കോ​ട്ട​യം: ഡി​ജി​പി ഷെ​യ്ഖ് ദ​ര്‍​വേ​ഷ് സാ​ഹി​ബ് മു​ഖ്യ​മ​ന്ത്രി​യു​മാ​യി നി​ര്‍​ണാ​യ​ക കൂ​ടി​ക്കാ​ഴ്ച ന​ട​ത്തു​ന്നു. എ​ഡി​ജി​പി എം.​ആ​ര്‍.​അ​ജി​ത് കു​മാ​​​ര്‍ അ​ട​ക്ക​മു​ള്ള​വ​ര്‍​വ​ര്‍​ക്കെ​തി​രേ പി.​വി.​അ​ന്‍​വ​ര്‍ എം​എ​ല്‍​എ ഉ​യ​ര്‍​ത്തി​യ ആ​രോ​പ​ണ​ങ്ങ​ള്‍ വി​വാ​ദ​മാ​കു​ന്ന​തി​നി​ടെ​യാ​ണ് കൂ​ടി​ക്കാ​ഴ്ച. കോ​ട്ട​യം നാ​ട്ട​കം ഗ​സ്റ്റ്ഹൗ​സി​ലാ​ണ് കൂ​ടി​ക്കാ​ഴ്ച ന​ട​ക്കു​ന്ന​ത്.

കോ​ട്ട​യ​ത്ത് ന​ട​ക്കു​ന്ന പോ​ലീ​സ് അ​സോ​സി​യേ​ഷ​ന്‍റെ സം​സ്ഥാ​ന സ​മ്മേ​ള​ന​ത്തി​ല്‍ പ​ങ്കെ​ടു​ക്കാ​നാ​ണ് മു​ഖ്യ​മ​ന്ത്രി​യും എ​ഡി​ജി​പി എം.​ആ​ര്‍.​അ​ജി​ത് കു​മാ​റും ഡി​ജി​പി​യും ഇ​ന്ന് കോ​ട്ട​യ​ത്തെ​ത്തി​യ​ത്. പരിപാടിയിൽ മുഖ്യമന്ത്രിയും എഡിജിപിയും ഒ​രേ വേദി പ​ങ്കി​ടാ​നി​രി​ക്കെ​യാ​ണ് ഇ​തി​ന് മു​ന്നോ​ടി​യാ​യി ഡി​ജി​പി മു​ഖ്യ​മ​ന്ത്രി​യെ ക​ണ്ട​ത്.

അ​തേ​സ​മ​യം എ​ഡി​ജി​പി​യെ മാ​റ്റി നി​ര്‍​ത്തി​ക്കൊ​ണ്ട് അ​ന്വേ​ഷ​ണം പ്ര​ഖ്യാ​പി​ച്ചേ​ക്കു​മെ​ന്നാ​ണ് സൂ​ച​ന. ഇ​ത്ത​ര​ത്തി​ല്‍ ഒ​രു അ​ന്വേ​ഷ​ണ​ത്തി​ന് താ​ത്പ​ര്യ​മു​ണ്ടെ​ന്ന് എ​ഡി​ജി​പി ത​ന്നെ മു​ഖ്യ​മ​ന്ത്രി​യെ അ​റി​യി​ച്ച​താ​യാ​ണ് വി​വ​രം.

ആ​ഭ്യ​ന്ത​ര​വ​കു​പ്പി​നെ​യും സ​ര്‍​ക്കാ​രി​നെ​യും ക​ടു​ത്ത പ്ര​തി​രോ​ധ​ത്തി​ലാ​ക്കി​യാ​ണ് ഭ​ര​ണ​ക​ക്ഷി എം​എ​ല്‍​എ പി.​വി. അ​ന്‍​വ​ര്‍, മു​ഖ്യ​മ​ന്ത്രി​യു​ടെ പൊ​ളി​റ്റി​ക്ക​ല്‍ സെ​ക്ര​ട്ട​റി പി. ​ശ​ശി​ക്കും എ​ഡി​ജി​പി എം.​ആ​ര്‍. അ​ജി​ത് കു​മാറി​നും എ​തി​രേ അ​തി​രൂ​ക്ഷ​മാ​യ വി​മ​ര്‍​ശ​ന​ങ്ങ​ൾ അ​ഴി​ച്ചു​വി​ട്ട​ത്.

