ആ​ലു​വ: ന​ഗ​ര​മ​ധ്യ​ത്തി​ൽ​നി​ന്ന് ഇ​ത​ര സം​സ്ഥാ​ന​ക്കാ​രാ​യ മൂ​ന്ന് യു​വാ​ക്ക​ളെ ത​ട്ടി​ക്കൊ​ണ്ടു​പോ​യ​ത് നി​ധി ന​ൽ​കാ​മെ​ന്ന് പ​റ​ഞ്ഞ് ക​ബ​ളി​പ്പി​ച്ച​തി​നെ തു​ട​ർ​ന്നെ​ന്ന് സൂ​ച​ന. ത​ട്ടി​ക്കൊ​ണ്ടു​പോ​യ​വ​രു​ടെ കൈ​യി​ൽ​നി​ന്ന് ര​ക്ഷ​പ്പെ​ട്ട അ​തി​ഥി തൊ​ഴി​ലാ​ളി​ക​ൾ ആ​സാ​മി​ലേ​ക്ക് പോ​യ​താ​യി സൂ​ച​ന ല​ഭി​ച്ച​തോ​ടെ അ​ന്വേ​ഷ​ണ സം​ഘം അ​വി​ടേ​ക്ക് തി​രി​ച്ചി​ട്ടു​ണ്ട്.

പ്ര​തി​ക​ളു​ടെ മൊ​ഴി പ്ര​കാ​രം ത​ട്ടി​ക്കൊ​ണ്ടു​പോ​യ സം​ഘ​ത്തി​ലെ ഒ​രാ​ളു​ടെ ബ​ന്ധു​വി​ന്‍റെ ക​ട​യി​ലെ ജീ​വ​ന​ക്കാ​ര​നാ​ണ് ആ​സാം സ്വ​ദേ​ശി​ക​ളി​ലൊ​രാ​ൾ. ആ​സാ​മി​ലെ കി​ണ​റി​ൽ​നി​ന്ന് നി​ധി ല​ഭി​ച്ചെ​ന്ന് അ​വ​കാ​ശ​പ്പെ​ട്ട ഇ​യാ​ൾ പ​രി​ശോ​ധ​ന​യ്ക്കാ​യി പ്ര​തി​ക​ൾ​ക്ക് സ്വ​ർ​ണം ന​ൽ​കി​യ​താ​ണ് സം​ഭ​വ​ങ്ങ​ളു​ടെ തു​ട​ക്കം. യ​ഥാ​ർ​ഥ സ്വ​ർ​ണ​മെ​ന്ന് മ​ന​സി​ലാ​യ​തോ​ടെ പ്ര​തി​ക​ൾ ബാ​ക്കി ഭാ​ഗ​ത്തി​നാ​യു​ള്ള തു​ക​യും കൈ​മാ​റി.

സ്വ​ർ​ണ​ത്തി​നാ​യി അ​ഞ്ച് ല​ക്ഷം രൂ​പ ന​ൽ​കി​യെ​ങ്കി​ലും നി​ധി ല​ഭി​ച്ചി​ല്ല. പി​ന്നീ​ടാ​ണ് പ്ര​തി​ക​ൾ നി​ധി​ക്ക​ഥ കെ​ട്ടു​ക​ഥ​യാ​ണെ​ന്ന് അ​റി​ഞ്ഞ​ത്. തു​ട​ർ​ന്നാ​ണ് മൂ​വ​രെ​യും ക​ഴി​ഞ്ഞ 17ന് ​രാ​വി​ലെ റെ​യി​ൽ​വേ സ്റ്റേ​ഷ​ന് സ​മീ​പ​ത്തു​വ​ച്ച് അ​ഞ്ചം​ഗ സം​ഘം കാ​റി​ൽ ത​ട്ടി​ക്കൊ​ണ്ടു​പോ​യ​ത്. തി​രു​വ​ന​ന്ത​പു​ര​ത്തു​വ​ച്ച് വാ​ഹ​നം ഉ​പേ​ക്ഷി​ച്ച് പ്ര​തി​ക​ൾ ക​ട​ന്നു.

സം​ഭ​വ​വു​മാ​യി ബ​ന്ധ​പ്പെ​ട്ട് മൂ​ന്ന് പേ​രാ​ണ് ക​സ്റ്റ​ഡി​യി​ലു​ള്ള​ത്. പോ​ലീ​സി​ൽ പ​രാ​തി ന​ൽ​കാ​തെ ഇ​ത​ര​സം​സ്ഥാ​ന​ത്തൊ​ഴി​ലാ​ളി​ക​ൾ ആ​സാ​മി​ലേ​ക്കും ക​ട​ന്നി​രി​ക്കു​ക​യാ​ണ്.