കൽപ്പറ്റ: ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പ് പ്രസിദ്ധീകരിച്ച ’കേരളം ലോക്സഭയിൽ തെരഞ്ഞെടുപ്പ് ചരിത്രം 1952 - 2019’ പുസ്തകം പ്രകാശനം ചെയ്തു.
ജില്ലാ കളക്ടർ ഡോ. രേണുരാജ്, തെരഞ്ഞെടുപ്പ് പൊതു നിരീക്ഷകൻ നികുഞ്ച് കുമാർ ശ്രീവാസ്തവ, ചെലവ് നിരീക്ഷകൻ കൈലാസ് പി. ഗെയ്ക് വാദ് എന്നിവർ ചേർന്നാണ് പുസ്തകം പ്രകാശനം ചെയ്തത്. 1952 മുതൽ 2019 വരെയുള്ള ലോക്സഭ തെരഞ്ഞെടുപ്പ് ചരിത്രമാണ് പുസ്തകത്തിൽ ഉൾപ്പെടുത്തിയിരിക്കുന്നത്.
തെരഞ്ഞെടുപ്പ് അടിസ്ഥാന വിവരങ്ങൾ, മാതൃകാ പെരുമാറ്റചട്ടം, ഹരിതചട്ടം മാർഗരേഖ, ദേശീയപാർട്ടികൾ, സംസ്ഥാനങ്ങളിലെ സീറ്റുകൾ, ഇന്ത്യൻപ്രധാനമന്ത്രിമാർ, ലോക്സഭയിലെ കേരളം, തെരഞ്ഞെടുപ്പിലെ മുഖ്യമന്ത്രിമാർ, ദേശീയ പാർട്ടികളുടെ പ്രകടനം, 2024 ലോക്സഭ തെരഞ്ഞെടുപ്പിലെ സ്ഥാനാർഥികൾ, എന്നിവയാണ് പുസ്തകത്തിന്‍റെ ഉള്ളടക്കം. കളക്ടറേറ്റിൽ നടന്ന പരിപാടിയിൽ എഡിഎം കെ. ദേവകി, മാനന്തവാടി സബ് കളക്ടർ മിസാൽ സാഗർ ഭരത്, മലപ്പുറം അസിസ്റ്റന്‍റ് കളക്ടർ സുമിത് കുമാർ ഠാക്കൂർ, അസിസ്റ്റന്‍റ് റിട്ടേണിംഗ് ഓഫീസർമാർ, ഉദ്യോഗസ്ഥർ എന്നിവർ പങ്കെടുത്തു.