അഗ്നിരക്ഷാസേനയെത്തി വീട്ടിലെ തീ കെടുത്തുന്പോഴും ജനക്കൂട്ടം ആക്രമണം തുടരുന്നതിന്റെ ദൃശ്യങ്ങളും വീഡിയോയിലുണ്ട്. സ്ഥലത്ത് കൂടുതൽ പോലീസ് സംഘത്തെ വിന്യസിച്ചതായി സാർഗൊധാ ജില്ലാ പോലീസ് സൂപ്രണ്ട് ആസാദ് ഇജാസ് മാൽഹി പറഞ്ഞു. പ്രദേശത്തെ രണ്ട് ക്രിസ്ത്യൻ കുടുംബങ്ങളെ മാറ്റിപ്പാർപ്പിച്ചതായും അദ്ദേഹം അറിയിച്ചു.
അതേസമയം, പാക്കിസ്ഥാൻ എല്ലാവർക്കും അവകാശപ്പെട്ടതാണെന്നും മതത്തിന്റെ മറവിൽ ഒരു അനീതിയും വച്ചുപൊറുപ്പിക്കില്ലെന്നും പഞ്ചാബ് പ്രവിശ്യ ആഭ്യന്തര സെക്രട്ടറി നൂർ അൽ അമീൻ മെംഗൽ വ്യക്തമാക്കി.
കുറ്റവാളികൾക്കെതിരേ നിയമപ്രകാരം നടപടിയെടുക്കുമെന്നും വിപുലമായ അന്വേഷണസംഘത്തെ നിയോഗിച്ചിട്ടുണ്ടെന്നും അദ്ദേഹം അറിയിച്ചു. ഏതെങ്കിലും തരത്തിൽ ശത്രുതയുള്ള ന്യൂനപക്ഷ വിഭാഗക്കാരെ മനഃപൂർവം മതനിന്ദക്കുറ്റം ആരോപി ച്ച് ആക്രമിക്കുന്നത് പാക്കിസ്ഥാനിൽ പതിവാണ്.