ത​ല​യെ​ടു​പ്പോ​ടെ മു​ണ്ടൂ​ർ യു​വ​ക്ഷേ​ത്ര കോ​ള​ജി​ലെ ലാ​ത്തി​മു​ള തോ​ട്ടം
Saturday, September 18, 2021 12:45 AM IST
മു​ണ്ടൂ​ർ: കേ​ര​ള​ത്തി​ൽ തോ​ട്ട​മാ​യി ന​ട്ടു​വ​ള​ർ​ത്തി​യ ആ​ദ്യ​ത്തെ മു​ള തോ​ട്ട​മാ​ണ് മുണ്ടൂർ യുവക്ഷേത്ര കോളജിലേത്. എ​ഴു​പ​തി​ല​ധി​കം വ​ർ​ഷ​ങ്ങ​ളു​ടെ ച​രി​ത്ര​മാ​ണ് ഇ​തി​നു​ള്ള​ത്. 1942 അ​തു​ൾ​മൗ​ജി എ​ന്ന ജൈ​ന​മ​ത​ക്കാ​ര​നാ​ണ് 12 ഏ​ക്ക​ർ സ്ഥ​ല​ത്ത് ഈ ​മു​ള​ന്തോ​ട്ടം ന​ട്ടു​പി​ടി​പ്പി​ച്ച​തെ​ന്നാ​ണ് രേ​ഖ​ക​ൾ. സ്വാ​ത​ന്ത്ര്യ​ത്തി​നു മു​ന്പു​ണ്ടാ​യി​രു​ന്ന കാ​ല​ഘ​ട്ട​മാ​യ​തി​നാ​ൽ ബ്രി​ട്ടീ​ഷു​കാ​രു​ടെ അ​നു​വാ​ദ​ത്തോ​ടെ ബ​ർ​മ്മ​യി​ലെ റം​ഗൂ​ണി​ൽ നി​ന്നും തീ​വ​ണ്ടി​മാ​ർ​ഗം കൊ​ണ്ടു​വ​ന്ന​താ​ണ് ഇ​തി​ന്‍റെ മു​ളം തൈ​ക​ൾ.

അ​തു​കൊ​ണ്ട് ഇ​തി​നെ റ​ഗൂ​ണ്‍ മു​ള എ​ന്നും അ​റി​യ​പ്പെ​ടു​ന്നു​ണ്ട്. വ​ള​രെ വാ​ണി​ജ്യ​പ്രാ​ധാ​ന്യ​മു​ള്ള ഒ​രി​ന​മാ​ണി​ത്. മ​നോ​ഹ​ര​മാ​യ തോ​ട്ട​മാ​യി​ട്ടാ​ണ് ഇ​തു വ​ള​ർ​ത്തി​യി​രു​ന്ന​ത്. മു​ള്ളു​ക​ളി​ല്ലാ​തെ ഇ​ട​തൂ​ർ​ന്നാ​ണ് വ​ള​രു​ക. അ​തു​കൊ​ണ്ടു​ത​ന്നെ തോ​ട്ട​ത്തി​ന്‍റെ ഉ​ള്ളി​ലേ​ക്ക് പ്ര​വേ​ശി​ച്ചു ക​ഴി​ഞ്ഞാ​ൽ പ​ച്ച​പ്പ് കൊ​ണ്ട് ഒ​രു മേ​ലാ​പ്പി​ട്ട കു​ളി​ർ​മ പ​ക​രു​ന്ന അ​നു​ഭ​വ​മാ​ണ് ഉ​ണ്ടാ​വു​ക. വാ​ണി​ജ്യ ആ​വ​ശ്യ​ങ്ങ​ൾ​ക്കാ​യി ഈ ​മു​ള ധാ​രാ​ള​മാ​യി ഉ​പ​യോ​ഗി​ച്ചി​രു​ന്നു. നാ​ലു​വ​ർ​ഷ​മാ​ണ് ഈ ​മു​ള​യു​ടെ വ​ള​ർ​ച്ചാ കാ​ല​ഘ​ട്ടം.

