പൂ​ര​ങ്ങ​ളു​ടെ പൂ​ര​ത്തി​നു കൊ​ടി​യേ​റി
Sunday, April 14, 2024 6:46 AM IST
തൃ​ശൂ​ർ: പൂ​ര​ങ്ങ​ളു​ടെ പൂ​ര​മെ​ന്നു പേ​രു​കേ​ട്ട തൃ​ശൂ​ർ പൂ​ര​ത്തി​നു കൊ​ടി​യേ​റി. 19നാ​ണ് വി​ശ്വ​പ്ര​സി​ദ്ധ​മാ​യ തൃ​ശൂ​ർ പൂ​രം. ആ​ന എ​ഴു​ന്ന​ള്ളി​പ്പ് സം​ബ​ന്ധി​ച്ച പ്ര​തി​സ​ന്ധി​ക​ൾ​ക്കി​ട​യി​ലും പൂ​രാ​വേ​ശം തൃ​ശൂ​രി​ൽ അ​ല​യ​ടി​ച്ചു​തു​ട​ങ്ങി.

പൂ​ര​ത്തി​ന്‍റെ പ്ര​ധാ​ന പ​ങ്കാ​ളി​ക​ളാ​യ തി​രു​വ​മ്പാ​ടി, പാ​റ​മേ​ക്കാ​വ് ക്ഷേ​ത്ര​ങ്ങ​ളി​ൽ ഇ​ന്ന​ലെ ഉ​ച്ച​യോ​ടെ കൊ​ടി​യേ​റി. ചെ​റു​പൂ​ര​ങ്ങ​ളെ​ത്തു​ന്ന എ​ട്ടു ഘ​ട​ക​ക്ഷേ​ത്ര​ങ്ങ​ളി​ൽ രാ​വി​ലെ​യും രാ​ത്രി​യു​മാ​യി പൂ​രം കൊ​ടി​യേ​റ്റം ന​ട​ന്നു.

തി​രു​വ​മ്പാ​ടി ക്ഷേ​ത്ര​ത്തി​ൽ ഇ​ന്ന​ലെ രാ​വി​ലെ 11 നാ​ണ് കൊ​ടി​യേ​റ്റ് ന​ട​ന്ന​ത്. പാ​ര​മ്പ​ര്യ അ​വ​കാ​ശി​ക​ളാ​യ താ​ഴ​ത്തു​പു​ര​യ്ക്ക​ൽ സു​ന്ദ​ര​ൻ, സു​ഷി​ത് എ​ന്നി​വ​ർ ഭൂ​മി​പൂ​ജ ന​ട​ത്തി​യ​ശേ​ഷം ശ്രീ​കോ​വി​ലി​ൽ​നി​ന്നും പൂ​ജി​ച്ച കൊ​ടി​ക്കൂ​റ എ​ടു​ത്തു​കൊ​ണ്ടു​വ​ന്ന് കൊ​ടി​മ​ര​ത്തി​ൽ കെ​ട്ടി കൊ​ടി​മ​രം ദേ​ശ​ക്കാ​രും ക്ഷേ​ത്രം ഭാ​ര​വാ​ഹി​ക​ളു​മെ​ല്ലാം ചേ​ർ​ന്ന് കൊ​ടി​മ​രം ഉ​യ​ർ​ത്തി.

ഉ​ച്ച​യ്ക്ക് 2.30ന് ​ക്ഷേ​ത്ര​ത്തി​ൽ​നി​ന്നും എ​ഴു​ന്ന​ള്ളി​പ്പാ​രം​ഭി​ച്ചു. എ​ഴു​ന്ന​ള്ളി​പ്പ് നാ​യ്ക്ക​നാ​ലി​ൽ എ​ത്തി​യ​പ്പോ​ൾ നാ​യ്ക്ക​നാ​ലി​ലും ന​ടു​വി​ലാ​ലി​ലും തി​രു​വ​മ്പാ​ടി​യു​ടെ പൂ​ര​പ്പ​താ​ക ആ​ലു​ക​ൾ​ക്കു​മേ​ൽ ഉ​യ​ർ​ത്തി. പി​ന്നീ​ട് ശ്രീ​മൂ​ല​സ്ഥാ​ന​ത്തു മേ​ളം കൊ​ട്ടി​ക്ക​ലാ​ശി​ച്ച് ന​ടു​വി​ൽ​മ​ഠ​ത്തി​ലെ​ത്തി ആ​റാ​ട്ടു ക​ഴി​ഞ്ഞ് ഭ​ഗ​വ​തി വൈ​കീ​ട്ട് അ​ഞ്ചു​മ​ണി​യോ​ടെ തി​രി​ച്ചെ​ഴു​ന്ന​ള്ളി.

