ഫൈനലിന് മുമ്പുള്ള പരിശീലനം റദ്ദാക്കി ഇന്ത്യന്‍ ടീം |

Click here for detailed news of all items

ഫൈനലിന് മുമ്പുള്ള പരിശീലനം റദ്ദാക്കി ഇന്ത്യന്‍ ടീം

Friday, June 28, 2024 3:16 PM IST

ബാര്‍ബഡോസ്: ടി20 ലോകകപ്പ് ഫൈനലിന് മുന്നോടിയായുള്ള പരീശീലന സെഷന്‍ റദ്ദാക്കി ടീം ഇന്ത്യ. താരങ്ങള്‍ക്ക് വിശ്രമം നല്‍കുന്നതിന് വേണ്ടിയാണ് നടപടിയെന്ന് ടീം മാനേജ്‌മെന്‍റ് അറിയിച്ചു.

ദക്ഷിണാഫ്രിക്കയാണ് ഫൈനലില്‍ ഇന്ത്യയുടെ എതിരാളി. ബാര്‍ബഡോസിലെ കെന്‍സിംഗ്ടണ്‍ ഓവല്‍ സ്റ്റേഡിയത്തിലാണ് മത്സരം. ഇന്ത്യന്‍ സമയമനുസരിച്ച് നാളെ രാത്രി എട്ട് മുതലാണ് മത്സരം.

ഒരാഴ്ചക്കുള്ളില്‍ നാല് മത്സരങ്ങളാണ് ടീം കളിച്ചത്. തുടര്‍ച്ചയായ മത്സരങ്ങള്‍ താരങ്ങളെ ബാധിക്കുന്നുണ്ടെന്ന കാരണത്താലാണ് പരീശീലനം ഉപേക്ഷിച്ചതെന്നാണ് സൂചന. വേണ്ട വിശ്രമം താരങ്ങള്‍ക്ക് ലഭ്യമാക്കുക എന്നതുകൊണ്ടാണ് തീരുമാനമെന്ന് ടീം മാനേജ്‌മെന്‍റ് ഐസിസിയെ അറിയിച്ചു.

വിശ്രമം റദ്ദാക്കുക മാത്രമല്ല മത്സരത്തിനു മുന്നോടിയായി നടത്തേണ്ട വാര്‍ത്താസമ്മേളനവും ടീം നേരത്തേ നടത്തി. സെമിയില്‍ ഇംഗ്ലണ്ടിനെ തോല്‍പ്പിച്ചതിന് പിന്നാലെ നടത്തിയ വാര്‍ത്താസമ്മേളനത്തിന് തൊട്ടുപിന്നാലെയാണ് കോച്ച് ദ്രാവിഡ് പ്രീമാച്ച് വാര്‍ത്താസമ്മേളനം നടത്തിയത്.

അതേസമയം, ദക്ഷിണാഫ്രിക്ക പരീശീലനം നടത്തും. പ്രാദേശിക സമയം ഉച്ചയ്ക്ക് രണ്ട് മുതല്‍ അഞ്ച് വരെയായിരിക്കും അവര്‍ പരിശീലനം നടത്തുക. ചരിത്രത്തിലാദ്യമായാണ് ദക്ഷിണാഫ്രിക്ക ലോകകപ്പ് ഫൈനലിലെത്തുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.