ഉ​ണ്ടാ​യി വ​രു​ന്പോ​ൾ വ​ണ്ണം കൂ​ടു​ത​ലും വ​ള​ർ​ച്ച പൂ​ർ​ണ്ണ​ത​യി​ൽ എ​ത്തു​ന്പോ​ൾ കൈ​പ്പി​ടി​യി​ലൊ​തു​ക്കാ​വു​ന്ന രീ​തി​യി​ൽ വ​ണ്ണം കു​റ​ഞ്ഞ് ബ​ല​വ​ത്താ​യ ത​ണ്ടാ​യി മാ​റും. 1960ക​ളി​ൽ ഈ ​മു​ള​യു​ടെ ക​ട​ഭാ​ഗം ഓ​ർ​ക്കി​ഡ് ചെ​ടി​ക്ക് താ​ങ്ങു​കാ​ലാ​യി കു​വൈ​റ്റി​ലേ​ക്കും ഇ​തി​ന്‍റെ അ​ഗ്ര​ഭാ​ഗം ചൂ​ണ്ട​ക്കോ​ലാ​യി ജ​പ്പാ​നി​ലേ​ക്കും ക​യ​റ്റു​മ​തി ചെ​യ്തി​രു​ന്നു. ഈ ​കാ​ല​ഘ​ട്ട​ത്തി​ൽ തോ​ട്ട​ത്തി​ലേ​ക്ക് സ​ന്ദ​ർ​ശ​ക​രെ ആ​രെ​യും ക​ട​ത്തി​വി​ട്ടി​രു​ന്നി​ല്ല. മു​ള​യു​ടെ തൈ​ക​ൾ പു​റ​ത്തു​പോ​കാ​തെ ക​ർ​ശ​ന കാ​വ​ലും ഏ​ർ​പ്പെ​ടു​ത്തി​യി​രു​ന്നു. എ​ന്നാ​ൽ 1970 മൗ​ജി​യു​ടെ മ​ര​ണ​ശേ​ഷം സ്ഥി​തി മാ​റി.

നാ​ലേ​ക്ക​ർ വീ​തം മൂ​ന്നു ഭാ​ഗ​ങ്ങ​ളാ​യി മൂ​ന്നു​പേ​രു​ടെ ഉ​ട​മ​സ്ഥ​ത​യി​ലാ​യി. ഇ​തി​ലൊ​രു ഭാ​ഗം കോ​ഴി​ക്കോ​ട് സ​ർ​വ്വ​ക​ലാ​ശാ​ല വൈ​സ് ചാ​ൻ​സ​ല​റാ​യി​രു​ന്ന ഡോ. ​ടി.​കെ. ര​വീ​ന്ദ്ര​ൻ വാ​ങ്ങി. വി​ര​മി​ച്ച​തി​നു​ശേ​ഷം 1992 ൽ ​അ​ദ്ദേ​ഹം മു​ള തോ​ട്ട​ത്തി​ൽ ക​രി​ങ്ക​ൽ കൊ​ണ്ടൊ​രു പു​തു​മ​യാ​ർ​ന്ന വീ​ടു നി​ർ​മി​ച്ച് താ​മ​സ​മാ​രം​ഭി​ച്ചു. കേ​ര​ള, ത​മി​ഴ്നാ​ട് പോ​ലീ​സ് ഈ ​തോ​ട്ട​ത്തി​ൽ നി​ന്നും മു​ള ശേ​ഖ​രി​ച്ച് ലാ​ത്തി​ക​ൾ​ക്കാ​യി ഉ​പ​യോ​ഗി​ച്ചു.​ അ​ങ്ങ​നെ ലാ​ത്തിമു​ള എ​സ്റ്റേ​റ്റ് എ​ന്ന പേ​രും ഈ ​തോ​ട്ട​ത്തി​നു​ണ്ടാ​യി. ജി​ല്ലാ ടൂ​റി​സം പ്ര​മോ​ഷ​ൻ കൗ​ണ്‍​സി​ൽ പ്ര​സി​ദ്ധീ​ക​രി​ച്ചി​ട്ടു​ള്ള പാ​ല​ക്കാ​ട് സ്ഥ​ല​നാ​മ ച​രി​ത്രം എ​ന്ന പു​സ്ത​ക​ത്തി​ൽ ഈ ​ലാ​ത്തി മു​ള വി​ശേ​ഷം പ്ര​ത്യേ​കം പ​രാ​മ​ർ​ശി​ച്ചി​ട്ടു​ണ്ടെ​ന്ന് യു​വ ക്ഷേ​ത്ര കോ​ള​ജ് മു​ൻ ഡ​യ​റ​ക്ട​ർ ഫാ.​ ചെ​റി​യാ​ൻ ആ​ഞ്ഞി​ലി​മൂ​ട്ടി​ൽ പ​റ​ഞ്ഞു.

