മും​ബൈ: അ​ഞ്ച് കി​രീ​ട​ങ്ങ​ളു​ടെ ത​ല​പ്പൊ​ക്ക​വു​മാ​യി വാ​ങ്ക​ഡേ​യു​ടെ മാ​ന​സ​പു​ത്ര​നാ​യി വി​ല​സി​യ കെ​യ്റ​ൺ പൊ​ള്ളാ​ർ​ഡ് ഇന്ത്യ​ൻ പ്രീ​മി​യ​ർ ലീ​ഗി​ൽ നി​ന്ന് വി​ര​മി​ച്ചു.

പ്ലേ​യിം​ഗ് ഇ​ല​വ​നി​ൽ നി​ന്ന് എ​ന്നേ​ക്കു​മാ​യി വി​ട പ​റ​ഞ്ഞെ​ങ്കി​ലും മും​ബൈ വി​ടി​ല്ലെ​ന്ന് വ്യ​ക്ത​മാ​ക്കി​യ പൊ​ള്ളാ​ർ​ഡ് ടീ​മി​ന്‍റെ ബാ​റ്റിം​ഗ് പ​രി​ശീ​ല​ക സ്ഥാ​നം അ​ല​ങ്ക​രി​ക്കും. അ​റ​ബി​ക്ക​ട​ലി​ന​ക്ക​രെ ആ​രം​ഭി​ക്കു​ന്ന യു​എ​ഇ ട്വ​ന്‍റി-20 ലീ​ഗി​ലെ എം​ഐ എ​മി​രേ​റ്റ്സ് ടീ​മി​നാ​യി പോ​രി​നി​റ​ങ്ങു​മെ​ന്നും​ താ​രം വ്യ​ക്ത​മാ​ക്കി.

മും​ബൈ​യ്ക്കാ​യി 171 മ​ത്സ​ര​ങ്ങ​ളി​ൽ നി​ന്ന് 3412 റ​ൺ​സും 69 വി​ക്ക​റ്റും നേ​ടി​യ പൊ​ള്ളാ​ർ​ഡ് ടീ​മി​ന്‍റെ അ​ഞ്ച് ഐ​പി​എ​ൽ കി​രീ​ട നേ​ട്ട​ങ്ങ​ളി​ലും രണ്ട് ചാന്പ്യൻസ് ലീഗ് വിജയങ്ങളിലും പ​ങ്കാ​ളി​യാ​യ താ​ര​മാ​ണ്. 2010-ൽ ​നാ​ല് ടീ​മു​ക​ൾ ന​ട​ത്തി​യ വാ​ശി​യേ​റി​യ ലേ​ലം വി​ളി​ക്ക് ശേ​ഷം സീ​ൽ ചെ​യ്ത ബ്ലാ​ങ്ക് ചെ​ക്കി​ൽ രേ​ഖ​പ്പെ​ടു​ത്തി​യ ഉ​യ​ർ​ന്ന തു​ക​യു​ടെ അ​ടി​സ്ഥാ​ന​ത്തി​ലാ​ണ് പൊ​ള്ളാ​ർ​ഡ് മും​ബൈ ഇ​ന്ത്യ​ൻ​സി​ലെ​ത്തി​യ​ത്.

ഐ​പി​എ​ൽ ക​രി​യ​റി​ൽ ഒ​രു ടീ​മി​ന് വേ​ണ്ടി മാ​ത്രം മ​ത്സ​രി​ച്ച താ​ര​മെ​ന്ന റി​ക്കാ​ർ​ഡി​ന് ഉ​ട​മ​ക​ളാ​യ അ​പൂ​ർ​വം താ​ര​ങ്ങ​ളി​ലൊ​രാ​ളാ​ണ് പൊ​ള്ളാ​ർ​ഡ്. മും​ബൈ ആ​ദ്യ ഐ​പി​എ​ൽ കി​രീ​ടം നേ​ടി​യ 2013 സീ​സ​ണി​ലെ ചെ​ന്നൈ സൂ​പ്പ​ർ കിം​ഗ്സി​നെ​തി​രാ​യ ഫൈ​ന​ലി​ൽ പ്ലേ​യ​ർ ഓ​ഫ് ദ ​മാ​ച്ച് ആ​യി​രു​ന്ന താ​രം കൂ​ടി​യാ​ണ് പൊ​ള്ളാ​ർ​ഡ്.

13 സീ​സ​ണു​ക​ളി​ലാ​യി ത​ന്നെ സ്നേ​ഹി​ച്ച ആ​രാ​ധ​ക​ർ​ക്കും പി​ന്തു​ണ ന​ൽ​കി​യ ‌ടീം ​ഉ​ട​മ​ക​ൾ​ക്കും ന​ന്ദി അ​റി​യി​ച്ച താ​രം, താ​ൻ മും​ബൈ​യ്ക്കെ​തി​രെ ഒ​രി​ക്ക​ലും മ​ത്സ​രി​ക്കി​ല്ലെ​ന്നും വ്യ​ക്ത​മാ​ക്കി.

2022 സീസണിൽ മോശം ഫോം മൂലം പല മത്സരങ്ങളിൽ നിന്നും പൊള്ളാർഡിനെ ഒഴിവാക്കിയ മുംബൈ, 2023 സീസണിൽ നിലനിർത്തുന്ന താരങ്ങളുടെ പട്ടികയിൽ അദേഹത്തിന്‍റെ പേര് ഉൾപ്പെടുത്തിയിട്ടില്ലെന്ന അഭ്യൂഹങ്ങൾക്കിടെയാണ് പുതിയ പ്രഖ്യാപനം.