പാ​റ​മേ​ക്കാ​വ് ക്ഷേ​ത്ര​ത്തി​ൽ വ​ലി​യ പാ​ണി​ക്കു​ശേ​ഷം പു​റ​ത്തേ​ക്കെ​ഴു​ന്ന​ള്ളി​ച്ച ഭ​ഗ​വ​തി​യെ സാ​ക്ഷി നി​ർ​ത്തി ദേ​ശ​ക്കാ​ർ കൊ​ടി ഉ​യ​ർ​ത്തി. ചെ​മ്പി​ൽ കു​ട്ട​നാ​ശാ​രി നി​ർ​മി​ച്ച ക​വു​ങ്ങി​ൻ​കൊ​ടി​മ​ര​ത്തി​ൽ ആ​ല്, മാ​വ് എ​ന്നി​വ​യു​ടെ ഇ​ല​ക​ളും ദ​ർ​ഭ​പ്പു​ല്ലും കൊ​ണ്ട് അ​ല​ങ്ക​രി​ച്ച് ക്ഷേ​ത്ര​ത്തി​ൽ​നി​ന്നും ന​ൽ​കു​ന്ന സിം​ഹ​മു​ദ്ര​യു​ള്ള കൊ​ടി​ക്കൂ​റ കെ​ട്ടി​യാ​ണ് ഉ​യ​ർ​ത്തി​യ​ത്. കൊ​ടി​യേ​റ്റ​ത്തി​നു​ശേ​ഷം ക്ഷേ​ത്ര​ത്തി​ലെ പാ​ല​മ​ര​ത്തി​ലും മ​ണി​ക​ണ്ഠ​നാ​ലി​ലും മ​ഞ്ഞ​ക്കൊ​ടി ഉ​യ​ർ​ത്തി.

ഘ​ട​ക​ക്ഷേ​ത്ര​ങ്ങ​ളാ​യ ലാ​ലൂ​രി​ലും അ​യ്യ​ന്തോ​ളി​ലും ഇ​ന്ന​ലെ രാ​വി​ലെ കൊ​ടി​യേ​റി. ചെ​മ്പു​ക്കാ​വ്, പ​ന​മു​ക്കും​പ​ള്ളി, പൂ​ക്കാ​ട്ടി​ക്ക​ര, ക​ണി​മം​ഗ​ലം, ചൂ​ര​ക്കോ​ട്ടു​കാ​വ്, നെ​യ്ത​ല​ക്കാ​വ് എ​ന്നീ ഘ​ട​ക​ക്ഷേ​ത്ര​ങ്ങ​ളി​ൽ വൈ​കീ​ട്ടും രാ​ത്രി​യു​മാ​യി കൊ​ടി​യേ​റി.17നു ​വൈ​കി​ട്ട് ഏ​ഴി​നാ​ണ് സാ​മ്പി​ൾ വെ​ടി​ക്കെ​ട്ട്. 18നു ​രാ​വി​ലെ 10ന് ​തെ​ക്കേ​ന​ട തു​റ​ന്ന് പൂ​ര​വി​ളം​ബ​രം ന​ട​ത്തും. അ​ന്നു രാ​വി​ലെ 10ന് ​ആ​ന​ച്ച​മ​യ​പ്ര​ദ​ർ​ശ​ന​വും തു​ട​ങ്ങും.


തൃ​ശൂ​ർ​പൂ​രം: വി​ദേ​ശ വി​നോ​ദ സ​ഞ്ചാ​രി​ക​ൾ​ക്കു പ​വ​ലി​യ​ൻ

തൃ​ശൂ​ർ: പൂ​ര​ത്തി​നോ​ട​നു​ബ​ന്ധി​ച്ചു​ള്ള കു​ട​മാ​റ്റം ആ​സ്വ​ദി​ക്കാ​ൻ വി​ദേ​ശ വി​നോ​ദ​സ​ഞ്ചാ​രി​ക​ൾ​ക്കു തേ​ക്കി​ൻ​കാ​ട് മൈ​താ​ന​ത്തു പ്ര​ത്യേ​ക പ​വ​ലി​യ​ൻ സ​ജ്ജ​മാ​ക്കി. പ​വ​ലി​യ​നി​ലേ​ക്കു​ള്ള പ്ര​വേ​ശ​ന​ത്തി​നു​ള്ള പാ​സി​നാ​യി ജി​ല്ലാ ടൂ​റി​സം പ്ര​മോ​ഷ​ൻ കൗ​ണ്‍​സി​ലി​ന്‍റെ തൃ​ശൂ​ർ പാ​ല​സ് റോ​ഡി​ലു​ള്ള ഓ​ഫീ​സു​മാ​യി ബ​ന്ധ​പ്പെ​ട​ണം. ഫോ​ണ്‍: 0487 2320800, 9496101737, ഇ-​മെ​യി​ൽ: [email protected]

സ്വ​ന്തം ലേ​ഖ​ക​ൻ

Copyright @ 2022 , Rashtra Deepika Ltd.