാ​ണ് പ്ര​വ​ർ​ത്തി​ക്കേ​ണ്ട​ത്. എ​ന്നാ​ൽ ഇ​ത് ഒ​രു അ​സാ​ധാ​ര​ണ സാ​ഹ​ച​ര്യാ​മാ​ണ്. ഈ ​സാ​ഹ​ച​ര്യ​ത്തി​ൽ ഗ​വ​ർ​ണ​ർ​ക്ക് സ്വ​ന്തം നി​ല​യി​ൽ തീ​രു​മാ​നി​ക്കാ​മെ​ന്നും കോ​ട​തി വ്യ​ക്ത​മാ​ക്കി.

ഭൂ​മി ഇ​ട​പാ​ടി​ൽ താ​ൻ പ്ര​തി​യോ പ​ങ്കാ​ളി​യോ അ​ല്ലെ​ന്ന് സി​ദ്ധ​രാ​മ​യ്യ സ​മ​ർ​പ്പി​ച്ച ഹ​ർ​ജി​യി​ൽ പ​റ​യു​ന്നു. ഈ ​സാ​ഹ​ച​ര്യ​ത്തി​ൽ ത​ന്നെ പ്രോ​സി​ക്യൂ​ട്ട് ചെ​യ്യാ​ൻ ഗ​വ​ർ​ണ​ർ അ​നു​മ​തി ന​ൽ​കി​യ​ത് ച​ട്ട​വി​രു​ദ്ധ​മാ​യാ​ണെ​ന്നും ഹ​ർ​ജി​യി​ൽ ആ​രോ​പി​ക്കു​ന്നു.

പ്ര​ദീ​പ് കു​മാ​ർ, ടി.​ജെ. എ​ബ്ര​ഹാം, സ്‌​നേ​ഹ​മ​യി കൃ​ഷ്ണ എ​ന്നി​വ​രാ​ണ് പ​രാ​തി​ക്കാ​ർ. സി​ദ്ധ​രാ​മ​യ്യ​യു​ടെ ഭാ​ര്യ ബി.​എം. പാ​ർ​വ​തി​ക്ക് മൈ​സൂ​രു​വി​ൽ ഭൂ​മി അ​നു​വ​ദി​ച്ച​ത് നി​യ​മ​വി​രു​ദ്ധ​മാ​ണെ​ന്ന് പ​രാ​തി​യി​ൽ പ​റ​യു​ന്നു.

ഇ​ത് ഖ​ജ​നാ​വി​ന് 45 കോ​ടി രൂ​പ​യു​ടെ ന​ഷ്ട​മു​ണ്ടാ​ക്കി​യെ​ന്നും ലോ​കാ​യു​ക്ത​യി​ൽ എ​ബ്ര​ഹാം പ​രാ​തി ന​ൽ​കി​യി​രു​ന്നു. എ​ന്നാ​ൽ 1998-ൽ ​സ​ഹോ​ദ​ര​ൻ മ​ല്ലി​കാ​ർ​ജു​ന ഭാ​ര്യ​യ്ക്ക് സ​മ്മാ​നി​ച്ച​താ​ണ് ഭൂ​മി​യെ​ന്നാ​ണ് സി​ദ്ധ​രാ​മ​യ്യ​യു​ടെ വാ​ദം.