രാജ്യാന്തര തൊഴിലവസരങ്ങൾ: പുതിയ കോഴ്‌സുകള്‍ ആരംഭിക്കുമെന്ന് കാത്തലിക് എൻജിനിയറിംഗ് കോളജ് അസോ. : Deepika.com Kerala News |

Click here for detailed news of all items

രാജ്യാന്തര തൊഴിലവസരങ്ങൾ: പുതിയ കോഴ്‌സുകള്‍ ആരംഭിക്കുമെന്ന് കാത്തലിക് എൻജിനിയറിംഗ് കോളജ് അസോ.

Wednesday, April 17, 2024 5:30 AM IST

കൊച്ചി: മാറിയ കാലഘട്ടത്തിലെ സാങ്കേതിക മാറ്റങ്ങള്‍ക്കനുസരിച്ച് രാജ്യാന്തരതലത്തില്‍ കൂടുതല്‍ തൊഴിലവസരങ്ങള്‍ സാധ്യമാകുന്ന പുതിയ കോഴ്‌സുകള്‍ എഐസിടിഇ മാനദണ്ഡങ്ങളനുസരിച്ച് ആരംഭിക്കുമെന്ന് കേരള കാത്തലിക് എൻജിനിയറിംഗ് കോളജ് മാനേജ്‌മെന്‍റ്സ് അസോസിയേഷന്‍.

രാജ്യാന്തര പ്രശസ്തമായ വിവിധ യൂണിവേഴ്‌സിറ്റികളുമായി സഹകരണം, വ്യവസായ സ്ഥാപനങ്ങളിലെ തൊഴിലവസരങ്ങൾക്കുള്ള പദ്ധതികള്‍, സമർഥരായ വിദ്യാര്‍ഥികള്‍ക്ക് സ്‌കോളര്‍ഷിപ്പുകള്‍, എൻജിനിയറിംഗ് കോളജുകളോടനുബന്ധിച്ചു കൂടുതല്‍ സ്റ്റാര്‍ട്ടപ്പുകള്‍ എന്നിവ ഈ വര്‍ഷത്തെ പ്രവര്‍ത്തനങ്ങളിൽ ഉൾപ്പെടുത്താനും കാക്കനാട് രാജഗിരി സ്‌കൂള്‍ ഓഫ് എൻജിനിയറിംഗ് ആൻഡ് ടെക്‌നോളജിയില്‍ നടന്ന അസോസിയേഷൻ സമ്മേളനം തീരുമാനിച്ചു.

പ്രസിഡന്‍റ് റവ. ഡോ. മാത്യു പായിക്കാട്ട് അധ്യക്ഷത വഹിച്ചു. വിവിധ നൂതന വിദ്യാഭ്യാസ പദ്ധതികള്‍ക്ക് സമ്മേളനം രൂപം നൽകി. നാക്, എബിഎ അക്രഡിറ്റേഷനും സ്വയംഭരണവും നേടിയ അസോസിയേഷനിലെ വിവിധ കോളജുകളെ സമ്മേളനം അഭിനന്ദിച്ചു.

സെക്രട്ടറി റവ. ഡോ. ജോസ് കുറിയേടത്ത് മുഖ്യപ്രഭാഷണവും എക്സിക്യൂട്ടീവ് സെക്രട്ടറി ഷെവ. അഡ്വ. വി.സി. സെബാസ്റ്റ്യന്‍ വിഷയാവതരണവും നടത്തി.

വൈസ് പ്രസിഡന്‍റ് ഫാ. ജോണ്‍ വര്‍ഗീസ്, ട്രഷറര്‍ ഫാ. റോയി വടക്കന്‍, മോൺ. തോമസ് കാക്കശേരി, റവ. ഡോ. ജോസ് കണ്ണമ്പുഴ, ഫാ. ജെയിംസ് ചെല്ലങ്കോട്ട്, ഫാ. പോള്‍ പറത്താഴ, ഫാ. ജോണ്‍ പാലിയക്കര, ഫാ. എ.ആര്‍. ജോണ്‍, ഫാ. ജസ്റ്റിന്‍ ആലങ്കല്‍ എന്നിവര്‍ പ്രസംഗിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.