റോഡ് അരികിൽ നിന്ന മരം കടപുഴകി ആറ്റിലേക്ക് പതിച്ചു
Wednesday, June 26, 2024 9:19 PM IST
കോട്ടയം: കനത്ത മഴയിൽ റോഡ് അരികിൽ നിന്ന മരം കടപുഴകി ആറ്റിലേക്ക് പതിച്ചു. കുമരകം റോഡിൽ താഴത്തങ്ങാടി ഭാഗത്ത് മീനച്ചിലാറിന്റെ തീരത്തു നിന്ന മാവാണ് ആറ്റിലേക്ക് കടപുഴകി വീണത്.
വൻ മരം കടപുഴകി വീണതിനെത്തുടർന്ന് കോട്ടയം -കുമരകം റോഡിൽ വിള്ളൽ വീണ് ആറ്റിലേക്ക് മണ്ണിടിഞ്ഞു വീണു. കോട്ടയം വെസ്റ്റ് പോലീസ് സ്ഥലത്തെത്തി.
റോഡ് തകർന്നതോടെ ഇതുവഴിയുള്ള ഗതാഗതം ഭാഗീകമായി നിരോധിച്ചു.