ഭീകരതയ്‌ക്കെതിരായി ഇന്ത്യ ഐക്യത്തോടെ നിലകൊള്ളുന്നു: മുകേഷ് അംബാനി
Friday, May 9, 2025 11:49 PM IST
കൊച്ചി: ഭീകരതയുടെ എല്ലാ രൂപങ്ങള്‍ക്കും എതിരായി ഇന്ത്യ ഐക്യമായി, ദൃഢനിശ്ചയത്തോടെ നിലകൊള്ളുന്നുവെന്ന് റിലയന്‍സ് ഇന്‍ഡസ്ട്രീസ് ലിമിറ്റഡ് ചെയര്‍മാന്‍ ആന്‍ഡ് മാനേജിംഗ് ഡയറക്ടര്‍ മുകേഷ് ഡി. അംബാനി.
‘ഓപ്പറേഷന്‍ സിന്ദൂരി’ല്‍ നമ്മുടെ സായുധ സേനയെ ഓര്‍ത്ത് വളരെ അഭിമാനമുണ്ട്. പ്രധാനമന്ത്രി നരേന്ദ്ര മോദിയുടെ ധീരവും നിര്‍ണായകവുമായ നേതൃത്വത്തില്‍ അതിര്‍ത്തിക്കപ്പുറത്തുനിന്നുള്ള എല്ലാ പ്രകോപനങ്ങള്‍ക്കെതിരേയും ഇന്ത്യന്‍ സായുധസേന കൃത്യതയോടും ശക്തിയോടുംകൂടി പ്രതികരിച്ചു.
ഭീകരതയുടെ മുന്നില്‍ ഇന്ത്യ ഒരിക്കലും മൗനമായിരിക്കില്ല. രാജ്യത്തിന്‍റെ ഐക്യവും അഖണ്ഡതയും സംരക്ഷിക്കുന്നതിനുള്ള ഏതൊരു നടപടിക്കും റിലയന്‍സ് കുടുംബം പിന്തുണ നല്‍കാന്‍ സന്നദ്ധമാണെന്നും അദ്ദേഹം പ്രസ്താവനയില്‍ അറിയിച്ചു.