പ്ര​ള​യാ​ന​ന്ത​രം എ​ന്തു ന​ട​ന്നു; ഒ​രു വി​വ​ര​വു​മി​ല്ലെ​ന്ന്്!
Wednesday, February 26, 2020 1:00 AM IST
തൃ​ശൂ​ർ: പ്ര​ള​യാ​ന​ന്ത​രം എ​ന്തു ന​ട​ന്നു​വെ​ന്നുമാ​ത്രം ക​ള​ക്ട​റേ​റ്റി​ൽ ചോ​ദി​ക്ക​രു​ത്. ഇ​തുസം​ബ​ന്ധി​ച്ച് ഒ​രു വി​വ​ര​വു​മി​ല്ലെ​ന്നാ​യി​രി​ക്കും മ​റു​പ​ടി.
ക​ള​ക്ട​റേ​റ്റി​ൽ പ്ര​ള​യാ​ന​ന്ത​ര പ്ര​വ​ർ​ത്ത​ന​വു​മാ​യി ബ​ന്ധ​പ്പെ​ട്ട് ഒ​രു വി​വ​രു​മി​ല്ലെ​ന്നാ​ണ് കൗ​ണ്‍​സി​ല​ർ എ.​പ്ര​സാ​ദ് വി​വ​രാ​വ​കാ​ശ നി​യ​മ പ്ര​കാ​രം ചോ​ദി​ച്ച​പ്പോ​ൾ കി​ട്ടി​യ മ​റു​പ​ടി.
പ്ര​ള​യാ​ന​ന്ത​ര പ്ര​വ​ർ​ത്ത​ന​ത്തി​ന്‍റെ ഭാ​ഗ​മാ​യി 2019 ഡി​സം​ബ​ർ 15ന് ​മ​ന്ത്രി വി.​എ​സ്.​സു​നി​ൽ​കു​മാ​റും മേ​യ​റും അ​നി​ൽ അ​ക്ക​ര എം​എ​ൽ​എ​യും ജില്ലാ ക​ള​ക്ട​ർ എസ്. ഷാ​ന​വാ​സും കോ​ർ​പ​റേ​ഷ​ൻ കൗ​ണ്‍​സി​ല​ർ​മാ​രും പ​ങ്കെ​ടു​ത്ത യോ​ഗ​ത്തി​ന്‍റെ മി​നി​ട്സ് പോ​ലും ഇ​റ​ങ്ങി​യി​ട്ടി​ല്ല. മി​നി​ട്സ് ആ​വ​ശ്യ​പ്പെ​ട്ടു കോ​ർ​പ​റേ​ഷ​ൻ സെ​ക്ര​ട്ട​റി ക​ത്തു ന​ൽ​കി​യി​ട്ടും മ​റു​പ​ടി​യി​ല്ല. ക​ത്തി​ന്‍റെ അ​ടി​സ്ഥാ​ന​ത്തി​ൽ അ​ഡീ​ഷ​ണ​ൽ സെ​ക്ര​ട്ട​റി ഉ​ദ്യോ​ഗ​സ്ഥ​രെ വി​ളി​ച്ചുവ​രു​ത്തി​യ​പ്പോ​ഴാ​ക​ട്ടെ, യോ​ഗ​ത്തി​ൽ എ​ന്താ​ണ് ന​ട​ന്ന​തെ​ന്ന് അ​റി​യാ​ത്ത​തി​നാ​ലാ​ണ് മി​നി​ട്സ് ത​യാ​റാ​ക്കാ​ൻ സാ​ധി​ക്കാ​ത്ത​തെ​ന്നാ​യി​രു​ന്നു മ​റു​പ​ടി​യ​ത്രേ. അ​ങ്ങ​നെ പ്ര​ള​യാ​ന​ന്ത​ര യോ​ഗ​വും പ്ര​ള​യ​ത്തി​ൽ മു​ങ്ങി​പ്പോ​യെ​ന്ന​ർ​ഥം.
പ്ര​ള​യാ​ന​ന്ത​ര പ്ര​വ​ർ​ത്ത​ന​ത്തി​ന്‍റെ നോ​ഡ​ൽ ഓ​ഫീ​സ​റാ​യി ജി​ല്ലാ ക​ള​ക്ട​റെ നി​യ​മി​ച്ച​താ​യി മ​ന്ത്രി വി.​എ​സ്.​സു​നി​ൽ​കു​മാ​ർ പ്ര​ഖ്യാ​പി​ച്ചി​രു​ന്നു. എ​ന്നാ​ൽ അ​തും വെ​റും പ്ര​ഖ്യാ​പ​ന​ത്തി​ൽ ഒ​തു​ങ്ങി. മ​ന്ത്രി​യും ജി​ല്ലാ ഭ​ര​ണ​കൂ​ട​വും ജ​ന​ങ്ങ​ളെ ക​ബ​ളി​പ്പി​ക്കു​ക​യാ​ണെ​ന്നും പ്ര​ള​യം ത​ട​യു​ന്ന​തി​നു​ള്ള ഒ​രു പ്ര​വ​ർ​ത്ത​ന​വും ന​ട​ന്നി​ട്ടി​ല്ലെ​ന്നും ജി​ല്ലാ കോ​ണ്‍​ഗ്ര​സ് ജ​ന​റ​ൽ സെ​ക്ര​ട്ട​റി​ കൂ​ടി​യാ​യ എ.​പ്ര​സാ​ദ് ആ​രോ​പി​ച്ചു.