തി​രി​ഞ്ഞു​നോ​ക്കാ​നാ​ളി​ല്ല; വി​കെഎ​ൻ ​സ്മാ​ര​കം ന​ശി​ക്കു​ന്നു
Wednesday, October 9, 2019 1:01 AM IST
തി​രു​വി​ല്വാ​മ​ല: ആ​ക്ഷേ​പ​ഹാ​സ്യ​ത്തി​ലൂ​ടെ വാ​യ​ന​ക്കാ​രെ ചി​രി​പ്പി​ച്ചു ചി​ന്തി​പ്പി​ച്ച സാ​ഹി​ത്യ​കാ​ര​ൻ വി​കെഎ​ന്നി​ന്‍റെ സ്മാ​ര​കം വ​ട​ക്കേ കൂ​ട്ടാ​ല മുറ്റ​ത്ത്് അ​നാ​ഥ​മാ​യി കി​ട​ക്കു​ന്നു.
വി​കെ​എ​ൻ ചി​രി മാ​ഞ്ഞി​ട്ട് ഒ​ന്ന​ര പ​തി​റ്റാ​ണ്ട് പൂ​ർ​ത്തി​യാ​യി​. അ​ദ്ദേ​ഹ​ത്തി​ന്‍റെ സ​ഹ​ധ​ർ​മി​ണി വേ​ദ​വ​തി​യ​മ്മ വി​ട്ടുന​ൽ​കി​യ സ്ഥ​ല​ത്തു നി​ർ​മി​ച്ച സ്മാ​ര​കം ആ​രും ശ്ര​ദ്ധി​ക്കാ​തെ തെ​രു​വുനാ​യ്ക്ക​ളു​ടെ​യും കാ​ള​ക്കൂ​റ്റ​ൻ​മാ​രു​ടെ​യും താ​വ​ള​മാ​യി​രി​ക്ക​യാ​ണ്. വ​ട​ക്കേ കൂ​ട്ടാ​ല ത​റ​വാ​ട്ടി​ലേ​ക്കു പ്ര​വേ​ശി​ക്കു​ന്ന​തി​ന്‍റെ മു​ൻ​വ​ശ​ത്തു സ്മാ​ര​കം നി​ർ​മി​ച്ച് ആ​റുവ​ർ​ഷ​മാ​യി​ട്ടും ന​ല്ല നി​ല​യി​ൽ പ്ര​വ​ർ​ത്തി​ക്കാ​നു​ള്ള സൗ​ക​ര്യ​മൊ​രു​ക്കാ​ൻ ഭ​ര​ണ​സ​മി​തി​യോ പ​ഞ്ചാ​യ​ത്തോസാം​സ്കാ​രി​ക വ​കു​പ്പോ സാ​ഹി​ത്യ അ​ക്കാ​ദ​മി​യോ തയാറാ​വു​ന്നി​ല്ല.
വി​കെ​എ​ന്നി​ന്‍റെ മ​രു​മ​ക​ൾ ര​മ​യ്ക്കു സ്മാ​ര​ക​ത്തി​ൽ താത് കാലി​ക നി​യ​മ​നം ന​ൽ​കി​യ​തി​നാ​ൽ മാ​ത്ര​മാ​ണ് വി​കെ​എ​ന്നി​ന്‍റെ പു​സ്ത​ക​ങ്ങ​ളും അ​ദ്ദേ​ഹം ഉ​പ​യോ​ഗി​ച്ചി​രു​ന്ന എ​ഴു​ത്തുസാ​മ​ഗ്രി​ക​ളു​മൊ​ക്കെ സൂ​ക്ഷി​ച്ചു​വ​രു​ന്ന​ത്.
ബ​ന്ധ​പ്പെ​ട്ട​വ​ർ അ​വ​ഗ​ണി​ക്കു​ന്ന​തി​ന്‍റെ വ്യ​ക്ത​മാ​യ തെ​ളി​വാ​ണ് സ്മാ​ര​ക​ത്തി​നു പ്രാ​ഥ​മി​ക​മാ​യു​ള്ള അ​ടി​സ്ഥാ​ന സൗ​ക​ര്യ​ങ്ങ​ൾ പോ​ലും ഒ​രു​ക്കു​ന്നി​ല്ല എന്ന​ത്. വൈ​ദ്യു​തി ക​ണ​ക്‌ഷ​നോ കു​ടി​വെ​ള്ള​മോ ഇ​തു​വ​രെ ന​ൽ​കി​യി​ട്ടി​ല്ല. സ്മാ​ര​കം സ​ന്ദ​ർ​ശി​ക്കാ​നെ​ത്തു​ന്ന​വ​ർ​ക്ക് ഇ​രി​ക്കാ​ൻ ഇ​രി​പ്പി​ടം പോ​ലു​മി​ല്ല.
കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽനി​ന്ന് വി​കെ​എ​ന്നി​ന്‍റെ ആ​രാ​ധ​ക​രും വി​ദ്യാ​ർ​ഥി​ക​ളു​മെ​ല്ലാം സ്മാ​ര​കം സ​ന്ദ​ർ​ശി​ക്കാ​ൻ എ​ത്താ​റു​ണ്ട്. വി​കെ​എ​ൻ പു​ര​സ്കാ​ര സ​മ​ർ​പ്പ​ണം ഒ​രു വ​ർ​ഷം മാ​ത്ര​മാ​ണ് ന​ടത്തിയ​ത്.
ച​ര​മ​ദി​ന​ത്തി​ൽ പേ​രി​നൊ​രു ച​ട​ങ്ങ് സം​ഘ​ടി​പ്പി​ക്കു​ന്ന​ത​ല്ലാ​തെ അ​തി​ന​പ്പു​റം സ്മാ​ര​കം വ​ള​ർ​ന്നി​ട്ടി​ല്ല.