ആ​ഭ്യ​ന്ത​ര​വ​കു​പ്പ് വി​ശ്വ​സി​ച്ച് ഏ​ല്‍​പി​ച്ച പി. ​ശ​ശി പ​രാ​ജ​യ​മാ​ണ്. മു​ഖ്യ​മ​ന്ത്രി​യെ വി​ശ്വ​സ്ത​ര്‍ കു​ഴി​യി​ല്‍ ചാ​ടി​ക്കു​ന്നു. പൊ​ളി​റ്റി​ക്ക​ല്‍ സെ​ക്ര​ട്ട​റി​യെ​യും എ​ഡി​ജി​പി​യെ​യും മു​ഖ്യ​മ​ന്ത്രി വി​ശ്വ​സി​ച്ചാ​ണ് ചു​മ​ത​ല​ക​ള്‍ ഏ​ല്‍​പി​ച്ച​ത്. അ​വ​ര്‍ അ​ത് കൃ​ത്യ​മാ​യി ചെ​യ്തി​ല്ലെ​ന്നും അ​ന്‍​വ​ര്‍ കു​റ്റ​പ്പെ​ടു​ത്തി.

എ​ഡി​ജി​പി അ​ജി​ത് കു​മാ​റി​നെ​തി​രേ അ​തി​രൂ​ക്ഷ വി​മ​ര്‍​ശ​ന​വും അ​ഴി​മ​തി​യാ​രോ​പ​ണ​വും ഉ​ന്ന​യി​ച്ച പി.​വി. അ​ന്‍​വ​ര്‍, എ​ന്തു​കൊ​ണ്ടാ​ണ് സ​ര്‍​ക്കാ​രി​ന് ഇ​ക്കാ​ര്യ​ങ്ങ​ള്‍ മ​ന​സി​ലാ​കാ​ത്ത​തെ​ന്നു ചോ​ദി​ച്ചു. പ്ര​തി​ക​രി​ക്കാ​ന്‍ വേ​റെ വ​ഴി​യി​ല്ലെ​ന്നും അ​ദ്ദേ​ഹം തു​റ​ന്ന​ടി​ച്ചു.

എ​ഡി​ജി​പി എം.​ആ​ര്‍. അ​ജി​ത് കു​മാറി​നെ​തി​രേ​യും മ​ല​പ്പു​റം മു​ന്‍ എ​സ്പി​യും നി​ല​വി​ല്‍ പ​ത്ത​നം​തി​ട്ട എ​സ്പി​യു​മാ​യ എ​സ്. സു​ജി​ത് ദാ​സി​നെ​തി​രേ​യും അ​തീ​വ​ഗു​രു​ത​ര ആ​രോ​പ​ണ​ങ്ങ​ളാ​ണ് അ​ന്‍​വ​ര്‍ ഉ​ന്ന​യി​ച്ച​ത്. എം.​ആ​ര്‍. അ​ജി​ത് കു​മാ​ര്‍ ആ​ളു​ക​ളെ കൊ​ല്ലി​ച്ചി​ട്ടു​ണ്ട്. കൊ​ല​പാ​ത​കം ന​ട​ത്തി​ച്ചി​ട്ടു​ണ്ട്. നൊ​ട്ടോ​റി​യ​സ് ക്രി​മി​ന​ലാ​ണ് അ​ദ്ദേ​ഹം. അ​ധോ​ലോ​ക ഭീ​ക​ര​ന്‍ ദാ​വൂ​ദ് ഇ​ബ്രാ​ഹി​മി​നെ അ​ദ്ദേ​ഹം മാ​തൃ​ക​യാ​ക്കു​ന്നു​വെ​ന്നും അ​ൻ​വ​ർ പ​റ​ഞ്ഞു.