പ​യ്യ​ന്നൂ​ർ: കു​ഞ്ഞി​മം​ഗ​ല​ത്തു നി​ന്ന് കാ​ണാ​താ​യ 13 വ​യ​സു​കാ​രി​യെ ക​ണ്ടെ​ത്താ​ൻ അ​ന്വേ​ഷ​ണം ഊ​ർ​ജി​ത​മാ​ക്കി. കു​ഞ്ഞി​മം​ഗ​ലം തെ​ക്കു​മ്പാ​ട് പു​തി​യ പു​ഴ​ക്ക​രയിൽ താ​മ​സി​ക്കു​ന്ന ക​ർ​ണാ​ട​ക സ്വ​ദേ​ശി​യു​ടെ മ​ക​ളെ​യാ​ണ് കാ​ണാ​താ​യ​ത്.

വ്യാ​ഴാ​ഴ്ച പു​ല​ർ​ച്ചെ മൂ​ന്നോ​ടെ​യാ​ണ് കു​ട്ടി​യെ കാ​ണാ​താ​യ​ത്. ബ​ന്ധു​വാ​യ യു​വാ​വാ​ണ് കു​ട്ടി​യെ ത​ട്ടി​ക്കൊ​ണ്ടു​പോ​യ​തെ​ന്ന് സം​ശ​യി​ക്കു​ന്ന​താ​യു​ള്ള പ​രാ​തി​യി​യി​ൽ പ​റ​യു​ന്നു. ഇ​യാ​ൾ ത​ള്ളി​ക്കൊ​ണ്ടു പോ​കു​ന്ന സ്കൂ​ട്ട​റി​ന് പി​ന്നാ​ലെ ന​ട​ന്നു പോ​കു​ന്ന പെ​ൺ​കു​ട്ടി​യു​ടെ സി​സി ടി​വി ദൃ​ശ്യം പോ​ലീ​സി​ന് ല​ഭി​ച്ചി​രു​ന്നു.

പെ​ൺ​കു​ട്ടി​യു​മാ​യി ക​ർ​ണാ​ട​ക ര​ജി​സ്ട്രേ​ഷ​നി​ലു​ള്ള സ്കൂ​ട്ട​റി​ൽ ക​ർ​ണാ​ട​ക​യി​ലേ​ക്ക് ക​ട​ക്കാ​നു​ള്ള സാ​ധ്യ​ത ക​ണ​ക്കി​ലെ​ടു​ത്ത് ക​ർ​ണാ​ട​കയുമായി അ​തി​ർ​ത്തി പ​ങ്കി​ടു​ന്ന പ്ര​ധാ​ന​റോ​ഡു​ക​ളി​ൽ പോ​ലീ​സി​നെ വി​ന്യ​സി​ച്ചി​രു​ന്നു.

രാ​ജ​പു​രം, ആ​ദൂ​ർ, ബ​ദി​യ​ഡു​ക്ക, മ​ഞ്ചേ​ശ്വ​രം പോ​ലീ​സ് സ്റ്റേ​ഷ​നു​ക​ൾ​ക്ക് ജാ​ഗ്ര​ത നി​ർ​ദേ​ശം ന​ൽ​കി​യ​തി​നെ തു​ട​ർ​ന്നാ​യി​രു​ന്നു സ്കൂ​ട്ട​ർ ക​ണ്ടെ​ത്താ​നു​ള്ള ശ്ര​മം ന​ട​ത്തി​യ​ത്. ഇ​യാ​ളെ ബ​ന്ധ​പ്പെ​ടാ​ൻ ശ്ര​മി​ച്ചി​ട്ടും ഇ​യാ​ളു​ടെ ഫോ​ൺ സ്വി​ച്ച്ഓ​ഫു​മാ​യി​രു​ന്നു.

മീ​ൻ​പി​ടി​ത്ത​ത്തി​നാ​യി ക​ർ​ണാ​ട​ക​ത്തി​ൽ നി​ന്നും കേ​ര​ള​ത്തി​ലെ​ത്തി​യ കു​ടും​ബം ആ​റു​വ​ർ​ഷ​മാ​യി കു​ഞ്ഞി​മം​ഗ​ല​ത്താ​ണ് താ​മ​സം.