കാ​ട്ടാ​ന​യു​ടെ വി​ള​യാ​ട്ടം : പാ​ല​ക്ക​യം, വാ​ക്കോ​ട​ന്‍, കാ​ഞ്ഞി​ര​പ്പു​ഴ പ്ര​ദേ​ശ​ങ്ങ​ളി​ല്‍ വ്യാ​പ​ക നാ​ശ​ന​ഷ്ടം
Tuesday, February 25, 2020 12:38 AM IST
പാലക്കയം: പാ​ല​ക്ക​യം മ​ല​യോ​ര​മേ​ഖ​ല​യെ വി​റ​പ്പി​ച്ചു​ള്ള കാ​ട്ടാ​ന​യു​ടെ വി​ള​യാ​ട്ട​ത്തി​ല്‍ പാ​ല​ക്ക​യം, വാ​ക്കോ​ട​ന്‍, കാ​ഞ്ഞി​ര​പ്പു​ഴ പ്ര​ദേ​ശ​ങ്ങ​ളി​ല്‍ വ്യാ​പ​ക നാ​ശ​ന​ഷ്ടം. കാ​ട്ടാ​ന ഒ​രാളെ തുന്പിക്കൈ​കൊണ്ട് അ​ടി​ക്കു​ക​യും കി​ണ​റി​ന്‍റെ ആ​ള്‍​മ​റ ത​ക​ര്‍​ക്കു​ക​യും ചെ​യ്തു. തു​ട​ര്‍​ന്ന് കാ​റും സ്‌​കൂ​ട്ട​റും ന​ശി​പ്പി​ച്ചു. ആ​ന​യു​ടെ അ​ടി​യേ​റ്റ മു​ഹ​മ്മ​ദു​കു​ട്ടി​ക്കു ത​ല​നാ​രി​ഴ​യ്ക്കാ​ണ് ജീ​വ​ന്‍ തി​രി​ച്ചു കി​ട്ടി​യ​ത്.

ഇ​ന്ന​ലെ രാ​വി​ലെ ഏ​ഴി​നാ​ണ് കാ​ഞ്ഞി​ര​പ്പു​ഴ പി​ച്ച​ള​മു​ണ്ട​യി​ല്‍ നാ​ട്ടു​കാ​ര്‍ കാ​ട്ടാ​ന​യെ ക​ണ്ട​ത്. കാ​ഞ്ഞി​ര​പ്പു​ഴ കൂ​മ്പാ​ട​ത്തു​നി​ന്നും പു​ളി​ക്ക​ല്‍ സ്‌​കൂ​ളി​ന് പി​റ​കി​ലൂ​ള്ള ക്വാ​ര്‍​ട്ടേ​ഴ്‌​സ് വ​ഴി എ​ത്തി​യ കാ​ട്ടാ​ന മാ​ട്ടു​മ്മ​ലി​ല്‍ സ്‌​കൂട്ട​ര്‍ ആ​ക്ര​മി​ക്കാ​ന്‍ ഒ​രു​ങ്ങി. എ​ന്നാ​ല്‍ ക​നാ​ല്‍​പാ​ലം മു​റി​ച്ചു ക​ട​ക്ക​വേ ആ​ന​യെ ക​ണ്ട ഇ​യാ​ള്‍ സ്‌​കൂ​ട്ട​ര്‍ ഇ​ട്ട് ഓ​ടി​ര​ക്ഷ​പ്പെ​ട്ടു.

പു​ഴ​യി​ല്‍ ആ​ന​യെ​ക​ണ്ട് ഓ​ടി​യ ക​ല്ലു​വ​ള​പ്പി​ല്‍ അ​ബു​വി​ന് വീ​ണും പ​രി​ക്കേ​റ്റു. പി​ച്ച​ള​മു​ണ്ട ക​നാ​ലി​ല്‍ ഇ​റ​ങ്ങി​യ കാ​ട്ടാ​ന കു​റ​ച്ചു​ദൂ​രം ക​നാ​ലി​ലൂ​ടെ ന​ട​ന്നു. ചി​ന്നം​വി​ളി​ച്ച് വി​ഹ​രി​ച്ച കൊ​മ്പ​ന്‍ പി​ന്നീ​ട് ക​ര​യി​ലേ​ക്കു​ക​യ​റി അ​ധി​കാ​രി​പ്പ​ടി കൈ​യു​ണ്ട​പ്പ​ടി വ​ഴി പാ​ല​ക്ക​യം പാ​യ​പ്പു​ല്ലി​ലെ​ത്തി. തു​ട​ര്‍​ന്നു ആ​ന​യെ അ​ച്ചി​ല​ട്ടി മൂ​ന്നേ​ക്ക​ര്‍ വ​ന​ത്തി​ലേ​ക്ക് നാ​ട്ടു​കാ​രും വ​ന​പാ​ല​ക​രും ക​യ​റ്റി​വി​ട്ടു.

