തിരുവനന്തപുരം: കൊങ്കൺ പാതയിൽ മണ്ണിടിഞ്ഞു വീണതിനെ തുടർന്ന് നാല് ട്രെയിനുകൾ റദ്ദാക്കിയതായും ഒരു ട്രെയിൻ വഴി വഴിതിരിച്ചു വിട്ടതായും റെയിൽവേ അറിയിച്ചു. കനത്ത മഴയെത്തുടർന്ന് രത്നഗിരി ജില്ലയിലെ വിൻഹെരെ , ദിവാൻ ഖാവതി സ്റ്റേഷനുകൾക്കിടയിലുള്ള തുരങ്കത്തിന് അടുത്താണ് മണ്ണിടിച്ചിൽ ഉണ്ടായത്.
റദ്ദാക്കിയ ട്രെയിനുകൾ
ജൂലൈ 15ന് രാവിലെ 11.40ന് ലോകമാന്യ തിലക് ടെർമിനസിൽ നിന്ന് പുറപ്പെടേണ്ടിയിരുന്ന ട്രെയിൻ നമ്പർ 16345 - ലോകമാന്യ തിലക് ടെർമിനസ് - തിരുവനന്തപുരം സെൻട്രൽ നേത്രാവതി എക്സ്പ്രസ്.
ജൂലൈ 17ന് തിരുവനന്തപുരം സെൻട്രലിൽ നിന്ന് രാവിലെ 9.15ന് പുറപ്പെടേണ്ട ട്രെയിൻ നമ്പർ - 16346 - തിരുവനന്തപുരം സെൻട്രൽ - ലോകമാന്യ തിലക് ടെർമിനസ് നേത്രാവതി എക്സ്പ്രസ്.
ജൂലൈ 15ന് ലോകമാന്യ തിലക് ടെർമിനസിൽ നിന്ന് പുറപ്പെടേണ്ട ട്രെയിൻ നമ്പർ 12201 - ലോകമാന്യ തിലക് ടെർമിനസ് - കൊച്ചുവേളി ഗരീബ്രഥ് എക്സ്പ്രസ്.
ജൂലൈ 18ന് കൊച്ചുവേളിയിൽ നിന്ന് പുറപ്പെടേണ്ട ട്രെയിൻ നമ്പർ 12202 - കൊച്ചുവേളി - ലോകമാന്യ തിലക് ഗരീബ്രഥ് എക്സ്പ്രസ് .
വഴിതിരിച്ചു വിടുന്ന റൂട്ട്
ജൂലൈ 14ന് അമൃത്സറിൽ നിന്ന് പുറപ്പെട്ട ട്രെയിൻ നമ്പർ 12484 - അമൃത്സർ - കൊച്ചുവേളി എക്സ്പ്രസ് പൻവേൽ, ലോണാവാല, പൂനെ ജംഗ്ഷൻ, മിരാജ്, ലോണ്ട വഴി തിരിച്ചുവിടുമെന്ന് റെയിൽവേ അറിയിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.