ഡോ.​ ര​വീ​ന്ദ്ര​ന്‍റെ സാ​ഹി​ത്യ മി​ക​വു​ക​ളെ തൊ​ട്ടു​ണ​ർ​ത്തി​യ പ​ച്ച​പ്പി​ന്‍റെ മ​നോ​ഹ​ര തീ​ര​മാ​യി​രു​ന്നു ഈ ​മു​ള​ന്തോ​ട്ടം. 1500ഓ​ളം ഇം​ഗ്ലീ​ഷ് ക​വി​ത​ക​ളും അ​ഞ്ഞൂ​റ് മ​ല​യാ​ളം ക​വി​ത​ക​ളും അ​ദ്ദേ​ഹ​ത്തി​ന്‍റെ ഭാ​വ​ന​യെ തൊ​ട്ടു​ണ​ർ​ത്തി​യ​ത് ഈ ​മു​ള​ങ്കാ​ട്ടി​ൽ നി​ന്നാ​യി​രു​ന്നു. ഇ​ന്ത്യ​യി​ൽ വ​ള​രെ വി​ര​ള​മാ​യി മാ​ത്രം ഉ​ള്ള ഈ ​കൊ​ർ​ണ എ​ന്ന മു​ള​യു​ടെ ശാ​സ്ത്രീ​യ നാ​മം തൈ​റോ​സ്റ്റാ​റ്റി​സ് ഒ​ലി​വേ​റി എ​ന്നാ​ണ്. 2012 പാ​ല​ക്കാ​ട് രൂ​പ​ത​യു​ടെ കീ​ഴി​ൽ യു​വ​ക്ഷേ​ത്ര കോ​ള​ജ് ഈ ​സ്ഥ​ലം വാ​ങ്ങി. കോ​ളേ​ജി​ലെ കു​ട്ടി​ക​ളു​ടെ ഇ​ട​യി​ൽ പ്ര​വ​ർ​ത്തി​ക്കു​ന്ന ഗ്രീ​ൻ ഫാ​ൻ എ​ന്ന പ​രി​സ്ഥി​തി സം​ഘ​ട​ന​യോ​ടു ചേ​ർ​ന്ന് മു​ള​യു​ടെ പ്ര​ച​ര​ണ​ത്തി​നാ​യി അ​നേ​കം കാ​ര്യ​ങ്ങ​ൾ ചെ​യ്തു വ​രു​ന്നു​ണ്ട്.

2013 സെ​പ്റ്റം​ബ​റി​ൽ നാ​ലു​ദി​വ​സ​ത്തെ മു​ള മ​ഹോ​ത്സ​വം സം​ഘ​ടി​പ്പി​ക്കു​ക​യു​ണ്ടാ​യി. കേ​ര​ള​ത്തി​ലെ വി​വി​ധ പ്ര​ദേ​ശ​ത്തു​നി​ന്നും പ്ര​ത്യേ​കി​ച്ച് വ​യ​നാ​ട്ടി​ൽ നി​ന്നും ശേ​ഖ​രി​ച്ച നാ​ൽ​പ​തി​ല​ധി​കം മു​ള ഇ​ന​ങ്ങ​ളു​ടെ തൈ​ക​ൾ മേ​ള​യി​ൽ വി​ത​ര​ണം ചെ​യ്തി​രു​ന്നു. വ​യ​നാ​ട്ടി​ലെ മു​ള ഗ​വേ​ഷ​ണ കേ​ന്ദ്ര​മാ​യ ഉ​റ​വ് എ​ന്ന സം​ഘ​ട​ന​യോ​ട് ചേ​ർ​ന്ന് അ​ഞ്ഞൂ​റി​ല​ധി​കം മു​ള ഉ​ൽ​പ​ന​ങ്ങ​ൾ, മ​റ്റു ക​ര​കൗ​ശ​ല​വ​സ്തു​ക്ക​ൾ എ​ന്നി​വ പ​രി​ച​യ​പ്പെ​ടു​ത്തു​ക​യു​ണ്ടാ​യി.