രാ​വി​ലെ ആ​റി​ന് അ​മ്പാ​ഴ​ക്കോ​ടും കാ​ട്ടാ​ന​യെ ക​ണ്ട​താ​യി നാ​ട്ടു​കാ​ര്‍ പ​റ​ഞ്ഞു. ഇ​ത് മ​റ്റൊ​രാ​ന​യാ​ണോ​യെ​ന്നു സം​ശ​യി​ക്കു​ന്ന​താ​യും പ​റ​യു​ന്നു. പ്ര​ദേ​ശ​ത്ത് പ​രി​ഭ്രാ​ന്തി പ​ര​ത്തി​യ കാ​ട്ടാ​ന വീ​ട്ടു​മു​റ്റ​ത്തു കൂ​ടി​യും മ​റ്റു ജ​ന​വാ​സ​മേ​ഖ​ല​യി​ലും വി​ഹ​രി​ച്ചു. ആ​ന​യി​റ​ങ്ങി​യ ഭാ​ഗ​ത്ത് കു​ളി​ക്കാ​നെ​ത്തി​യ സ്ത്രീ​ക​ളും കു​ട്ടി​ക​ളും മ​റു​ഭാ​ഗ​ത്ത് ആ​ന​യെ​ത്തി​യ​തു ക​ണ്ട് ഓ​ടി​ര​ക്ഷ​പ്പെ​ടു​ക​യാ​യി​രു​ന്നു. മ​ദ്ര​സ​യി​ലേ​ക്ക് പോ​യ കു​ട്ടി​ക​ളും ആ​ന​യെ​ക്ക​ണ്ട് ഭ​യ​പ്പെ​ട്ടു.

പാ​യ​പ്പു​ല്ലി​ലേ​ക്കു​ള്ള യാ​ത്ര​യ്ക്കി​ടെ കൊ​മ്പ​ന്‍ മാ​ളി​യേ​ക്ക​ല്‍ ഷാ​ജു​വി​ന്‍റെ കി​ണ​റി​ന്‍റെ ആ​ള്‍​മ​റ ത​ക​ര്‍​ത്ത് മോ​ട്ടോ​ര്‍ എ​ടു​ത്തെ​റി​ഞ്ഞു. കൈ​യു​ണ്ട​പ്പ​ടി​യി​ല്‍ പാ​റോ​ക്കോ​ട്ടി​ല്‍ മു​ഹ​മ്മ​ദു​കു​ട്ടി​യു​ടെ പി​റ​കി​ല്‍ തു​മ്പി​ക്കൈ​കൊ​ണ്ട് അ​ടി​ച്ചു. എ​ന്നാ​ല്‍ ര​ണ്ട് പാ​റ​ക​ള്‍​ക്കി​ട​യി​ല്‍​പെ​ട്ട താ​ന്‍ തൊ​ട്ട​ടു​ത്ത മ​റ്റൊ​രു പാ​റ​ക്ക​ല്ലി​ലെ​ത്തി​യാ​ണ് ര​ക്ഷ​പ്പെ​ട്ട​തെ​ന്ന് മു​ഹ​മ്മ​ദു​കു​ട്ടി പ​റ​ഞ്ഞു. മു​തു​കി​നും കാ​ലി​നും പ​രി​ക്കേ​റ്റ ഇ​യാ​ള്‍ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്.

തു​ട​ര്‍​ന്ന് ക്ല​ബ് പ​ടി​യി​ലെ​ത്തി​യ ആ​ന മേ​ലെ​മു​റി​യി​ല്‍ ജോ​മോ​ന്‍റെ കാ​റി​ന്‍റെ മു​ന്‍​ഭാ​ഗ​ത്തേ​യും വ​ല​തു​ഭാ​ഗ​ത്തേ​യും ചി​ല്ലു​ക​ള്‍ ത​ക​ര്‍​ക്കു​ക​യും പു​ളി​നി​ല്ക്കും​കാ​ല​യി​ല്‍ ടോമിയുടെ വീ​ടി​ന്‍റെ ഷീ​റ്റും ത​ക​ര്‍​ത്ത​താ​യി ത​ച്ച​മ്പാ​റ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ഷാ​ജു പ​ഴു​ക്കാ​ത്ത​റ പ​റ​ഞ്ഞു. മു​തു​കു​ര്‍​ശി ഭാ​ഗ​ത്തും ആ​ന​യെ ക​ണ്ട​താ​യി പ​റ​യ​പ്പെ​ടു​ന്നു.