ശബരിമലയില് ഓണ്ലൈന് ബുക്കിംഗ് മാത്രം; ഒരു ദിവസം 80,000 പേര്ക്ക് ദര്ശനം
Saturday, October 5, 2024 5:42 PM IST
തിരുവനന്തപുരം: മണ്ഡല - മകരവിളക്ക് മഹോത്സവ കാലത്ത് ശബരിമലയില് ഓണ്ലൈന് ബുക്കിംഗ് മാത്രമാക്കാൻ തീരുമാനം. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന അവലോകന യോഗത്തിലാണ് തീരുമാനം. ഒരു ദിവസം പരമാവധി 80,000 പേര്ക്ക് ദര്ശന സൗകര്യം ഒരുക്കും.
നിലക്കലിലും എരുമേലിയിലും പാര്ക്കിംഗിന് കൂടുതല് സൗകര്യം ഏര്പ്പെടുത്തും. ശബരിമലയിലേക്കുള്ള റോഡുകളുടെയും പാര്ക്കിംഗ് ഗ്രൗണ്ടുകളുടെയും അറ്റകുറ്റ പണികള് ഉടന് പൂര്ത്തിയാക്കും. വിശുദ്ധി സേനാംഗങ്ങള്ക്ക് ആരോഗ്യ പരിശോധന നടത്തുകയും ആവശ്യമായ പരിശീലനം ഉറപ്പാക്കും.
ശബരി ഗസ്റ്റ് ഹൗസ് അറ്റകുറ്റപ്പണി ഈ മാസം 31നകം പൂര്ത്തിയാക്കും. വെര്ച്ച്വല് ക്യൂ ബുക്കിംഗ് സമയത്ത് തന്നെ യാത്രാ വഴി തെരഞ്ഞെടുക്കാനുള്ള അവസരം ഒരുക്കും. അതുവഴി തീർഥാടകര്ക്ക് തിരക്ക് കുറഞ്ഞ യാത്രാ വഴി തെരഞ്ഞെടുക്കാനാവും. കാനന പാതയില് ഭക്തര്ക്ക് ആവശ്യമായ സൗകര്യം ഒരുക്കാനും തീരുമാനിച്ചു.