ഹി​ന്ദു പ​രാ​മ​ര്‍​ശം: രാ​ഹു​ല്‍ പ​റ​ഞ്ഞ​തി​ല്‍ ചി​ല​ത് സ​ഭാ​രേ​ഖ​ക​ളി​ല്‍​നി​ന്ന് നീ​ക്കി
Tuesday, July 2, 2024 10:05 AM IST
ന്യൂ​ഡ​ൽ​ഹി: പ്ര​തി​പ​ക്ഷ നേ​താ​വ് രാ​ഹു​ല്‍ ഗാ​ന്ധി​യു​ടെ ചി​ല പ​രാ​മ​ര്‍​ശ​ങ്ങ​ള്‍ സ​ഭാ​രേ​ഖ​ക​ളി​ല്‍​നി​ന്ന് നീ​ക്കി. തി​ങ്ക​ളാ​ഴ്ച രാ​ഹു​ൽ ലോ​ക്സ​ഭ​യി​ൽ ന​ട​ത്തി​യ ചി​ല പ​രാ​മ​ര്‍​ശ​ങ്ങ​ള്‍​ക്കെ​തി​രേ ബി​ജെ​പി എം​പി​മാ​ര്‍ സ്പീ​ക്ക​റെ ക​ണ്ട് പ​രാ​തി അ​റി​യി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് ന​ട​പ​ടി.

ഹി​ന്ദു​ക്ക​ള്‍ എ​ന്ന് അ​വ​കാ​ശ​പ്പെ​ടു​ന്ന​വ​ര്‍ അ​ക്ര​മം ന​ടത്തുന്നു എ​ന്ന​ത​ട​ക്ക​മു​ള്ള പ​രാ​മ​ര്‍​ശ​ങ്ങ​ളാ​ണ് നീ​ക്കി​യ​ത്. ആ​ര്‍​എ​സ്എ​സ് അല്ല ഹി​ന്ദു​ക്ക​ള്‍ എ​ന്ന പ​രാ​മ​ര്‍​ശ​വും നീ​ക്കി.

ഹി​ന്ദു​വെ​ന്ന് അ​വ​കാ​ശ​പ്പെ​ടു​ന്ന​വ​ർ വെ​റു​പ്പ് പ​റ​യു​ന്നെ​ന്ന​ട​ക്കം പ​റ​ഞ്ഞാ​ണ് രാ​ഹു​ൽ തി​ങ്ക​ളാ​ഴ്ച ബി​ജെ​പി​യെ ക​ട​ന്നാ​ക്ര​മി​ച്ച​ത്. നി​ങ്ങ​ൾ ഹി​ന്ദു​വ​ല്ല. ബി​ജെ​പി​യും ആ​ർ​എ​സ്എ​സും ഹി​ന്ദു​ക്ക​ളെ പ്ര​തി​നി​ധീ​ക​രി​ക്കു​ന്നി​ല്ലെ​ന്നു​മു​ള്ള പ​രാ​മ​ർ​ശ​മാ​ണ് ഭ​ര​ണ​പ​ക്ഷ​ത്തെ ചൊ​ടി​പ്പി​ച്ച​ത്.

പ്ര​സം​ഗ​ത്തി​ൽ ഇ​ട​പെ​ട്ട പ്ര​ധാ​ന​മ​ന്ത്രി ന​രേ​ന്ദ്ര​മോ​ദി ഹി​ന്ദു​ക്ക​ളെ അ​ക്ര​മി​ക​ളെ​ന്ന് വി​ളി​ച്ച​ത് ഗൗ​ര​വ​ത​ര​മെ​ന്ന് തി​രി​ച്ച​ടി​ച്ചു. താ​ൻ ഹി​ന്ദു​ക്ക​ളെ​യ​ല്ല, ന​രേ​ന്ദ്ര​മോ​ദി​യെ​യും ബി​ജെ​പി​യെ​യു​മാ​ണ് വി​മ​ർ​ശി​ച്ച​തെ​ന്നും ഹി​ന്ദു​വെ​ന്നാ​ൽ ബി​ജെ​പി​യ​ല്ലെ​ന്നു​മാ​യി​രു​ന്നു രാ​ഹു​ലി​ന്‍റെ മ​റു​പ​ടി. രാ​ഹു​ൽ മാ​പ്പ് പ​റ​യു​ന്ന​ണ​മെ​ന്ന് ആ​ഭ്യ​ന്ത​ര​മ​ന്ത്രി അ​മി​ത് ഷാ​യും ആ​വ​ശ്യ​പ്പെ​ട്ടി​രു​ന്നു.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക





Copyright @ 2022 , Rashtra Deepika Ltd.