സ്കൂൾ ബസ് കനാലിലേക്ക് മറിഞ്ഞു; ഇരുപത് വിദ്യാർഥികൾക്ക് പരിക്ക്
Thursday, July 18, 2024 5:01 PM IST
പാലക്കാട്: വിദ്യാർഥികളുമായി പോയ സ്കൂൾ ബസ് കനാലിലേക്ക് മറിഞ്ഞ് ഇരുപത് വിദ്യാർഥികൾക്ക് പരിക്ക്.
എഎസ്എംഎം ഹയര്സെക്കൻഡറി സ്കൂളിന്റെ ബസാണ് ആലത്തൂർ കാട്ടുശേരിയിൽ ചേരാമംഗലം കനാലിലേക്ക് മറിഞ്ഞത്. വിദ്യാര്ഥികളെ ആലത്തൂർ താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്.
ആരുടെയും പരിക്ക് ഗുരുതരമല്ലെന്ന് സ്കൂൾ അധികൃതർ പറഞ്ഞു. പോലീസും ഫയർഫോഴ്സും സ്ഥലത്ത് എത്തി.