പൈ​നാ​വി​ൽ അജ്ഞാതർ ര​ണ്ടു വീ​ടു​ക​ൾ​ക്ക് തീ​യി​ട്ടു
Sunday, June 16, 2024 6:50 AM IST
ഇ​ടു​ക്കി: പൈ​നാ​വി​ൽ ര​ണ്ടു വീ​ടു​ക​ൾ​ക്ക് തീ​യി​ട്ടു. കൊ​ച്ചു​മ​ല​യി​ൽ അ​ന്ന​ക്കു​ട്ടി, മ​ക​ൻ ജി​ൻ​സ് എ​ന്നി​വ​ർ താ​മ​സി​ക്കു​ന്ന വീ​ടു​ക​ൾ​ക്കാ​ണ് തീ​യി​ട്ട​ത്. പു​ല​ർ​ച്ചെ 3.30 ഓ​ടെ പൈ​നാ​വ് 56 കോ​ള​നി​യി​ലാ​ണ് സം​ഭ​വം.

ഒ​രു വീ​ട് അ​ന്ന​ക്കു​ട്ടി​യു​ടെ​യും മ​ക​ൻ ലി​ൻ​സി​ന്‍റേ​തു​മാ​ണ്. തൊ​ട്ട​ടു​ത്ത് മറ്റൊരു മ​ക​ൻ ജി​ൻ​സ് വാ​ട​ക​യ്ക്ക് താ​മ​സി​ക്കു​ന്ന വീ​ടു​മാ​ണു​ള്ള​ത്. അ​ന്ന​ക്കു​ട്ടി​യു​ടെ​യും ലി​ൻ​സി​ന്‍റെ​യും വീ​ട് പൂ​ർ​ണ​മാ​യി ക​ത്തി ന​ശി​ച്ചു. ജി​ൻ​സ് താ​മ​സി​ക്കു​ന്ന വീ​ട് ഭാ​ഗീ​ക​മാ​യി ക​ത്തി​ന​ശി​ച്ചു.

സം​ഭ​വ​സ​മ​യം വീ​ടുകളിൽ ആ​രു​മു​ണ്ടാ​യി​രു​ന്നി​ല്ല. തീപിടിക്കുന്നത് കണ്ട് നാ​ട്ടു​കാ​രാ​ണ് ഫ​യ​ർ​ഫോ​ഴ്സി​നെ​യും പോ​ലീ​സി​നെ​യും വി​വ​ര​മ​റി​യി​ച്ച​ത്. പെ​ട്രോ​ളി​ൽ മു​ക്കി​യ പ​ന്തം ക​ത്തി​ച്ച് വീ​ടി​നു​ള്ളി​ലേ​ക്ക് എ​റി​ഞ്ഞ് ക​ത്തി​ക്കു​ക​യാ​യി​രു​ന്നു​വെ​ന്നാ​ണ് പ്രാ​ഥ​മി​ക നി​ഗ​മ​നം.

ക​ഴി​ഞ്ഞ ദി​വ​സം അ​ന്ന​ക്കു​ട്ടി (62), മ​ക​ൻ ലി​ൻ​സി​ന്‍റെ മ​ക​ൾ ലി​യ (ര​ണ്ട​ര) എ​ന്നി​വ​രെ മ​ക​ളു​ടെ ഭ​ർ​ത്താ​വ് പെ​ട്രോ​ൾ ഒ​ഴി​ച്ച് തീ ​കൊ​ളു​ത്തി​യി​രു​ന്നു. അ​ന്ന​ക്കു​ട്ടി​യു​ടെ മ​ക​ൾ പ്രി​ൻ​സി​യു​ടെ ഭ​ർ​ത്താ​വ് ക​ഞ്ഞി​ക്കു​ഴി നി​ര​പ്പി​ൽ സ​ന്തോ​ഷാ​ണ് (45) തീ ​കൊ​ളു​ത്തി​യ​ത്.

സം​ഭ​വ​ത്തി​ന് ശേ​ഷം സ​ന്തോ​ഷ്, ആ​ദ്യ വി​വാ​ഹ​ത്തി​ലെ കു​ട്ടി​യെ സ​ഹോ​ദ​ര​ൻ സു​ഗ​ത​ന്‍റെ വീ​ട്ടി​ലാ​ക്കി ഫോ​ൺ ഉ​പേ​ക്ഷി​ച്ച് ഒ​ളി​വി​ൽ പോ​വു​ക​യാ​യി​രു​ന്നു. പൊ​ള്ള​ലേ​റ്റ അ​ന്ന​ക്കു​ട്ടി​യെ​യും ലി​യ​യെ​യും ഇ​ടു​ക്കി മെ​ഡി​ക്ക​ൽ കോ​ള​ജി​ൽ പ്രാ​ഥ​മി​ക ചി​കി​ത്സ ന​ൽ​കി​യ ശേ​ഷം കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക് മാറ്റി.

ഇ​റ്റ​ലി​യി​ൽ ന​ഴ്സാ​യി ജോ​ലി ചെ​യ്യു​ന്ന സ​ന്തോ​ഷി​ന്‍റെ ഭാ​ര്യ പ്രി​ൻ​സി​യെ തി​രി​ച്ച് വി​ളി​ക്ക​ണ​മെ​ന്നും ഭാ​ര്യ​യു​ടെ ശ​മ്പ​ളം ത​നി​ക്ക് ന​ൽ​ക​ണ​മെ​ന്നും സ​ന്തോ​ഷ് അ​ന്ന​ക്കു​ട്ടി​യോ​ട് ആ​വ​ശ്യ​പ്പെ​ട്ടു. ഈ ​സ​മ​യം പേ​ര​ക്കു​ട്ടി​യാ​യ ലി​യ​യെ കൈ​യി​ൽ എ​ടു​ത്ത് വീ​ടി​നു​ള്ളി​ലി​രു​ന്ന അ​ന്ന​ക്കു​ട്ടി ഇ​തി​നെ എ​തി​ർ​ത്തു.
‌
പെ​ട്ടെ​ന്ന് ത​ന്നെ സ​ന്തോ​ഷ് വീ​ടി​ന​ക​ത്ത് ക​യ​റി അ​ന്ന​ക്കു​ട്ടി​യു​ടെ ദേ​ഹ​ത്ത് പെ​ട്രോ​ൾ ഒ​ഴി​ച്ച ശേ​ഷം തീ ​കൊ​ളു​ത്തു​ക​യാ​യി​രു​ന്നു. അ​ന്ന​ക്കു​ട്ടി​യു​ടെ മു​ഖ​ത്തും നെ​ഞ്ച​ത്തും 40 ശ​ത​മാ​നം പൊ​ള്ള​ലേ​റ്റി​ട്ടു​ണ്ട്. കു​ട്ടി​യ്ക്ക് 20 ശ​ത​മാ​ന​വും പൊ​ള്ള​ലു​ണ്ട്.

ഈ സംഭവത്തിന് പിന്നാലെ അ​ന്ന​ക്കു​ട്ടി​യു​ടെ ബ​ന്ധു​ക്ക​ൾ സ​ന്തോ​ഷി​ന്‍റെ സ​ഹോ​ദ​ര​ൻ സു​ഗ​തൻ ചെ​റു​തോ​ണി​യി​ൽ ന​ട​ത്തു​ന്ന അ​മ്പാ​ടി ഹോ​ട്ട​ൽ അ​ടി​ച്ച് ത​ക​ർ​ത്തി​രു​ന്നു.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക






Copyright @ 2022 , Rashtra Deepika Ltd.