പാലക്കാട്: ജില്ലയിൽ ഇന്നലെ 152 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ സന്പർക്കത്തിലൂടെ രോഗബാധ ഉണ്ടായ 77 പേർ, ഉറവിടം അറിയാതെ രോഗം ബാധിച്ച 68 പേർ, വിദേശത്തുനിന്നും ഇതര സംസ്ഥാനത്ത് നിന്നുമായി വന്ന 4 പേർ, 3 ആരോഗ്യ പ്രവർത്തകർ എന്നിവർ ഉൾപ്പെടും. 186 പേർക്ക് രോഗമുക്തി ഉള്ളതായും അധികൃതർ അറിയിച്ചു.
ഇന്നലെ രോഗം സ്ഥിരീകരിച്ചവർ
പാലക്കാട് സ്വദേശികൾ 21 പേർ, പട്ടാന്പി സ്വദേശികൾ 18 പേർ, ഒറ്റപ്പാലം സ്വദേശികൾ 12പേർ, നെല്ലായ സ്വദേശികൾ 10 പേർ, മണ്ണാർക്കാട്, തൃത്താല സ്വദേശികൾ 6 പേർ വീതം. പുതുശ്ശേരി, ഷോർണൂർ സ്വദേശികൾ 5 പേർ വീതം. പട്ടിത്തറ, ചെർപ്പുളശ്ശേരി, അലനല്ലൂർ, ഓങ്ങല്ലൂർ, കുഴൽമന്ദം സ്വദേശികൾ 4 പേർ വീതം.
പുതുപ്പരിയാരം, തൃക്കടീരി, കൊടുന്പ്, ചാലിശ്ശേരി, കാവശ്ശേരി, കിഴക്കഞ്ചേരി സ്വദേശികൾ 3 പേർ വീതം. വല്ലപ്പുഴ, വെള്ളിനേഴി, കുലുക്കല്ലൂർ, ആലത്തൂർ, കൊപ്പം, നാഗലശ്ശേരി, അകത്തേത്തറ സ്വദേശികൾ 2 പേർ വീതം. വാണിയംകുളം, കണ്ണാടി, തേങ്കുറിശ്ശി, പരുതൂർ, കപ്പൂർ, മലന്പുഴ, പറളി, മരുതറോഡ്, തിരുവേഗപ്പുറ, പിരായിരി, മാത്തൂർ, അന്പപ്പാറ, മുതുതല, വണ്ടാഴി, പുതൂർ, കാഞ്ഞിരപ്പുഴ, അഗളി സ്വദേശികൾ ഒരാൾ വീതം. ഇതോടെ ജില്ലയിൽ ചികിത്സയിലുള്ളവരുടെ എണ്ണം 4157 ആയി. ജില്ലയിൽ ചികിത്സയിൽ ഉള്ളവർക്ക് പുറമെ പാലക്കാട് ജില്ലക്കാരായ ഒരാൾ കൊല്ലം, ഇടുക്കി ജില്ലകളിലും, രണ്ടുപേർ വീതം കാസർകോഡ്, വയനാട് ജില്ലകളിലും മൂന്ന് പേർ വീതം ആലപ്പുഴ, കോട്ടയം ജില്ലകളിലും, 6 പേർ തിരുവനന്തപുരം, 9 പേർ കോഴിക്കോട്, 30 പേർ തൃശ്ശൂർ, 31 എറണാകുളം ജില്ലകളിലും, 114 പേർ മലപ്പുറം ജില്ലകളിലും ചികിത്സയിലുണ്ട്.